Jɛremaya 16:16 - EBƆRƐ BE KAWƆL

¹⁶ Kumo be kaman nɛ Enyɛnpe Ebɔrɛ na kaŋɛ le: “Mee shuŋi bedoŋ nna nɛ b ba pɛ menyi fanɛ ekɔrɔtɔ nseŋ naŋ mɔ menyi fanɛ bekpampo ka mɔ kupuŋ to be asɔbɔya ashi abeegboŋ nɛ abeebi so nɛ abeelaŋ to na.

Jɛremaya 16:16 ပူးပေါင်းရင်းမြစ်များ

Jɛnesis 10:9

E daa la ekpampogboŋ nna Enyɛnpetale Ebɔrɛ na be anishito, amoso nɛ b daa kaŋɛ le na: “Baa la ekpampogboŋ Enyɛnpetale Ebɔrɛ be anishito fanɛ Nimrod.”

Aizaaya 2:21

Enyɛnpe Ebɔrɛ na kaŋ ba nɛ e ba gbuŋgbuŋ kasawule na, basa beeŋ shile n ya ŋana amaŋ nɛ abeelaŋ to a fin keŋana Enyɛnpe Ebɔrɛ na be agbo nɛ eleŋgboŋ nɛ kemaŋkura so.

Aizaaya 7:19

Baaŋ mel abar so n sɔ ataŋɛ chiŋgeliŋ to nɛ abeelaŋ to nɛ kupuŋ to kikɛ nɛ asɔbɔya be ejikpa kikɛ so n chena.

Jɛremaya 25:9

meeŋ shuŋi n tre efuliana nɛ e wɔ kelargato be esoso be kaba so na be basa kikɛ nɛ ewura Nebukadneeza nɛ e la Babilɔn be efuli so be ewura nɛ ma kenya na, nɛ b ba kɔ Juda nɛ efuliana nɛ e kulti ndoŋ na kikɛ kena m mur. Ndoŋ beeŋ mur a dese loŋ mbaanaayɔ nɛ k chinchiŋ ekama nɛ e beeŋ wu amo, ama b kraa beeŋ baa wora menyi eyurto. Ma, Enyɛnpe Ebɔrɛ e kaŋɛ na.

Jɛremaya 4:29

Kade kama to be basa ka baŋ nu egbaŋɛ diipoana nɛ basa nɛ b kɔ ata a kɔ be asheŋ baŋ lara aya fuful n shile. Beko beeŋ shile n yɔ kupo to, nɛ beko malɛ e shile n ya ŋana afaltagboŋ to. Kade kikɛ beeŋ dese fuloŋ, nɛ esa kikɛ maaŋ naa wɔ amo to.

Jɛremaya 49:5

Meeŋ shin nɛ kenishipere gboŋgboŋi nɛ k bee keta kufu a shi kaba kama so m ba menyi so nɛ men shile m mɔlga menyi be amu. Esa kikɛ maaŋ naa wɔtɔ nɛ e naŋ gama menyi be benapo abar so.

Jɛremaya 6:9

Kede malɛ be kaman nɛ Enyɛnpetale Ebɔrɛ na naŋ kaŋɛ ma le: “Baaŋ fige Israɛl be efuli so fanɛ b ka chuge kedibi sɔrso be asɔrso kikɛ ŋ ka kumo loŋ n yili na. Amoso, jemanɛ ka kraa wɔtɔ n sa menyi ere, men wora ania fanɛ menyeeŋ mɔlga ekama nɛ menyeeŋ tiŋ.”

Nfabel 4:18

Bedoŋ daa fin anyi nɛ b mɔ ashi kegbembi kama so nna. Amoso an daa maŋ naa tiŋ a nite agbembi so. Anyi be kemur be jemanɛ fo, anyi be nchɛ fo ekar nna na.

Nfabel 4:19

An doŋana na daa du fanɛ kusore ka bee fuu kusɔ na nna. B daa ju a buu anyi so kaplɛkama nna a fin anyi nɛ b pɛ. Abee so nɛ b daa kuŋ anyi a pɛ, ŋko pugi keshishɛrsawule so a jo anyi nɛ an ba purgi bumo nɛ b pɛ.

Hoziya 10:10

Meeŋ ya kɔ basa lubi ere kena nseŋ gberge bumo kusoe. Efuli pɔtɛana beeŋ wora kɔnɔkoŋwule ŋ kɔ bumo kena nseŋ gberge bumo kusoe ŋkpal bumo be alubi damta so.

Eemɔs 4:2

Le nɛ Enyɛnpetale cheembi na nase kɔnɔ ŋ kaŋɛ: “Kachako bedoŋ beeŋ ta akɔltobi ŋ gberge menyi n yɔ. Baaŋ pɛ menyi be ekama fanɛ kekɔltobi ka pɛ kɔrɔtɔ na.

Eemɔs 5:19

Loŋ be kachɛ na beeŋ baa ka du fanɛ esa ka bee shile a ŋana buluŋ so nna nseŋ ya lar shishiri so! Ŋko esa ka ba laŋ to nɛ e ba wushi nseŋ ta mbe enɔ n deŋi egbal so nɛ kuwɔ e duŋ mo.

Maika 7:2

Esa kikɛ ma ŋ naa ji kashenteŋ kasawule ere so. Ekama maŋ niŋi Ebɔrɛ be anishito. Ekama bee fin ekpa nɛ e beeŋ bɔla so m mɔ mo barkasa nna. Edimɛdi kikɛ bee tɛ bumo niopibiana nna a fin bumo nɛ b mɔ.

Zefanaiya 1:12

Kumo be jemanɛ so, meeŋ chɔɔ fitila so n nite ŋ keni Jerusalɛm to n fin bekama nɛ asheŋ maŋ tir bumo nɛ baa kaŋɛ fanɛ Enyɛnpe Ebɔrɛ na maaŋ wora kulubi ŋko kelela na, nseŋ gberge bumo kusoe.

1 Samuɛl 24:11

Yiramu, keni kusɔ nɛ ŋ keta ere, fo gbagba be piŋi be keyɛlbi nna na. Baa nyi fanɛ kananɛ m baŋ nya ekpa ŋ ku fo piŋi be keyɛlbi ere, loŋ be ekpa nɛ n daa kɔ nɛ n tiŋ m mɔ fo gba, ama ma alɛ maŋ wora loŋ. Amoso le e daga fo alɛ gba ka pin fanɛ ma ere maŋ kɔ nfɛra lubi kikɛ n sa fo. Kashenteŋ nna fanɛ maŋ wora fo shɛŋ, ama fo alɛ pere kenishi a fin ma kemɔ.

1 Samuɛl 26:20

Sa maŋ kaŋ mɔ ma ashi nnyamase be kasawule so, ashi kakpa nɛ Enyɛnpe Ebɔrɛ na maŋ taga to, ŋkpal manɛ so, m maŋ la shɛŋ. Kejaŋjaŋkɔrso gba chɔ ma! Nɛ manɛ e ba nɛ Israɛl be ewura bee fin ma alɛ le nɛ e mɔ fanɛ mbuibi ashi kebee so?”