Jɛremaya 2:28 - EBƆRƐ BE KAWƆL

²⁸ Agbirana nɛ men lɔŋɛ n sa menyi be amu na wɔ nnɛ? Nɛ men baa wɔ etɔrɔ to nseŋ shu n tre amo fanɛ e ba mɔlga menyi, e maaŋ tiŋ m mɔlga menyi ashi ekpa kama so! Kananɛ Juda be efuli so be ndeana kikɛ sa, aloŋ nɛ kumo be agbirana gba sa.

Jɛremaya 2:28 ပူးပေါင်းရင်းမြစ်များ

2 Bewura 3:13

Nɛ Elaisha kaŋɛ Israɛl be ewura na le: “Manɛ nɛ ma nɛ fo kɔ nɛ mee chɛ fo to? Yɔ n ya bishi efuli pɔtɛana so be agbir nɛ fo tuto nɛ fo nio bee yɔ amo kutɔ n ya ka sɔ nfɛra na.” Nɛ ewura Joram kaŋɛ: “M-m, Enyɛnpe Ebɔrɛ na e bar anyi bewura asa ere nɛ anyi be benapo nfe nɛ Mowab be ewura e kɔ m pɔɔ anyi so.”

Aizaaya 45:20

Ade be kaman nɛ Enyɛnpe Ebɔrɛ na naŋ kaŋɛ le: “Menyi kama nɛ men ji efute ashi efuli pɔtɛana so, e gama abar so m ba ma anishi to nɛ n ji menyi demu! Men koya m pin fanɛ keshuŋ agbir nɛ b ta ndibi n lɔŋɛ maŋ kɔ tɔnɔ, nɛ kebaato nchu agbir ase maŋ kɔ kechɛto kikɛ kuraa.

Aizaaya 46:2

Agbirana na maaŋ tiŋ m mɔlga amo be amu. Amo nɛ bedoŋ kɔ n suge a yɔ efuli pɔtɛ so na. Babilɔn be agbirana be eleŋ fo ekar nna na!

Aizaaya 46:7

Baa kaa sulɔ agbirana na bumo be abatimu so nna n ya ka yili amo be eyilikpa nɛ e maa nite. Nɛ esa baŋ yɔ amo ase n ya malga amo kutɔ gba, a maaŋ tiŋ n tuge mo ŋko m mɔlga amodoŋwura ashi tɔrɔ kikɛ to.

Aizaaya 57:13

Men kaa shu a fin kechɛto, men shin nɛ menyi be agbirana e mɔlga menyi! Ama afu fimbi e naŋ ber amo n lɛ. Bekama nɛ b yirda ma e naaŋ chena kasawule na so nseŋ shuŋ ma ashi ma bɔrɛlambu to ashi ma kebee cheembi na so.”

Jɛremaya 1:16

Meeŋ gberge ma basa kusoe ŋkpal b ka kini ma n lɛ nsaa shuŋ agbir a lara esarga a sa amo so.

Jɛremaya 11:12

Ndoŋ nna nɛ b laŋɛ n yɔ agbirana nɛ baa lara esarga a sa na kutɔ nɛ b ya shu n fin kechɛto. Ama agbirana na maaŋ tiŋ m mɔlga bumo jemanɛ nɛ kemurgboŋ na beeŋ ba bumo so na.

Jɛremaya 11:13

Ŋkpal manɛ so, Juda be efuli so be kadegboŋ kikɛ to kɔ agbir nɛ Jerusalɛm to be kegbembi kikɛ ase kɔ kegbirsure nɛ baa lara esarga kumo so a sa kegbir nɛ baa tre Baal nɛ kumo be asheŋ bee nu agbo ga na.

Jɛremaya 30:7

Ma basa, k maŋ chɛr, menyeeŋ ji awurfoŋ nɛ k chɔ kekama nɛ men daŋ ji ŋ ku so, ama ma alɛ beeŋ mɔlga menyi.”

Jɛremaya 37:19

Manɛ nɛ men wora menyi be anebi fɛpoana nɛ b fule ŋ kaŋɛ menyi fanɛ Babilɔn be ewura maaŋ kɔ menyi ŋko efuli na kena? Men ti bumo ebu a?

Hoziya 10:1

Israɛl be basa daa du nna fanɛ asɔrso nɛ baa tre greep na be kefeelebi. B baa dii dama baa pere kenishi nna a pɔr ebɔrɛsure damta. Bumo be adɔjibi baa wora nɛnɛ baa pere kenishi nna a lɔŋɛ kakpa nɛ baa shuŋ agbir na nɛnɛ.

Habakuk 2:18

Kegbir maŋ kɔ tɔnɔ kikɛ. Dimɛdi e pɔr ŋko n shɛl kumo. Efɛsheŋ nawule nɛ k bee ŋini. Nɛ manɛ so nɛ menyee yirda kusɔ nɛ b ta kebɛlso ŋko kedibi n lɔŋɛ nɛ k maa malga?

Habakuk 2:19

Asheŋ maaŋ nyalɛ n sa menyi nɛ menyee kaŋɛ kedibi ŋko kejembu fanɛ k koso n sɔ nchu n nuu na. Kegbir beeŋ tiŋ n lara kesheŋ ko ŋ ŋini fo a? Baaŋ tiŋ n ta shuwa ŋko gbiti ŋ gbiti kumo, ama k kraa maŋ kɔ ŋkpa.

Ditɛronɔmi 32:37

Kumo be kaman nɛ Enyɛnpe Ebɔrɛ na e bishi mbe basa le: ‘Nnɛ nɛ agbirgboŋ nɛ men yirda na wɔ?

Demujipoana 10:14

Men ya shu n tre agbir nɛ menyee shuŋ na. Men shin nɛ a mɔlga menyi ashi men be etɔrɔ na to!”