Jɛremaya 13:27 - EBƆRƐ BE KAWƆL

²⁷ Ŋkpal manɛ so, e wu fo basa ka wora asheŋ nɛ e kishi nna. Kumo e la fanɛ e wu menyi nɛ menyee shuŋ nnyamase be agbirana ashi abee so nɛ adɔsawule to fanɛ kananɛ enyɛn ko bee yɛlga mo barkasa be eche nsaa shil a chɔ mo so na ŋko fanɛ kananɛ gbaŋɛ nyɛnso bee ju a bɛ gbaŋɛ cheso so na. Asheŋ maaŋ nyalɛ n sa menyi, Jerusalɛm to be basa ere! Jemanɛ mo nɛ menyeeŋ naŋ nyalɛ so a maaŋ naa kɔ eyurpi menyi so?

Jɛremaya 13:27 ပူးပေါင်းရင်းမြစ်များ

Nshɛ 94:4

Basa lubi ere bee nite nna a puchi bumo be asheŋ lubi so.

Nshɛ 94:8

Ma basa, manɛ nna nɛ men paŋ nfɛra loŋ? Saŋɛ mo nɛ menyi beeŋ naŋ nya kanyiasheŋ?

Aŋasa 1:22

“Ewulpo, fee sha fanɛ fo baa la ewulpo saŋkikɛ nna nsaa keni kenyi jiga a? Fo kini kenyi be kekoya nna a? Saŋɛ mo nɛ feeŋ fara a koya asheŋ?

Aizaaya 57:7

Menyee yɔ abee jeŋgreŋ so nna n ya kaa lara esarga nsaa di abar keche nɛ kenyɛn ndoŋ.

Aizaaya 65:7

ŋkpal bumo gbagba nɛ bumo nanaana be alubi so. B shuŋ agbir nseŋ chɔɔ eduwu n sa amo ashi abee so a malga a jija ma ketre. Amoso meeŋ keni bumo be asheŋ dra so ŋ gberge bumo kusoe kananɛ k daga bumo.

Jɛremaya 11:15

Kede be kaman, nɛ Enyɛnpe Ebɔrɛ na naŋ kaŋɛ ma fanɛ ŋ kaŋɛ Juda be basa le: “Men la ma basa laraso nna, ama menyi maŋ kɔ ekpa nɛ men baa wɔ ma bɔrɛlambu to a wora asheŋ lubi lubi ere. Esarga nɛ menyee lara a sa ma ere maaŋ tiŋ ŋ kuŋ menyi ashi kemurgboŋ na to, amoso men yige kusɔ nɛ menyee wora ere.

Jɛremaya 3:6

Jemanɛ nɛ Josaya daa la Juda be ewura na nɛ Enyɛnpe Ebɔrɛ na kaŋɛ ma le. E yɛ: “Jɛremaya, fo wu kusɔ nɛ Israɛl be efuli nɛ k du fanɛ eche nɛ e maa ji kashenteŋ a sa mo kul na wora, ŋko? E kini ma nseŋ ya kaa shuŋ agbir ashi abee jeŋgreŋ so nɛ ndibigboŋ nɛ e kɔ afantaŋ ga be afito.

Ezikɛl 16:23

To, ma Enyɛnpetale Ebɔrɛ na e kaŋɛ fanɛ kumu lubi gboŋgboŋi bee ba fo so! Asheŋ maaŋ nyalɛ n sa fo kikɛ. Fo ekar fo nna na! Asheŋ lubi nɛ fee wora ere kikɛ be kaman,

Ezikɛl 2:10

Ndoŋ nna nɛ enɔ na bugi kawɔl sibɛso na to nɛ n wu fanɛ kushu nɛ kagbene jija be yiri kikɛ be asheŋ nɛ b sibɛ n deŋi kumo be mba anyɔ na kikɛ so.

Ezikɛl 20:28

Jemanɛ nɛ m bar men tutoana kasawule nɛ n nase kɔnɔ fanɛ meeŋ sa bumo na so n loge na, nɛ b baa wu agoŋgulombi nɛ ndibigboŋ nɛ a kɔ afantaŋ nseŋ ta amo ŋ ki bumo be agbirshuŋkpaana nsaa wɔtɔ a lara esarga amo ase a sa bumo be agbirana. B daa chɔɔ eduwu nna nsaa duga nsa a wurge agbirana na nɛ kumo be loŋ daa nu ma agbo nsaa kaa ma kagbene.

Ezikɛl 24:12

Ama edɛ wuloŋ wuloŋ na gba kra maaŋ tiŋ n shin nɛ kumo be kekreŋso na kikɛ e lar kumo so.

Ezikɛl 24:13

Naniere fo, Jerusalɛm, be kusɔ jigaya be kebaawɔtɔ e shin nɛ fo wora eyurpi. Ŋkpal ŋ ka wora ania nɛ n fɔr fo so nɛ fo nyalɛ so nɛ fo kraa kini nsaa wɔ fo eyurpi to so, fo maaŋ naŋ nyalɛ so kikɛ n ya fo fanɛ ma agbo gboŋ ka beeŋ ba fo so.

Ezikɛl 24:6

Kusɔ nɛ Enyɛnpetale Ebɔrɛ na bee kaŋɛ e la fanɛ asheŋ maaŋ nyalɛ n sa Jerusalɛm be kadegboŋ nɛ kumo to be basa bee mɔ basa ere! K du fanɛ kadaŋɛ kreŋ so nɛ b maŋ naŋ fɔr kumo na nna. Baa lara eblaŋ na kukoko to nna nɛ esa kikɛ be shɛŋ maŋ wɔ kusɔ nɛ k bee wora na to.

Ezikɛl 36:25

Nɛ kebaadu fanɛ ŋ ka wora nchu lela ŋ ŋmenyaŋ menyi so nɛ men nyalɛ so ashi kagbirshuŋ nɛ kusɔ kama nɛ k shin nɛ men wora eyurpi na to.

Ezikɛl 36:37

Ade kikɛ be kaman, nɛ Enyɛnpetale Ebɔrɛ na naŋ kaŋɛ le: “Meeŋ naŋ shin nɛ Israɛlebi na e kule ma kechɛto nɛ n shin nɛ b wora keshi n ti so fanɛ mbolpɔ na.

Ezikɛl 6:13

Jemanɛ nɛ bumo be basa beeŋ wu n dese abeebi nɛ abeegboŋ be awɔlto nɛ ndibi gboŋ be yiri nɛ a la bumo be agbirana be eshuŋkpaana nɛ baa chɔɔ duwu a sa bumo be agbirana kikɛ be afito na nɛ baaŋ pin fanɛ ma e la Enyɛnpetale Ebɔrɛ na.

Hoziya 1:2

Enyɛnpe Ebɔrɛ ka daŋ fara nɛ e bɔla Hoziya so m malga n sa Israɛlebi na, le nɛ e daŋ kaŋɛ: “Ya ta sakaleche nɛ mo nɛ mbe mbia maaŋ baa ji kashenteŋ a sa fo. Kumo be loŋ e naaŋ ŋini kananɛ ma basa Israɛlebi kute n lar ma kaman.”

Hoziya 4:2

Baa nase nnɔ nna nsaa maa bɛ amo so. B wɔtɔ nna a ku efɛ, a mɔ basa, nsaa yuri nseŋ naa ji kesakalea. Bumo be asheŋ lubi malɛ baa ti so nna nɛ b wɔtɔ a mɔ abar saŋkama.

Hoziya 8:5

M maa sha gbolu nɛ Samɛria be kade to ebi ta shuwa n lɔŋɛ a shuŋ fanɛ kegbir na be asheŋ. N nya agbo alegaiso n wɔtɔ bumo. Saŋɛ mo gba nɛ baaŋ yige kebaa shuŋ agbir ere?

Zefanaiya 3:1

Asheŋ maaŋ nyalɛ n sa Jerusalɛm be kadegboŋ na, ŋkpal k ka la kapuni nɛ kasuge nɛ kɔrfɛ nɛ kakpa nɛ b kini Ebɔrɛ na so.

Matiu 11:21

E yɛ: “Kɔrazinebi, asheŋ maaŋ nyalɛ n sa menyi kikɛ, Bɛtsaidaebi, menyi alɛ gba, asheŋ maaŋ nyalɛ n sa menyi, ŋkpal manɛ so, emamachisheŋ nɛ n wora menyi to ere, nɛ n daŋ wora amo Tayɛ nɛ Saidɔn to nna, ndoŋebi daŋ ta nsunɔ n chaŋ bumo be eyurana so nseŋ buu asɔ a tase fanɛ keeli to ebi a ŋini fanɛ b lar bumo be alubiana to n chɛr.

2 Kɔrintebi 12:21

Mee lɔ kufu nna fanɛ ŋ kaŋ ba, ma Ebɔrɛ beeŋ shin nɛ m bar ma kumu kaseto men be anishito nɛ ma kagbene e jija ma ŋkpal basa damta nɛ b wora alubi dra dra na kikɛ nsaa maŋ lar bumo be loŋ be kesakalea be asheŋ na to nɛ kusɔ jigaya be kulubi na to nɛ bumo be eyurpishuŋ nɛ b daŋ wora na kikɛ to so.

2 Kɔrintebi 7:1

N teri shasoana, ŋkpal an ka kɔ le be nnɔ nasesoana ere kikɛ so, men shin nɛ an fɔr kusɔ kama nɛ k bee sa dimɛdi be eyur nɛ mbe kiyoyu eyurpi n lɛ ŋkeŋ shin nɛ an baa pere kenishi a sha kebaaki cheembi nɛnɛ a wɔ Ebɔrɛ be kaŋana be kebaawɔtɔ to.

Jeems 4:4

Basa nɛ esa maaŋ tiŋ n yirda ere! Men maŋ nyi fanɛ nɛ esa baa la Ebɔrɛ mo teri, amodoŋwura malɛ nɛ durnya ere to be asɔ maa ji a kra abar ŋko? To, esa kama nɛ e bee ta mbe kasha a wɔtɔ durnya ere be asɔ to, bee ta mbe kumu nna a ki Ebɔrɛ mo doŋ na.

Kelaraŋŋini 8:13

Nɛ n naŋ keni n wu kusore ka wɔ esoso kumu so a firgi nsaa tre awɔrso a kaŋɛ: “Asheŋ maaŋ nyalɛ, asheŋ maaŋ nyalɛ, asheŋ maaŋ nyalɛ n sa basa nɛ b wɔ kasawule ere so kikɛ ŋkpal mbel be kushu mo nɛ emalaika asa mo nɛ b ka na bee shin nɛ b foŋ nɛ a wora na so.”