Jɛremaya 15:15 - EBƆRƐ BE KAWƆL

¹⁵ Ndoŋ nna nɛ ŋ kaŋɛ le: “Naniere Enyɛnpe Ebɔrɛ, fo pin kebaawɔtɔ nɛ n wɔ kumo to nna na. Nyiŋi ma asheŋ nseŋ chɛ ma to. Shin nɛ n tiŋ n wora n tal basa nɛ baa kɔrfɛ ma na to. Sa maŋ ji bumo kanyiti n shin nɛ b nya ma m mɔ. Baa nyiŋi fanɛ fo so nɛ baa tege ma.

Jɛremaya 15:15 ပူးပေါင်းရင်းမြစ်များ

Nehemaya 13:22

Kumo be kaman nɛ ŋ kaŋɛ Livaiebi na fanɛ b baa wora bumo be amu cheembi nsaa kuŋ Jerusalɛm be kadegboŋ na be mbuna na Kewushiachɛ kikɛ, saŋɛ na so basa beeŋ ta kumo ŋ ki kachɛ cheembi nsaa sa kumo bunyaŋ. Ebɔrɛ la ewɔrwupo nna, mee kule mo fanɛ e wu ma kuwɔr nseŋ nɛfa ma ŋkpal kusɔ nɛ mee wora ere so.

Nehemaya 13:31

Ma alɛ daŋ naŋ yili kumo nna fanɛ basa na beeŋ baa bar ndibi puga edɛ bɔrɛsure na ase karechɛ kikɛ nseŋ naa bar bumo be adɔjibi nɛ baaŋ teŋi sososo na bɔrɛlambu na to. Mee kule Ebɔrɛ nna fanɛ e nɛfa ma ŋkpal asɔ lela nɛ mee wora ere so.

Nehemaya 5:19

O Ebɔrɛ, mee kule fo nna nɛ fo nyiŋi kusɔ nɛ n wora n sa basa ere nseŋ nɛfa ma.

Nehemaya 6:14

Ndoŋ nna nɛ ŋ kule Ebɔrɛ le: “Ebɔrɛ nyiŋi kusɔ nɛ Tobaya nɛ Sanballat wora nɛ anebiche nɛ baa tre Nodaya nɛ anebiana nɛ b ka na be kananɛ b fin ekpa nɛ b funti ma. Jande gberge bumo kikɛ kusoe n sa ma.”

Job be kawɔl 10:7

Fo nyi ŋ ka maŋ wora n jija, ama wanɛ e naaŋ tiŋ m malga ŋ kuŋ ma fo kutɔ?

Nshɛ 102:24

Ndoŋ nna nɛ ŋ kaŋɛ le: O ma Ebɔrɛ, sa maŋ ta ma, nɛ ma nchɛ maŋ naŋ fo. Fo ere wɔtɔ nna mbaanaayɔ.

Nshɛ 106:4

Enyɛnpe Ebɔrɛ, baa nyiŋi ma, jemanɛ nɛ fee chɛ fo basa to nsaa mɔlga bumo na.

Nshɛ 119:84

Saŋɛ mo nɛ a daga fanɛ n jo n ya fo? Jemanɛ mo nɛ feeŋ gberge basa nɛ baa kɔrfɛ ma na kusoe?

Nshɛ 17:3

Fo nyi ma kagbene to. Fo wora ma ŋ keni kanyɛso n wu fanɛ maŋ wora n jija. N yili kumo ma kagbene to fanɛ m maaŋ ku efɛ kikɛ.

Nshɛ 39:13

Sa maŋ naŋ nya agbo n wɔtɔ ma, saŋɛ na so meeŋ nya kagbenefuli gbrɛbi pɔɛŋ nseŋ lar durnya ere to.

Nshɛ 44:22

Ŋkpal fo so anyee luri luwu to nna saŋkikɛ. An du fanɛ mbolpɔ nɛ b gberge a yɔ nɛ b ya mɔ nna.

Aizaaya 38:3

“Enyɛnpe Ebɔrɛ, baa nyiŋi kananɛ n daŋ shuŋ fo kashenteŋ nɛ kagbene koŋwule so. Ma alɛ wora ania fanɛ meeŋ baa wora kusɔ kama nɛ fee sha.” Kumo be kaman nɛ e shu ga.

Jɛremaya 12:3

Ama, Enyɛnpe Ebɔrɛ, fo nyi ma nɛnɛ. Fee wu kusɔ nɛ mee wora nsaa nyi kananɛ mee sha fo. Amoso Enyɛnpe Ebɔrɛ, gberge n doŋana n ya mɔ fanɛ mbolpɔ.

Jɛremaya 15:10

Ade kikɛ be kaman nɛ Jɛremaya fɛ le ashi mbe kagbene to: “N la esa nɛ mbe kagbene jija mo ga nna! Manɛ nna nɛ n nio kurge ma m ba durnya to bre? Ma nɛ ekama bee bile nna kasawule ere so. Ma alɛ maŋ naŋ yɔ esa kikɛ kutɔ n ya paŋ amansherbi ŋko n ta amansherbi m paŋ esa kikɛ ŋ ku so, ama ekama bee shoduu ma nna.”

Jɛremaya 15:20

Meeŋ shin nɛ fo ki fanɛ epal be egbal lempo basa kutɔ. Baaŋ kɔ fo ama b maaŋ tiŋ m pɔɔ fo so. Meeŋ baa wɔ fo kutɔ a kuŋ fo nɛ shɛŋ shɛŋ maaŋ wora fo.

Jɛremaya 17:16

Ama Enyɛnpe Ebɔrɛ, fo e lara ma fanɛ m baa keni fo basa so fanɛ anebi, kumo alɛ nɛ mee wora na. Fo nyi ma kɔnɔ to be mmalga kikɛ. Ma alɛ maŋ naŋ kaŋɛ fo kachɛ koŋwule gba fanɛ fo gberge bumo kusoe.

Jɛremaya 18:23

Ama Enyɛnpe Ebɔrɛ, fo nyi ejina nɛ b to a laŋɛ ma kemɔ be kaplɛa so be asheŋ. Amoso nya agbo n wora bumo nsaa maŋ ta bumo be alubi m paŋ bumo. Shin nɛ b kɔ n tɔr.”

Jɛremaya 20:11

Ama fo, Enyɛnpe Ebɔrɛ, nɛ fo shi ga nsaa kɔ eleŋ na ka wɔ ma kaman so, bekama nɛ baa kɔrfɛ ma na beeŋ wora ŋ gben. Baaŋ ji anishinyɔr mbaanaayɔ, ŋkpal manɛ so, b maaŋ nya kusɔ nɛ baa fin ma so na. Esa kama maaŋ teŋ bumo be ŋaba na so kikɛ.

Jɛremaya 20:12

O Enyɛnpetale Ebɔrɛ, fo e naa wora basa niŋiso a keni nsaa pin kusɔ nɛ k wɔ bumo be ŋgbene nɛ nfɛra to. Amoso shin nɛ n wu fo kaa ka n doŋana kukɔ n tal to. Ŋkpal manɛ so, fo nɛ n ta ma asheŋ tirso m bɔɔ enɔ.

Jɛremaya 20:8

Jemanɛ kikɛ nɛ k daga fanɛ m malga, kemur nɛ luwu be asheŋ nɛ mee malga. Enyɛnpe Ebɔrɛ, fo kubɔya nɛ mee bɔ na bee bar ma katege nɛ etɔrɔ nawule nna.

Nfabel 3:64

O Enyɛnpe Ebɔrɛ, gberge bumo kusoe ŋkpal kusɔ nɛ b wora so.

Nfabel 3:66

Nyagbo n ju m buu bumo so m mur bumo kuraa nɛ b sa maŋ naa wɔ durnya to!”

Matiu 10:22

Ekama beeŋ kishi menyi ŋkpal ma so, ama esa kama nɛ e ji kanyiti n ya fo lalaloge na beeŋ nya kumɔlga.

Matiu 19:29

Ekama malɛ nɛ e yige mo pe ŋko beda nɛ besipo ŋko besipoche ŋko betuto ŋko benio ŋko bibi ŋko nsawule ŋkpal ma so, amodoŋwura beeŋ nya amo be ntuŋ kalfaso nseŋ nya ŋkpa nɛ k maŋ kɔ ekar na n ti so.

Luuk 21:17

Ekama beeŋ kpal ma ketre so ŋ kishi menyi,

Romebi 12:19

Beshapo, men sa maa wora a tal basa nɛ baa wora menyi to, men shin nɛ Ebɔrɛ be agbo e baa shuŋ loŋ be kushuŋ a sa menyi fanɛ kananɛ abɔrɛsibɛ na bee kaŋɛ fanɛ Enyɛnpe bee kaŋɛ le na: “Keka esa be kulubi kukɔ la ma asheŋ nna. Ma, Enyɛnpe na e naaŋ ka esa be kulubi kukɔ nɛ kumo be ekpa so.”

Romebi 8:35

To, manɛ e naaŋ tiŋ n lara kasha nɛ Kristo kɔ a sa anyi ashi anyi so? Tɔrɔ ŋko awurfoŋ ŋko basa be kekɔrfɛ anyi ŋkpal anyi be yirda so ŋko akoŋ ŋko ketir ŋko kenishipere ŋko luwu bre e naaŋ tiŋ n lara mbe kasha ashi anyi so?

2 Kɔrintebi 5:11

Ŋkpal anyi alɛ ka nyi kusɔ nɛ baa tre Ebɔrɛ be kaŋana na so, anyee wora ania nna ga a chɛ basa to nɛ b pin kusɔ nɛ k wɔtɔ. Ebɔrɛ e nyi kananɛ an du nɛnɛ nɛ ma alɛ bee tama fanɛ loŋ nɛ menyi alɛ gba nyi anyi ashi men be ŋgbene to.

2 Timoti 4:14

Alɛkzaanda bɔyɛpo shuŋ ma ashuŋ lubi damta ga. Enyɛnpe bee ka mo mbe ashuŋ na be kukɔ.

Kelaraŋŋini 18:20

Ebɔrɛsoebi, men shin nɛ men be ŋgbene e fuli menyi, ŋkpal mbe kemur ere so. Ebɔrɛ be basa laraso nɛ beshuŋipoana nɛ anebiana, men shin nɛ men be ŋgbene e fuli menyi, ŋkpal manɛ so, Ebɔrɛ gberge mo kusoe nna ŋkpal kusɔ nɛ e wora menyi na so.”

Kelaraŋŋini 6:10

Nɛ b ponte awɔrso ga m bishi: “Enyɛnpe Lempo nɛ fo du cheembi nsaa kɔ kashenteŋ, nuso be kechɛr nɛ fo kraa shin nɛ fo chɛr ga pɔɛŋ nseŋ ji kasawule ere so be basa demu m bishi anyi be luwu be kuwule?”

Demujipoana 16:28

Ndoŋ nna nɛ Samsɔn kule Ebɔrɛ ŋ kaŋɛ: “Enyɛnpe Ebɔrɛ, jande nyiŋi ma. O Ebɔrɛ, wɔtɔ ma eleŋ kela koŋwule ere nseŋ shin nɛ n tiŋ m bishi Filistiebi ere ma anishi be kechule ere be kuwule.”