Jɛremaya 25:31 - EBƆRƐ BE KAWƆL

³¹ Mbe ebɔl na beeŋ gbri n yɔ durnya be kukɔlɔbi kikɛ to. Enyɛnpe Ebɔrɛ na kɔ demu ko a ji a gbiti efuliana na. E beeŋ ji basa kikɛ demu nseŋ shin nɛ luwu e ba kumu kpakpasowuraana so. Ma, Enyɛnpe Ebɔrɛ e kaŋɛ na.’ ”

Jɛremaya 25:31 ပူးပေါင်းရင်းမြစ်များ

Aizaaya 33:3

Enyɛnpe Ebɔrɛ, nɛ fo baa kɔ a sa anyi, efuli pɔtɛana be basa beeŋ nu kena be asheŋ nseŋ shile.

Aizaaya 34:2

Eyɛnpe Ebɔrɛ na nya agbo n wɔtɔ efuli pɔtɛana na nɛ amo be benapo kikɛ. Mo alɛ yili kumo fanɛ bumo kikɛ beeŋ mur.

Aizaaya 34:8

Le be jemanɛ ere nɛ Enyɛnpe Ebɔrɛ na beeŋ kɔ n suge Zayɔn nseŋ sɔ kumo be basa be kɔnɔ ŋ kɔ bumo doŋana.

Aizaaya 66:16

Edɛ nɛ tokobi nɛ Enyɛnpe Ebɔrɛ na kɔ ba nɛ e ba ji durnya to be basa kikɛ demu nɛ basa damta nɛ baaŋ ji n tɔr na e wu.

Jɛremaya 2:35

a le nɛ menyee kaŋɛ: ‘Anyi maŋ wora kulubi kikɛ. Enyɛnpe Ebɔrɛ na malɛ maŋ nya agbo n wɔtɔ anyi.’ Amoso meeŋ gberge menyi kusoe ŋkpal men ka chɛ fanɛ menyi maŋ wora kulubi so.

Jɛremaya 23:19

B la basa lubi nna, amoso ma agbo du fanɛ afugboŋ nɛ k bee ber ga a ba kumu kpakpasowuraana so nna.

Jɛremaya 45:5

Fo ere bee fin asheŋgboŋ nna a sa fo kumu a? Yige amo be kefin. Ŋkpal manɛ so, meeŋ shin nɛ edimɛdi kikɛ e ji jɛrbi, ama kaplɛkama nɛ fo ere yɔ, feeŋ nya n shile m mɔlga fo kumu n ji efute. Ma, Enyɛnpe Ebɔrɛ e kaŋɛ na.”

Ezikɛl 30:3

Kachɛ na taga to, kachɛ nɛ Enyɛnpe Ebɔrɛ na beeŋ gberge fo kusoe na fo nna na, K la kemur nɛ etɔrɔ be kachɛ nna n sa efuliana na.

Ezikɛl 38:22

Kumo be kaman nɛ n ta alɔ nɛ luwu ŋ gberge mo kusoe, nseŋ shin nɛ bɔrɛfu nɛ abɔrɛjembubi nɛ edɛ nɛ a bee suse fanɛ kejembu nɛ baa tre jɛrbi na e chulgi n wurge mo nɛ mbe benapo nɛ efuli damtaana nɛ b ti mo so na so.

Hoziya 12:2

Enyɛnpe Ebɔrɛ kɔ asheŋ ko nɛ e malga ŋ gbiti Judaebi. E beeŋ gberge bumo kusoe ŋkpal kusɔ nɛ b wora so.

Hoziya 4:1

Enyɛnpe Ebɔrɛ na yɛ ma nɛ basa nɛ b wɔ kasawule ere so kikɛ kɔ asheŋ nɛ an ji. Israɛlebi, men loto n nu kusɔ nɛ Enyɛnpe Ebɔrɛ na bee kaŋɛ. E yɛ: “Kashenteŋji nɛ kasha maŋ naa wɔ kasawule ere so nɛ basa malɛ maŋ naa fɛ Ebɔrɛ be asheŋ.

Jowɛl 3:2

Meeŋ gbargbar efuli pɔtɛana kikɛ so ebi m ba shɛr ketaŋɛ nɛ baa tre Jehoshafat na to n ji bumo demu ŋkpal asɔ lubi kama nɛ b wora ma basa na so. B pesaŋ Israɛlebi na to n wɔtɔ efuli pɔtɛana to nseŋ ta ma kasawule m barga to n sa abar.

Maika 6:2

O abeegboŋ nɛ durnya be nsawule be egbaltɔlase nɛ a wɔtɔ mbaanaayɔ, men nu asheŋ nɛ Enyɛnpe Ebɔrɛ na kɔ a semaŋ mbe basa Israɛlebi na.”