Jɛremaya 18:22 - EBƆRƐ BE KAWƆL

²² Enyɛnpe Ebɔrɛ, basa ere kur amaŋ nna fanɛ n tɔr amo to nseŋ naŋ fe ajigbelɛ a jo ma. Jemanɛ nɛ bedoŋ be benapo beeŋ ba kɔ bumo kena ashi bumo be elaŋana to na, shin nɛ kufugboŋ e tɔr bumo so nɛ b baa shu a boŋ to.

Jɛremaya 18:22 ပူးပေါင်းရင်းမြစ်များ

Nshɛ 119:85

Kamoowuwuraana nɛ b maa wora fo mbra kasonu kur amaŋ nna n nase a jo ma nɛ n tɔr to.

Nshɛ 140:5

Kamoowuwuraana ŋana nna n sho ajigbelɛ nɛ ashewu ma ekpa to a fin ma nɛ b pɛ.

Nshɛ 140:6

O Enyɛnpe Ebɔrɛ, fo e la ma Ebɔrɛ. Jande nu ma kekule nseŋ chɛ ma to!

Nshɛ 142:4

M baŋ keni ŋ kulti, mee wu fanɛ esa kikɛ maŋ wɔtɔ nɛ e chɛ ma to, esa kikɛ maŋ wɔtɔ nɛ e kuŋ ma. Ma asheŋ malɛ maŋ tir esa kikɛ.

Nshɛ 38:12

Bumo nɛ baa fin ma luwu bee sho ma ajigbelɛ nna; nɛ bumo nɛ baa fin ma nɛ b jija malɛ bee kre ma ŋkre lubi karechɛ kikɛ.

Aizaaya 10:30

Esa beeŋ tiŋ n nu basa ka bee shu awɔrso ashi nde nɛ baa tre Gallim nɛ Laisha nɛ Anatɔf nɛ kagbenejija tɔr so na to.

Jɛremaya 18:20

N wora ania fanɛ meeŋ chɛ bumo to, ama baa kre keta kulubi nna ŋ ka ma kukɔ. K du fanɛ b kaa kur kemaŋ nna n nase nɛ n tɔr kumo to. Jemanɛ ko n daŋ kule fo fanɛ fo sa maŋ nya agbo ŋ gberge bumo kusoe.

Jɛremaya 20:10

Mee nu ekama ka bee kuli a kaŋɛ le: “Kufugboŋ e sɔ kaplɛkama! Amoso men shin nɛ an potii Jɛremaya n sa benimuana na!” N teri kpakpasoana gba bee jo nna nɛ n wora n da so. Kusɔ nɛ baa kaŋɛ e la fanɛ: “Ashere esa beeŋ tiŋ n fule Jɛremaya nɛ e wora n da so nɛ an nya mo m pɛ ŋ ka mo kukɔ.”

Jɛremaya 20:16

Ebɔrɛ e shin nɛ amodoŋwura e ki fanɛ ndegboŋ nɛ Enyɛnpe Ebɔrɛ daa maŋ wu kuwɔr nseŋ mur amo na. Ebɔrɛ e shin nɛ e baa nu kushu be asheŋ kachipurso kikɛ nsaa nu kena be asheŋ kapaso kikɛ.

Jɛremaya 4:31

N nu esa ko ka bee tekeŋto fanɛ eche nɛ kakurge ta na, nseŋ naŋ nu kushu fanɛ eche ka bee kurge mo pibi sososo. Jerusalɛm e daa fute a gben nsaa shu a lɛ mbre a kaŋɛ le: ‘Mee wu nna na! Bedoŋ e naa ba nɛ b ba mɔ ma!.’ ”

Jɛremaya 5:26

Basa nɛ baa wora asheŋ lubi wɔ ma basa to nna a pɛ bumo anya fanɛ kananɛ basa bee sho ashewu a pɛ mbuibi na.

Jɛremaya 6:26

Kumo be kaman, nɛ Enyɛnpe Ebɔrɛ naŋ kaŋɛ mbe basa le: “Men ta nli be asɔbuuso m buu nseŋ dese nsunɔ to a melti. Men baa shu kenishipereso fanɛ kananɛ menyee shu ebi koŋwule be luwu be keeli na. Ŋkpal manɛ so, basa nɛ baaŋ ba mur menyi na maaŋ chɛr nseŋ ba kɔ menyi kena.

Zefanaiya 1:16

Kumo alɛ beeŋ naa la kachɛ nɛ kena to be mbel be kushu beeŋ sɔ kaplɛkama nɛ basa e baa boŋ to a cha awɔr ashi ndegboŋ nɛ b pɔr egbalana ŋ kulti nɛ a kɔ mboŋ lempo jeŋgreŋ na kikɛ to.

Matiu 22:15

Ade be kaman nɛ Efarisiana lar n ya wora kɔnɔ fanɛ b ya lute Yesu kɔnɔ n shin nɛ e malga nɛ b yili mbe mmalga na so n nya mo.