Jɛremaya 25:17 - EBƆRƐ BE KAWƆL

¹⁷ Ndoŋ nna nɛ n sɔ kawiebi na ashi Enyɛnpe Ebɔrɛ na be enɔ to nseŋ ta kumo n ya sa efuliana nɛ e shuŋi ma amo so na nɛ b nuu kumo to be asɔ nuuso na.

Jɛremaya 25:17 ပူးပေါင်းရင်းမြစ်များ

Jɛremaya 1:10

Kabre mee sa fo eleŋ nna nɛ fo tiŋ a kaŋɛ efuliana na be basa fanɛ meeŋ lara bumo ashi to nseŋ mur bumo nɛ b maaŋ naa wɔtɔ kuraa. Kumo be kaman nɛ n naŋ lɔŋɛ m pɔr bumo be efuliana na n yili.”

Jɛremaya 25:28

Nɛ b kaŋ kini kesɔ kawiebi na fo enɔ to n nuu kumo to be asɔ nuuso na, fo kaŋɛ bumo fanɛ Enyɛnpetale Ebɔrɛ na e kaŋɛ fanɛ a daga fanɛ b nuu kumo to be asɔ nuuso na.

Jɛremaya 25:9

meeŋ shuŋi n tre efuliana nɛ e wɔ kelargato be esoso be kaba so na be basa kikɛ nɛ ewura Nebukadneeza nɛ e la Babilɔn be efuli so be ewura nɛ ma kenya na, nɛ b ba kɔ Juda nɛ efuliana nɛ e kulti ndoŋ na kikɛ kena m mur. Ndoŋ beeŋ mur a dese loŋ mbaanaayɔ nɛ k chinchiŋ ekama nɛ e beeŋ wu amo, ama b kraa beeŋ baa wora menyi eyurto. Ma, Enyɛnpe Ebɔrɛ e kaŋɛ na.

Jɛremaya 27:3

Kumo be kaman nɛ Enyɛnpe Ebɔrɛ na naŋ kaŋɛ ma fanɛ n ta kubɔya m bɔla efuliana nɛ baa tre Edɔm nɛ Mowab nɛ Ammɔn nɛ ndegboŋ nɛ baa tre Tayɛ nɛ Sidɔn be katelamu yilipoana nɛ b ba Jerusalɛm to m ba wu ewura Zɛdikaya na so, nɛ b ta kumo n ya sa bumo be bewuraana.

Ezikɛl 29:2

“Dimɛdi pibi, Ezikɛl, malga ŋ gbiti Ijipt be ewura, Fɛɛro, ŋ kaŋɛ mo kananɛ mo nɛ Ijipt be kasawule so be basa kikɛ beeŋ nya kasogberge be asheŋ.

Ezikɛl 3:2

Nɛ m bugi kɔnɔ nɛ e ta kawɔl sibɛso na n sa ma fanɛ n ji.

Ezikɛl 43:3

Bɔrɛdare nɛ n wu ere daa du fanɛ amo nɛ n daŋ wu jemanɛ nɛ Ebɔrɛ daŋ ba nɛ e ba mur kadegboŋ nɛ baa tre Jerusalɛm na nna nɛ jemanɛ nɛ n daa wɔ lɔr nɛ baa tre Kɛba na ase na nna. Ndoŋ nna nɛ n ta enɔ m buu anishi so nseŋ kurgi kumu n yuu to epul na to.

Habakuk 2:16

Aloŋ nɛ menyi alɛ gba be kemaŋkura beeŋ ki ŋaba n sa menyi. Men gbagba beeŋ nuu nsa m boo m baŋ so a nite a jante. Enyɛnpe Ebɔrɛ na e naŋ shin nɛ men ki basa booso a delgeso a nite basa to nɛ menyi be bunyaŋ e ki anishinyɔr.