Jɛremaya 25:15 - EBƆRƐ BE KAWƆL

¹⁵ Ade be kaman nɛ Enyɛnpe, Israɛl be Ebɔrɛ na naŋ kaŋɛ ma le ashi bɔrɛdare to: “Kawiebi nɛ ma agbo bɔlɔ kumo nde. Sɔ kumo n yɔ efuliana nɛ meeŋ shuŋi fo amo so na so n ya shin nɛ b nuu kumo to.

Jɛremaya 25:15 ပူးပေါင်းရင်းမြစ်များ

Job be kawɔl 21:20

Shin nɛ Enyɛnpetale Ebɔrɛ na be agbogboŋ na e ba alubiworapoana gbagba so nɛ b mur cheche.

Nshɛ 11:6

E beeŋ ta ajanwulɛ tushiso nɛ edɛ wuloŋwuloŋ n lɛ basa lubi so nseŋ ta kawuliwuli tushiso ŋ gberge bumo kusoe.

Nshɛ 60:3

Fo shin nɛ saŋɛ kpakpaso tu fo basa, nɛ afu bee ber anyi nɛ anyee lente.

Nshɛ 75:8

K du fanɛ Enyɛnpe Ebɔrɛ na ka kɔ kawiebi mbe enɔ to nna, nɛ mbe agbo du fanɛ yabra kpakpaso a wɔ kawiebi na to. E bee duga mbe agbo na nna a sa durnya to be amukpakpasowuraana, nɛ baa chise amo kikɛ nyam a nuu.

Nshɛ 75:9

Ama ma ere beeŋ baa malga fo, Jeekɔb be Ebɔrɛ na, be asheŋ, nsaa boŋ nshɛ a kpaŋ fo mbaanaayɔ.

Aizaaya 14:26

Ŋkre nɛ ŋ kɔ n sa durnya to ebi nna na. Ma alɛ kraa shin nɛ ŋ gberge efuliana na kusoe nna.”

Aizaaya 34:2

Eyɛnpe Ebɔrɛ na nya agbo n wɔtɔ efuli pɔtɛana na nɛ amo be benapo kikɛ. Mo alɛ yili kumo fanɛ bumo kikɛ beeŋ mur.

Aizaaya 51:17

Jerusalɛm to ebi, men koso! Kasogberge nɛ Enyɛnpe Ebɔrɛ na nya agbo n shin nɛ k ba menyi so na shi ga. Kasogberge na shin nna nɛ menyee nite a lente fanɛ basa nɛ b boo nsa na.

Aizaaya 51:22

Enyɛnpe menyi be Ebɔrɛ nɛ e bee kuŋ menyi na e kaŋɛ le: “Mee lara kasogberge nɛ n nya agbo n shin nɛ k ba menyi so na nna na. M maaŋ naŋ gberge menyi kusoe n shin nɛ men baa nite a lente fanɛ basa nɛ b boo nsa na.

Aizaaya 51:23

Ama meeŋ shin nɛ kasogberge na e ba basa nɛ b kɔrfɛ menyi nseŋ shin nɛ men dese agbembi so, nɛ baa chichi menyi so fanɛ shishɛr na so.”

Jɛremaya 1:5

“Jɛremaya, pɔɛŋ nɛ n to fo n wɔtɔ fo nio be epun to nɛ e kurge fo, n lara fo nna n yili fanɛ ma anebi n sa efuliana so be basa.”

Jɛremaya 36:2

“Ta kawɔl n sibɛ asɔ kama nɛ ŋ kaŋɛ fo a laŋɛ Israɛl nɛ Juda nɛ efuliana na kikɛ be kaplɛa so na n wɔtɔ kumo to. Sibɛ asɔ kama nɛ ŋ kaŋɛ fo, yili kachɛ nɛ n fara a malga fo kutɔ na, fɔŋfɔŋ jemanɛ nɛ Josaya fara mbe kuwurji m ba fo mbre na, kikɛ n wɔtɔ kawɔl na to.

Jɛremaya 43:11

Ewura Nebukadneeza beeŋ ba kɔ Ijipt be basa kena nseŋ mɔ bumo be basa damta. Alɔ beeŋ mɔ beko nɛ b pɛ beko malɛ ŋ gberge bumo n yɔ Babilɔn be efuli so.

Jɛremaya 45:5

Fo ere bee fin asheŋgboŋ nna a sa fo kumu a? Yige amo be kefin. Ŋkpal manɛ so, meeŋ shin nɛ edimɛdi kikɛ e ji jɛrbi, ama kaplɛkama nɛ fo ere yɔ, feeŋ nya n shile m mɔlga fo kumu n ji efute. Ma, Enyɛnpe Ebɔrɛ e kaŋɛ na.”

Jɛremaya 46:1

Enyɛnpe Ebɔrɛ na daŋ malga ma kutɔ a laŋɛ efuliana na be kaplɛa so nna.

Jɛremaya 48:26

Kumo be kaman nɛ Enyɛnpe Ebɔrɛ na naŋ kaŋɛ le: “Ŋkpal Mowabebi ka keni ma, Enyɛnpe Ebɔrɛ na jiga nseŋ kaŋɛ fanɛ b kɔ eleŋ a chɔ ma so, meeŋ kaŋɛ efuli pɔtɛana na be basa fanɛ b shin nɛ Mowab be basa e nuu nsa m boo nseŋ kwiɛ n dese amo to a melti; saŋɛ na so basa beeŋ mushe bumo.”

Jɛremaya 49:12

Efuliana nɛ bumo be basa maŋ daga kasogberge gba ka beeŋ nuu ma agbo be kawiebi to, manɛ nna nɛ menyi ere maaŋ nya kasogberge? Menyi alɛ gba beeŋ nuu kawiebi na to.

Jɛremaya 51:7

Babilɔn daa du fanɛ shuwa be kawiebi nɛ ma, Enyɛnpe Ebɔrɛ na be agbo daŋ bɔlɔ kumo nna, nɛ k shin nɛ durnya be efuli kikɛ so be basa nuu kawiebi na to m boo nseŋ daa wora asheŋ fanɛ b ka bee lɔ eboŋ na.

Ezikɛl 23:32

Ade kikɛ be kaman, nɛ Enyɛnpetale Ebɔrɛ na kaŋɛ fanɛ “Kurwa nɛ fo da nuu to na nɛ fo alɛ gba beeŋ nuu to, k la kurwa nɛ k shi nsaa du chuŋguluŋ nna. Ekama beeŋ keni fo jiga nseŋ wora fo eyur to, ŋkpal manɛ so, ma agbogboŋ e bɔlɔ kurwa na to.

Ezikɛl 23:33

Feeŋ nuu kurwa na to m boo nɛ kagbenejija e tɔr fo so, ŋkpal kemur nɛ kufusheŋ ka bɔlɔ kurwa na to so. K la fo da Samɛria be kurwa nna.

Ezikɛl 29:12

Meeŋ shin nɛ Ijipt e ki efuli nɛ shɛŋ shɛŋ maaŋ naa wɔ kumo so ashi durnya ere kikɛ to. Nfɛ adena nɛ Ijipt be efuli so be ndegboŋ dese alambure. A beeŋ dese n chɛr a chɔ nde nɛ a bure a dese kikɛ. Kumo be kaman nɛ n shin nɛ Ijiptebi na e pesaŋ to n yɔ efuli pɔtɛana so; ŋkpal manɛ so baaŋ shile n yɔ efuli kama so n ya kaa wɔ ndoŋ be basa to.”

Ezikɛl 36:5

Ma, Enyɛnpetale Ebɔrɛ na malga agbogboŋ so nna ŋ gbiti efuliana nɛ a kulti fo Israɛl be efuli na kikɛ, fɔŋfɔŋ Edɔm be efuli na. Ŋkpal manɛ so, bumo e daŋ ji eyur ga nseŋ daŋ sɔ ma kasawule nɛ kumo be asɔbɔya be ejikpa ŋ ki bumo peya.

Obadaya 1:16

Ma basa nɛ b tase ma kebee cheembi so ashi Jerusalɛm na ka nya kasogberge ere bre meeŋ gberge efuli pɔtɛana kikɛ gba kusoe a chɔ loŋ. Baaŋ nya kasoegberge a chɔ Jerusalɛm peya na, hale nɛ k yɛr bumo kemur to cheche.

Habakuk 2:16

Aloŋ nɛ menyi alɛ gba be kemaŋkura beeŋ ki ŋaba n sa menyi. Men gbagba beeŋ nuu nsa m boo m baŋ so a nite a jante. Enyɛnpe Ebɔrɛ na e naŋ shin nɛ men ki basa booso a delgeso a nite basa to nɛ menyi be bunyaŋ e ki anishinyɔr.

Kelaraŋŋini 14:10

amodoŋwura beeŋ nuu Ebɔrɛ be agboso be nsa nɛ b maŋ ta shɛŋ n cha amo to na nseŋ duga amo n wɔtɔ Ebɔrɛ be agbo be kawiebi to na gba. Baaŋ ta edɛ nɛ jɛrbi n wɔtɔ mo ebesa to, emalaika cheembiana na nɛ Kpakpafɔlbi na be anishito.

Kelaraŋŋini 14:19

Ndoŋ nna nɛ malaika na fili mbe loji na to m ba kasawule so n chala kumo be waindibi be asɔrso na nseŋ ta amo ŋ kpa n wɔtɔ Ebɔrɛ be agbo be kusɔ nyaŋasɔrso na to.