Jɛremaya 11:20 - EBƆRƐ BE KAWƆL

²⁰ Ndoŋ nna nɛ ŋ kule Ebɔrɛ ŋ kaŋɛ le: “Enyɛnpetale Ebɔrɛ, fo e naa ji asheŋ nɛ amo be ekpa so. Fo alɛ nyi basa be ŋgbene nɛ nfɛra kikɛ to. N ta demu ere nna a wɔtɔ fo enɔ to. Amoso ka basa ere kumo be kukɔ n sa ma.”

Jɛremaya 11:20 ပူးပေါင်းရင်းမြစ်များ

Jɛnesis 18:25

Kashenteŋto, m baa nyi fanɛ fo maaŋ shuli m mɔ basa nɛ b niŋi na n ti alubiworapoana na so. M baa nyi geeŋ fanɛ fo maaŋ shuli n wora loŋ. Nɛ fo baŋ wora loŋ, kumo ere basa nɛ b niŋi na nɛ alubiworapoana na kikɛ nɛ fo gama ŋ gberge kusoe na. Loŋ malɛ maŋ daga. Fo nɛ fo la durnya kikɛ be demujipo na maaŋ wora kusɔ nɛ k niŋi ekpa a?”

2 Bewura 19:14

Ewura Hɛzekaya ka sɔ kawɔl na mbɔ na kutɔ ŋ kraŋ nɛ e ta kumo n yɔ bɔrɛlambu na to n ya bugi kumo to n nase Enyɛnpetale Ebɔrɛ na be anishito,

1 Kronikɛls 28:9

Ade kikɛ be kaman nɛ e kaŋɛ Sɔlɔmɔn malɛ le: “M pibinyɛn, ta fo kagbene nɛ fo nfɛra kikɛ a shuŋ fo tuto be Ebɔrɛ na. Mo e nyi anyi be nfɛra nɛ kusɔ nɛ anyee sha kikɛ. Nɛ fo ba mo kutɔ, e beeŋ sɔ fo, ama nɛ fo shile mo bre, mo alɛ beeŋ kplaŋ fo so mbaanaayɔ.

1 Kronikɛls 29:17

N nyi fo ka nyi ekama be kagbene. Ma nɛ ma basa nɛ b wɔ nfe ere kikɛ bugi ŋgbene kagbenefuliso nna m bar asɔ ere kikɛ m ba sa fo.

Job be kawɔl 5:8

Job, nɛ ma e daa la fo, meeŋ ta ma asheŋ m bɔɔ Ebɔrɛ enɔ nɛ e chɛ ma to.

Nshɛ 139:23

O Ebɔrɛ, mige ma to ŋ keni, m pin ma kagbene to; wora ma ŋ keni m pin ma nfɛra fɛso.

Nshɛ 35:2

Chɛ ma to nseŋ kuŋ ma.

Nshɛ 43:1

Enyɛnpe, ŋini fanɛ m maŋ wora n jija! Malga ŋ kuŋ ma ashi basa nɛ b maŋ nyi fo na kutɔ. Mɔlga ma ashi befɛpo nɛ b kɔ amu kpakpaso na kutɔ.

Nshɛ 57:1

Enyɛnpe Ebɔrɛ, jande wu ma kuwɔr. Wu ma kuwɔr, ŋkpal manɛ so fo kutɔ nɛ mee nya kekuŋ. Fo aba to nɛ mee shile a ŋana nɛ kenishipere e choŋ pɔɛŋ nɛ n lar.

Nshɛ 58:10

Nɛ belelaworapo baŋ wu alubiworapoana ka nya bumo be alubi be kasogberge, bumo be ŋgbene beeŋ fuli bumo nɛ b fɔr bumo be aya ashi bumo doŋana na be ŋklaŋ to.

Nshɛ 7:10

Fo, Ebɔrɛ e la ma ekumpo. Fo e naa kuŋ kagbene koŋwulewurana kikɛ.

Nshɛ 7:8

Fo e la durnya kikɛ be demujipo na. Amoso Enyɛnpe Ebɔrɛ, shin nɛ n ji n lar; ŋkpal ŋ kaa bee ji kashenteŋ, a maŋ wora n jija so.

Nshɛ 7:9

Fo la Ebɔrɛ nɛ e bee wora asheŋ nɛ a niŋi nna, a nyi esa be kagbene to nɛ mbe nfɛra to be asheŋ kikɛ. Shin nɛ alubiworapo e yige alubi be kebaawora, nseŋ kuŋ basa lela ashi alubi to.

Nshɛ 98:9

Ŋkpal manɛ so, mo e naa ba nɛ e ba ji kuwura kasawule so. E beeŋ ba bɔla ekpa niŋiso so n ji esa kama nɛ e wɔ kasawule so demu nɛ e maŋ kpɛa ekama to.

Jɛremaya 12:1

Enyɛnpe Ebɔrɛ, ma nɛ fo be demuji kikɛ to, fo e naa ji a bri ma. Ama ŋ kraa kɔ kusɔ ko nɛ m bishi a laŋɛ fo keji asheŋ nɛ amo be ekpa so be kaplɛa so. Manɛ nna nɛ kumu kpakpasowuraana bee dii dama, nɛ asheŋ bee nite nɛnɛ a sa basa nɛ baa puni beko?

Jɛremaya 12:3

Ama, Enyɛnpe Ebɔrɛ, fo nyi ma nɛnɛ. Fee wu kusɔ nɛ mee wora nsaa nyi kananɛ mee sha fo. Amoso Enyɛnpe Ebɔrɛ, gberge n doŋana n ya mɔ fanɛ mbolpɔ.

Jɛremaya 15:15

Ndoŋ nna nɛ ŋ kaŋɛ le: “Naniere Enyɛnpe Ebɔrɛ, fo pin kebaawɔtɔ nɛ n wɔ kumo to nna na. Nyiŋi ma asheŋ nseŋ chɛ ma to. Shin nɛ n tiŋ n wora n tal basa nɛ baa kɔrfɛ ma na to. Sa maŋ ji bumo kanyiti n shin nɛ b nya ma m mɔ. Baa nyiŋi fanɛ fo so nɛ baa tege ma.

Jɛremaya 17:10

Ama ma, Enyɛnpe Ebɔrɛ na bee keni basa be nfɛra to nsaa wora bumo be ŋgbene a keni a nyi amo to nna. Kebaawɔtɔ nɛ ekama kɔ ŋko kusɔ nɛ e bee wora nɛ mee yili so a ka mo kukɔ.”

Jɛremaya 17:18

Enyɛnpe Ebɔrɛ, shin nɛ basa nɛ baa kɔrfɛ ma na e ji anishinyɔr, ama baa kuŋ ma nɛ n sa maŋ ji nyɔmɔ. Kumo be kaman nɛ fo shin nɛ kufugboŋ e tɔr bumo so nseŋ naŋ shin nɛ b mur ga.

Jɛremaya 20:12

O Enyɛnpetale Ebɔrɛ, fo e naa wora basa niŋiso a keni nsaa pin kusɔ nɛ k wɔ bumo be ŋgbene nɛ nfɛra to. Amoso shin nɛ n wu fo kaa ka n doŋana kukɔ n tal to. Ŋkpal manɛ so, fo nɛ n ta ma asheŋ tirso m bɔɔ enɔ.

Nfabel 3:58

Kumo be keman nɛ fo ba sɔ ma n yige nseŋ mɔlga ma efute nɛ n ji ŋkpa.

Nfabel 3:59

Enyɛnpe Ebɔrɛ, fo nyi kulubi nɛ b wora ma; amoso ji asheŋ na n chɛ ma to.

Nfabel 3:64

O Enyɛnpe Ebɔrɛ, gberge bumo kusoe ŋkpal kusɔ nɛ b wora so.

Ezikɛl 11:5

Kumo be kaman nɛ Enyɛnpe Ebɔrɛ na be Kiyoyu kaŋɛ ma fanɛ Enyɛnpe Ebɔrɛ na yɛ: “Israɛl be basa, n nyi kusɔ nɛ menyee kaŋɛ nɛ asheŋ nɛ menyee kre menyi be nfɛra to kikɛ.

Ashuŋ Shunso 17:31

Ŋkpal manɛ so, e lara kachako n yili a sha keshin nɛ esa ko nɛ e lara n yili na e ji durnya ere demu kumo be ekpa so. Mo alɛ ŋini ekama nyam kumo be loŋ n shin nɛ amodoŋwura tiŋi luwu to.”

Filipaiebi 4:6

Men sa maa fɔŋ kusɔ kama so men be kebaawɔtɔ to, ama kusɔ kama to men baa kaŋɛ Ebɔrɛ men be asheŋ tirso be asheŋ a kule mo fanɛ e chɛ menyi to nsaa chɔrɔ mo.

2 Timoti 4:14

Alɛkzaanda bɔyɛpo shuŋ ma ashuŋ lubi damta ga. Enyɛnpe bee ka mo mbe ashuŋ na be kukɔ.

1 Pita 2:23

B daŋ tege mo, ama mo alɛ daa maŋ laŋɛ katege n sa bumo. B daŋ tɔrɔ mo, ama e daa maŋ nyaŋɛ to n tu bumo. Ama e daŋ ta mbe kumu nna m bɔɔ esa nɛ e bee ji asheŋ amo be ekpa so na enɔ.

Kelaraŋŋini 18:20

Ebɔrɛsoebi, men shin nɛ men be ŋgbene e fuli menyi, ŋkpal mbe kemur ere so. Ebɔrɛ be basa laraso nɛ beshuŋipoana nɛ anebiana, men shin nɛ men be ŋgbene e fuli menyi, ŋkpal manɛ so, Ebɔrɛ gberge mo kusoe nna ŋkpal kusɔ nɛ e wora menyi na so.”

Kelaraŋŋini 2:23

Ma alɛ beeŋ naŋ shin nɛ mbe mbia e wu n wu nɛ asɔriana na kikɛ to ebi e pin fanɛ ma e la esa nɛ e bee mige ŋgbene nɛ nfɛraana to a wu amo to na. Ma alɛ beeŋ ka ekama be kusɔ nɛ e wora kikɛ be kukɔ.

1 Samuɛl 16:7

Ndoŋ nna nɛ Enyɛnpe Ebɔrɛ naŋ kaŋɛ mo le: “Sa maŋ keni mbe nteŋ ŋko mbe kayɛrbi. Mannɛ mo nɛ n lara, ŋkpal manɛ so ma ere maa keni asheŋ fanɛ kananɛ dimɛdi bee kini asheŋ na. Dimɛdi bre bee keni eyur so nna ama ma ere bee keni kagbene to nna.”

1 Samuɛl 24:15

Ŋkeshin nɛ Enyɛnpe Ebɔrɛ na beeŋ ji ma nɛ fo kikɛ demu nseŋ lara anyi to be emo nɛ e maŋ wora nɛnɛ. Ma kabɔrɛkule e la fanɛ Ebɔrɛ e yili ma kaman nseŋ mɔlga ma ashi fo enɔ to.”