Jɛremaya 19:6 - EBƆRƐ BE KAWƆL

⁶ Amoso, men baa da so! Kachako bee ba nɛ b maa naa tre kakpa ere Tɔfɛf ŋko Hinnɔm be Ketaŋɛ. Ama baaŋ baa tre kumo Kamɔ be Ketaŋɛ.

Jɛremaya 19:6 ပူးပေါင်းရင်းမြစ်များ

Aizaaya 30:33

Dra dra na kikɛ nɛ Enyɛnpe Ebɔrɛ na bela kakpa nɛ edɛgboŋ beeŋ chɔ Asiriya be ewurgboŋ m mɔ na ase n yili. Ndoŋ la kakpa chiŋgeliŋ nsaa wɔ mpar nna nɛ ndibi biti abar so kumo to. Enyɛnpe Ebɔrɛ na e naaŋ fute edɛ be adondulombi n wɔtɔ ndibi na to nɛ a suseso.

Jɛremaya 19:11

nseŋ kaŋɛ bumo kusɔ nɛ e bee shin nɛ e kaŋɛ ere. E yɛ: “Meeŋ shin nɛ Juda be efuli na nɛ Jerusalɛm be kadegboŋ ere e bure fanɛ kananɛ kapuya ere bure nsaa maŋ naa kɔ kebela n chuge abar so ere. Basa beeŋ ta bumo be bubuni m ba kaa puli Tɔfɛf nfe, ŋkpal manɛ so, kakpa maaŋ naa wɔtɔ kaplɛkama nɛ b baa puli bubuni.

Jɛremaya 19:2

m bɔla kabunagboŋ nɛ baa tre Mpuya bureso be Kabunagboŋ na to n yɔ ketaŋɛ nɛ baa tre Hinnɔm be Ketaŋɛ na to n ya bɔ kubɔya nɛ e beeŋ sa ma ndoŋ na n sa bumo.

Joshuwa 15:8

nseŋ naŋ bɔla Bɛn Hinnɔm be ketaŋɛ nɛ k dese kebee nɛ Jebusiebi be kade nɛ baa tre Jerusalɛm na tase so na be kelargato be kaseto be kaba so. Ndoŋ nɛ k yili n dii kebee nɛ k wɔ Hinnɔm be ketaŋɛ na be epeŋitɔrkpa be kaba so na be esoso ashi Refaebi be ketaŋɛ na be kelargato be esoso be kaba so,