Jɛremaya 22:22 - EBƆRƐ BE KAWƆL

²² Naniere menyeeŋ ji anishinyɔr ŋkpal menyi be alubi so. K beeŋ wora menyi fanɛ afu ka ber menyi be bejuŋkparpoana n yɔ, nɛ bedoŋ ba pɛ efuli pɔtɛana nɛ men daŋ yirda na be basa n yɔ efuli pɔtɛ wɔfɔ so nna.

Jɛremaya 22:22 ပူးပေါင်းရင်းမြစ်များ

Aizaaya 64:6

Anyi kikɛ wora alubi ŋ ku so. Hale anyi be asheŋ lela gba du fanɛ achɛbi krenso ashi fo kutɔ nna. Anyi be alubi so, an du fanɛ afantaŋ wɔlso nɛ afu ber amo n ya lɛ nna.

Aizaaya 65:13

Kumo be kaman nɛ Enyɛnpetale Ebɔrɛ na naŋ kaŋɛ le: “Basa kama nɛ baa shuŋ ma nsaa wora ma kasonu na beeŋ nya n ji nseŋ nuu yilayilaso, ama akoŋ nɛ achukoŋ e naaŋ mɔ menyi alubiworapoana bre. Bumo be ŋgbene beeŋ fuli bumo ama menyi ere beeŋ ji anishinyɔr.

Jɛremaya 10:21

Ndoŋ nna nɛ ŋ kaŋɛ bumo le: “Anyi be bejuŋkparpoana na maŋ kɔ nfɛra nna; b maa kule Ebɔrɛ a fin ekpa a bɔla so a wora asheŋ. Amoso nɛ b maaŋ tiŋ nɛ b chɛ anyi to nɛ anyi be basa maaŋ chɛr nseŋ pesaŋ to fanɛ mbolpɔ na.

Jɛremaya 12:10

Juda du fanɛ ma ndibi sɔrso be kudɔ nna. Bewura damta nɛ b shi efuli pɔtɛana so e ba mur ma ndibi sɔrso be kudɔ. B chichi ma adɔsawule so nna n jija ma asɔduuso, nseŋ shin nɛ ma kasawule nɛ k walɛ a par ma na ki keshishɛrsawule a dese fuloŋ.

Jɛremaya 2:36

Men paŋ anishinyɔr nseŋ ya kaa shuŋ efuli pɔtɛana so be agbirana. Kananɛ Asiriya be efuli so be agbirana maŋ tiŋ n chɛ menyi to na, aloŋ nɛ Ijipt be efuli be agbirana gba maaŋ tiŋ n chɛ menyi to.

Jɛremaya 2:37

Menyeeŋ ji anishinyɔr nseŋ ta menyi be enɔana n deŋi amu so n shu n lar Ijipt be efuli so fanɛ basa nɛ b kɔ kena n tɔr na. Ŋkpal manɛ so, ma Enyɛnpe Ebɔrɛ na kini basa nɛ men yirda na nna n lɛ. Amoso menyi maaŋ nya kechɛto kikɛ bumo kutɔ.”

Jɛremaya 2:8

Bɔrɛmatapoana na malɛ maŋ tiŋ m bishi: ‘Nnɛ nɛ Enyɛnpe Ebɔrɛ na wɔ?’ Ŋ gbagba be bɔrɛmatapoana nɛ baa ŋini ma mbraana maŋ nyi ma. Bejuŋkparpoana na kini ma nseŋ lar ma kaman; nɛ anebiana na malɛ bɔla Baal be kegbir be ketre so m malga nseŋ shuŋ agbirana nɛ e maŋ kɔ tɔnɔ n sa bumo.

Jɛremaya 20:11

Ama fo, Enyɛnpe Ebɔrɛ, nɛ fo shi ga nsaa kɔ eleŋ na ka wɔ ma kaman so, bekama nɛ baa kɔrfɛ ma na beeŋ wora ŋ gben. Baaŋ ji anishinyɔr mbaanaayɔ, ŋkpal manɛ so, b maaŋ nya kusɔ nɛ baa fin ma so na. Esa kama maaŋ teŋ bumo be ŋaba na so kikɛ.

Jɛremaya 30:14

Menyi be beshapo kikɛ teŋ menyi be asheŋ so, menyi be asheŋ maŋ naa tir bumo. Ŋ kɔ menyi nna fanɛ edoŋ, nɛ menyi be kasogberge malɛ shi ga n sa menyi ŋkpal menyi be alubi damta nɛ kumu kpakpaso damta so.

Jɛremaya 4:30

Jerusalɛmebi, menyi be kasawule mur cheche nna na. Ama men kraa wora asheŋ nna a fin fanɛ men doŋana e baa sha menyi; fanɛ kananɛ sakaleche bee ji kebita a fin beshapo na. Ama kumo alɛ maŋ chɛ menyi to kikɛ, ŋkpal manɛ so menyi be beshapo na bee fin menyi nɛ b mɔ nna.

Jɛremaya 5:13

Bumo alɛ naŋ kaŋɛ fanɛ anebiana na la befɛpo nna nɛ bumo be mmalga maŋ shi Enyɛnpe Ebɔrɛ na kutɔ. Ndoŋ nna nɛ Enyɛnpetale Ebɔrɛ na kaŋɛ ma le: “Jɛremaya, ŋkpal basa ere ka bee kaŋɛ le so, meeŋ shin nɛ ma mmalga e baa du fanɛ edɛ fo kɔnɔ to. Basa na malɛ beeŋ baa du fanɛ ndibi, nɛ edɛ na e chɔɔ amo m mur.”

Jɛremaya 7:19

Baa wɔtɔ ma agbo nna, ama bumo gbagba be amu nɛ baa tɔrɔ nsaa ŋaba na.

Hoziya 12:1

Kusɔ kama nɛ Israɛl be basa bee wora kapa nɛ kanyɛ na kikɛ ki kusɔ jiga nɛ kusɔ fuloŋ nna. Efɛ nɛ kebaa nyaŋɛto a wɔtɔ abar e wɔ bumo to. Bumo nɛ Asiriyaebi wora kɔnɔkoŋwule nna a ji yawu ashi Ijipt.”

Hoziya 13:15

Hale nɛ b dii dama a chɔ bumo kurgepoana gba, meeŋ shin nɛ afu tushiso e shi keshishɛrsawule na be epeŋilarkpa be kaba so m ba shin nɛ bumo be mbombi nɛ atirbu e wɔl to. Kumo be kaman nɛ afu na e jija bumo be asɔ lela nɛ b kɔ na.

Hoziya 4:19

Kawuliwuli beeŋ ta bumo n choŋ nɛ anishinyɔr e pɛ bumo ŋkpal b ka bee lara esarga a sa agbir so.

Zakareya 11:17

Asheŋ maaŋ nyalɛ n sa loŋ be mbolpɔkpapo jiga nɛ e yige mbe mbolpɔ n lɛ na! Mbe eleŋ kikɛ beeŋ mur ashi kena to. Mbe kabre beeŋ wu, nɛ mbe jisoso be kenishi malɛ e tan!”

Zakareya 11:8

Kufɔl koŋwule to nɛ n nya agbo n ju mbolpɔkpapo asa ko nɛ b daŋ kishi ma asheŋ ga na.