Jɛremaya 22:17 - EBƆRƐ BE KAWƆL

¹⁷ Ama fo ere, Jehowakim, kananɛ feeŋ wora m puni, ŋko nyaŋ fo basa n suge bumo be asɔ, ŋko m mɔ basa nɛ b maŋ wora shɛŋ be asheŋ e wɔ fo kagbene nɛ fo nfɛra to.”

Jɛremaya 22:17 ပူးပေါင်းရင်းမြစ်များ

1 Bewura 21:19

n ya kaŋɛ mo fanɛ ma Enyɛnpe Ebɔrɛ na e naa kaŋɛ mo fanɛ naniere fo ka mɔ Nabɔf na, mbe kapetɛ e ka nɛ fo ta ŋko? Kaŋɛ mo fanɛ kakpa nɛ njɔnɔ dente Nabɔf be ŋklaŋ na, ndoŋ gbagba nɛ baaŋ dente mo alɛ gba be ŋklaŋ!”

2 Bewura 23:37

Mo alɛ gba daŋ bɛ mo nananyɛnana be aya so nna n wora alubi ŋ gbiti Enyɛnpe Ebɔrɛ na.

2 Bewura 24:4

Enyɛnpe Ebɔrɛ daa maŋ ta m paŋ mo na so.

2 Kronikɛls 36:8

B daŋ sibɛ asɔ kama nɛ ewura Jehowakim daŋ wora, nɛ asheŋ lubi nɛ Ebɔrɛ kishi ga kama nɛ e daŋ wora na kikɛ n wɔtɔ Israɛl nɛ Juda be bewura be adrasheŋ be nwɔl to nna. Mo pibinyɛn Jehowachin e daŋ sɔ mo so n ji kuwura.

Job be kawɔl 31:7

Nɛ fanɛ n daŋ foe ekpa wora kusɔ ko nɛ k maŋ niŋi, ŋko n ta ma kumu n wɔtɔ kulubi ko to, ŋko n ta ma enɔana n wora kulubi ko nna,

Nshɛ 10:3

Belubiworapo bee ji njɔŋ nna ŋkpal bumo be aparsheŋ lubi so. Nɛ kejimuniwuraana malɛ kishi fo nsaa shoduu fo.

Ɛksodɔs 18:21

Ama a daga fanɛ fo lara benyɛn nɛ b kɔ kabɔrɛŋana nsaa la basa nɛ esa beeŋ tiŋ n yirda nɛ baaŋ tiŋ n shuŋ fo kushuŋ ere ashi basa na to. Shin nɛ b ki bejuŋkparpo a keni basa kagboŋ kagboŋ so nɛ basa kalfa kalfa so nɛ basa adununu so nɛ basa kudu kudu so.

Aŋasa 24:2

Asheŋ lubi nawule be asheŋ nɛ baa fɛ saŋkama. Bumo be mmalga kikɛ la kananɛ baaŋ wora kulubi nna.

Aizaaya 56:11

Bejuŋkparpo na du fanɛ njɔnɔ nɛ baa sha ajibi ga nna. B maa ji a moɛ kikɛ. Bumo alɛ maa pin asheŋ to nsaa wɔtɔ a wora asheŋ nɛ a bee par bumo nawule.

Jɛremaya 17:11

Esa kama nɛ e bee puni a nya amansherbi du fanɛ kabuibi nɛ e bee pugi afule nɛ e maŋ to so nna. Jemanɛ nɛ e beeŋ daŋ n yili na nɛ e beeŋ paŋ amansherbi na, kumo be lalaloge nɛ e ki fanɛ ewulpo.

Jɛremaya 19:4

Meeŋ shin nɛ le e wora ŋkpal basa na ka kini ma n lɛ nseŋ ya kaa lara esarga a sa agbirana nɛ bumo gbagba ŋko bumo nanaana ŋko Juda bewuraana maŋ nyi shɛŋ a laŋɛ amo be kaplɛa so na nseŋ shin nɛ kakpa ere wora eyurpi daŋkare be ekpa so. B mɔ basa damta nɛ b maŋ wora shɛŋ n nase nfe be kaplɛkama,

Jɛremaya 22:3

E yɛ: “Ma, Enyɛnpe Ebɔrɛ na e naa kaŋɛ menyi kenishipereso na fanɛ men baa wora asheŋ nɛ e bɔla ekpa so nseŋ niŋi. Men baa kuŋ basa nɛ bumo braana bee puni bumo na nɛ b sa maa nya a puni bumo. Menyi alɛ e sa maa mɛaŋ ŋko a kɔrfɛ befɔ ŋko amunibi ŋko bekulpoche. Men sa maa mɔ basa nɛ b maŋ wora shɛŋ ashi kakpa cheembi ere.

Jɛremaya 6:13

Bumo to be bumo nɛ b kɔ eyilikpa nɛ bumo nɛ b maŋ kɔ eyilikpa kikɛ bee bɔla ekpa lubi so nna a fin amansherbi. Anebiana nɛ bɔrɛmatapoana gba bee puni basa nna nɛ esa maaŋ naŋ tiŋ n yirda bumo.

Jɛremaya 6:6

Kede be kaman, nɛ Enyɛnpetale Ebɔrɛ na e kaŋɛ bewura na fanɛ b ku ndibi n yuu ajaŋ m mata egbal nɛ k kulti Jerusalɛm na nɛ benapo na e dii so n luri kadegboŋ na to. Ŋkpal manɛ so, e yɛ: “Meeŋ gberge basa nɛ b wɔ kadegboŋ ere to kusoe ŋkpal b ka bee kɔrfɛ bumo braana na so.

Jɛremaya 7:6

Men yige kebaapuni befɔ nɛ amunibi nɛ bekulpoche nɛ bekulponyɛn nseŋ naŋ yige kebaamɔ basa nɛ b maŋ wora shɛŋ ashi kasawule na so. Menyi alɛ e yige kagbirshuŋ, ŋkpal manɛ so, k beeŋ mur menyi.

Jɛremaya 8:10

Ŋkpal loŋ so meeŋ ta bumo be adɔsawule n sa basa pɔtɛ nɛ bumo be beche n sa benyɛn pɔtɛ. Menyi to be betirpo nɛ damawuraana kikɛ bee bɔla kapuni be ekpa so nna a fin amansherbi. Anebiana nɛ bɔrɛmatapoana gba bee puni basa nna.

Ezikɛl 18:12

E bee puni betirpo nsaa suge basa. Nɛ esa ta kusɔ ko m ba yili tarma gba e maaŋ naŋ laŋɛ kumo n sa kumo wura. Mo alɛ bee shuŋ agbirana nsaa wora ekishisheŋ.

Ezikɛl 19:6

K ka daŋ n yili nɛ k tu kumo braana ebuluŋ e ji kekpaŋ. Nseŋ koya edimɛdi be kepɛ n ji.

Ezikɛl 19:7

K daa bure basa be ebu lempoana nna, nsaa jija bumo be ndeana. K baaŋ ponte jemanɛ kikɛ, kufugboŋ bee tɔr ekama so efuli na so nna nɛ b baa chicha.

Ezikɛl 19:9

Kumo be kaman nɛ b ta kumo n wɔtɔ katurgegboŋ to nseŋ ta kumo n yɔ Babilɔn be ewura kutɔ. N ya ta mo n ti ebu nɛ ekama maŋ naŋ nu mbe kaponte ashi Israɛl be abee so kikɛ.

Ezikɛl 22:6

Israɛl be bejuŋkparpoana na be ekama ta eleŋ nɛ e kɔ nna a mɔ basa.

Ezikɛl 33:31

Amoso ma basa bee chala nna m ba nu kusɔ nɛ fo kɔ a kaŋɛ, ama bumo alɛ maaŋ wora kusɔ nɛ fo kaŋɛ fanɛ b wora na. Kashaso nɛ baa malga a sa abar, ama kejimuni nɛ kapuni e bɔlɔ bumo be ŋgbene to.

Maika 2:2

B baa sha nsawule ŋko nwu kama, baa suge amo eleŋso nna. Baa puni nna a suge basa be nwu ŋko mpetɛsɔ.

Maika 3:10

Kumukpakpaso nɛ kamɔ nɛ men ta ŋ ki menyi be karechɛ kikɛ be kebaawɔtɔ ashi Ebɔrɛ be kadegboŋ nɛ baa tre Jerusalɛm na to.

Zefanaiya 3:3

Kumo be ekrachi du fanɛ ebuluŋ nɛ a bee munto nna, nɛ kumo be demujipoana malɛ du fanɛ ejiŋkaamu nɛ a bee pɛ kusɔ kanyɛso a ji nɛ, kare be kechɛ kachipurso nɛ shɛŋ maŋ naŋ ka na nna.

Romebi 1:29

Ŋkpal b ka kini Ebɔrɛ na so, eda lubi be yiri kikɛ nɛ alubisheŋ nɛ kejimuni nɛ abar be kebaawora alubi e bɔlɔ bumo to. Amo nɛ a bɔlɔ bumo to gba n ti so e la, kayurbesa nɛ kamɔ nɛ nlu nɛ efɛ nɛ kebaafɛ abar asheŋ lubi. Ade malɛ gba be buushi baa kuli bumo braana,

1 Kɔrintebi 6:10

Beyu ŋko kejimuniwuraana ŋko nsanuupoana ŋko bumo nɛ baa tege bumo braana ŋko besugepoana maaŋ nya Ebɔrɛ be kuwura na to n luri kikɛ.

Kɔlɔsiebi 3:5

Amoso, men yige men be kebaawɔtɔ dra nɛ kumo be asheŋ lubi na, men yige kacheji kpalakpala nɛ kubojuaji nɛ asheŋ jiga nɛ kayɛlga fuloŋ, men sa maa yɛlga alubi, men yige kejimuni. Kejimuni du fanɛ kagbirshuŋ nna.

Joshuwa 7:21

n daŋ wu Babilɔnebi be piŋi lela ko, nɛ gbiti nɛ kumo be egbɛ sa fanɛ kilo anyɔ, nɛ shuwa fanɛ kilo be bargato ka wɔ asɔ nɛ an suge na to nna nɛ amo be asheŋ par ma alegaiso nɛ n ta amo n ya puli ma wajɛbu to. Gbiti na e wɔ kaseto.”

2 Pita 2:14

Kesakaleasheŋ e baŋ bɔlɔ bumo be nfɛraana to, bumo alɛ maa wora alubi a gben kikɛ. Bumo e naa fule basa nɛ b maa kra ketɔr a wɔtɔ asheŋ jiga to, bumo alɛ nseŋ naa la kejimuni be bejuŋkparpo. B wɔ Ebɔrɛ be kɔnɔso to nna.

2 Pita 2:3

Beŋinipoana ere beeŋ bɔla bumo be kajɛ so n ta bumo gbagba be ablɔmbi n ta menyi n nyalɛ. Bumo alɛ be kasogberge dese n chɛr a jo bumo nɛ bumo be esa nɛ e beeŋ mur bumo na maa di.

1 Samuɛl 8:3

Ama bumo ere daa maŋ du fanɛ bumo tuto. Amansherbi nɛ bumo kenishi daŋ pere so ga, nɛ baa puni basa a sɔ bumo be asɔ nsaa ji basa be edemuana durmu so.