Jɛremaya 25:29 - EBƆRƐ BE KAWƆL

²⁹ Jerusalɛm nɛ k la ŋ gbagba be kadegboŋ na to nɛ meeŋ shin nɛ kemur na e fara. B sa maa fɛ fanɛ kasogberge maaŋ ba bumo so. Bumo alɛ gba beeŋ nya kasogberge, ŋkpal manɛ so, meeŋ shin nɛ kena e ku basa kikɛ nɛ b wɔ durnya to be efuliana so. Ma, Enyɛnpe Ebɔrɛ e kaŋɛ na.

Jɛremaya 25:29 ပူးပေါင်းရင်းမြစ်များ

1 Bewura 8:43

kumo ere fo yili esoso n nu bumo be kekule nseŋ wora kusɔ nɛ baa sha n sa bumo, saŋɛ na so durnya be basa kikɛ beeŋ pin fo nsaa nu a sa fo fanɛ kananɛ fo basa Israɛlebi bee nu a sa fo na. Loŋ nɛ baaŋ pin fanɛ bɔrɛlambu nɛ m pɔr ere la kakpa nɛ k daga b ka bee bunyaŋ fo nna.

Aŋasa 11:21

K baa dese nna geeŋ fanɛ baaŋ gberge belubiworapo kusoe, ama bekama nɛ baa wora asheŋ niŋiso bre beeŋ gelge kasogberge.

Aŋasa 11:31

Nɛ basa lela bee nya kelela be kakɔka durnya ere to, kumo ere kashenteŋto, basa lubi gba beeŋ nya kasogberge.

Aŋasa 17:5

Fo baa wora betirpo eyurto, Ebɔrɛ nɛ E to bumo na nɛ fee wora eyurto na. Ebɔrɛ malɛ beeŋ gberge bekama nɛ bumo braana be awurfoŋ bee wora bumo ebel na kusoe.

Aizaaya 10:12

Kumo be kaman nɛ Enyɛnpe Ebɔrɛ na kaŋɛ: “Ŋ kaŋ loge kusɔ nɛ mee wora kebee nɛ baa tre Zayɔn na so nɛ Jerusalɛm to, meeŋ gberge Asiriya be efuli so be ewurgboŋ kusoe ŋkpal mbe mpuchi nɛ kamoowu kikɛ so.”

Jɛremaya 13:13

Kumo be kaman nɛ fo kaŋɛ bumo fanɛ ma, Enyɛnpe Ebɔrɛ na beeŋ shin nɛ basa nɛ b wɔ kasawule ere so kikɛ e nuu yabra m boo. Bewura nɛ b shi Ewura Deevid be kanaŋ to nɛ bɔrɛmatapoana nɛ anebiana nɛ Jerusalɛm to be basa kikɛ beeŋ nuu amo m boo.

Jɛremaya 19:3

An ka yɔ ndoŋ nɛ Enyɛnpe Ebɔrɛ na kaŋɛ ma fanɛ ŋ kaŋɛ bumo le: “Juda be efuli so be bewura nɛ Jerusalɛm to be basa, men nu kusɔ nɛ ma, Enyɛnpetale Israɛl be Ebɔrɛ na kɔ nɛ ŋ kaŋɛ menyi. Meeŋ bar tɔrɔ gboŋgboŋi nfe nɛ k chinchiŋ esa kama nɛ e beeŋ nu kumo be asheŋ.

Jɛremaya 30:11

Meeŋ ba menyi kutɔ m ba mɔlga menyi. Meeŋ mur efuliana nɛ m pesaŋ menyi to n yɔ na kikɛ, ama m maaŋ mur menyi ere. M maaŋ shin nɛ men nya menyi be amu n ji nɛ m maŋ gberge menyi kusoe. Ama meeŋ gberge menyi kusoe nɛ kumo be ekpa so nna. Ma, Enyɛnpe Ebɔrɛ e kaŋɛ na.”

Jɛremaya 46:28

Meeŋ ba menyi kutɔ m ba mɔlga menyi. Ma alɛ beeŋ mur efuliana nɛ n daŋ pesaŋ menyi to n yɔ amo so na, ama m maaŋ mur menyi ere. M maaŋ shin nɛ men wora kulubi nɛ m maŋ gberge menyi kumo be kusoe; ama meeŋ gberge menyi kusoe na nɛ kumo be ekpa so nna. Ma, Enyɛnpe Ebɔrɛ e kaŋɛ na.”

Jɛremaya 49:12

Efuliana nɛ bumo be basa maŋ daga kasogberge gba ka beeŋ nuu ma agbo be kawiebi to, manɛ nna nɛ menyi ere maaŋ nya kasogberge? Menyi alɛ gba beeŋ nuu kawiebi na to.

Ezikɛl 14:17

Ŋko nɛ fanɛ n shin nɛ bedoŋ kre kena n ya kɔ efuli nɛ kumo so be basa wora alubi nseŋ mɔ basa na nɛ bumo be asɔbɔya kikɛ gba,

Ezikɛl 14:21

Ŋkpal ade kikɛ so, kusɔ nɛ ma Enyɛnpetale Ebɔrɛ na bee kaŋɛ e la fanɛ ekpa nɛ meeŋ bɔla kumo so ŋ gberge Jerusalɛm to be basa kusoe kenishipere so nde: “Meeŋ shin nɛ kena nɛ akoŋgboŋ nɛ asɔbɔya lubi nɛ kulɔ mɔso e ba mɔ basa nɛ asɔbɔya kikɛ.

Ezikɛl 38:21

Ma alɛ beeŋ shin nɛ etɔrɔ be yiri yiri e ta kufu n lɛ Gɔg nɛ mbe benapo so nɛ b kilgi a mɔ abar. Ma, Enyɛnpetale Ebɔrɛ na e kaŋɛ na.

Ezikɛl 9:6

Men ya mɔ benyɛnnimu nɛ mbrantiɛ nɛ besuŋgurbi nɛ bechekpar nɛ mbi wurbi kikɛ ama men sa maŋ beta ekama nɛ e kɔ ndulgi mbe kasɔto na. Men fara ma bɔrɛlambu to a mɔ a yɔ.” Nɛ b ta benimuana nɛ b daa wɔ bɔrɛlambu na be anishito na n fara.

Obadaya 1:16

Ma basa nɛ b tase ma kebee cheembi so ashi Jerusalɛm na ka nya kasogberge ere bre meeŋ gberge efuli pɔtɛana kikɛ gba kusoe a chɔ loŋ. Baaŋ nya kasoegberge a chɔ Jerusalɛm peya na, hale nɛ k yɛr bumo kemur to cheche.

Zakareya 13:7

Kede be kaman nɛ Enyɛnpetale Ebɔrɛ na kaŋɛ: “Tokobi, koso ŋ kɔ mbolpɔkpapo nɛ e bee shuŋ a sa ma na m mɔ mo nɛ mbolpɔ na e yeŋ to m pesaŋ to. Saŋɛ na so meeŋ nya ŋ kɔ ma basa.

Luuk 23:31

Ŋkpal manɛ so, ma ere ka du fanɛ kedibi wushiso nɛ b wora ma le ere, nuso nɛ baaŋ wora menyi nɛ men du fanɛ ndibi wɔlso ere?”

1 Pita 4:17

Demu be kejiachɛ na taga to, Ebɔrɛ malɛ be kowu to ebi to nɛ k bee fara. Nɛ k baŋ fara anyi to bre, nuso nɛ asheŋ beeŋ ba kaa du n sa basa nɛ b maa nu a sa Ebɔrɛ be baru lela na?