Jɛnesis 9:23 - EBƆRƐ BE KAWƆL

²³ Ndoŋ nna nɛ mo daana Shɛm nɛ Jafɛf ta wajɛ m parga to n deŋi bumo be abatimu so nseŋ laŋɛ kaman loŋ n ta kumo n ya buu bumo tuto so. B daŋ pal kaman nna n ya wora loŋ, saŋɛ na so b maaŋ wu bumo tuto be eyurkpaŋ.

Jɛnesis 9:23 ပူးပေါင်းရင်းမြစ်များ

Jɛnesis 9:22

Ndoŋ nna nɛ Ham nɛ e daa la Keenan mo tuto na ya wu mo tuto nɛ e dese eyurkpaŋ nɛ e lar n ya kaŋɛ mo daana benyɔ na.

Jɛnesis 9:24

Nowa be nsa na ka lar mo to nɛ e pin kusɔ nɛ mbe bibinyɛn asa na to be ekekarso na wora mo na nseŋ kaŋɛ le:

Ɛksodɔs 20:12

Men baa bunyaŋ men nioana nɛ men tutoana, saŋɛ na so men be ŋkpa beeŋ teŋi so ashi kasawule nɛ mee ta a sa menyi na so.

Levitikɔs 19:32

Men baa sa basakpar bunyaŋ nsaa maŋkura bumo. Men baa nu a sa ma bunyanso, ŋkpal manɛ so, ma e la Enyɛnpe Ebɔrɛ na.

Romebi 13:7

Amoso, men baa ka akɔ kama nɛ men ji bumo. Nɛ k la fanɛ menyi be amu so be lampo nna, men ka, nɛ kumo alɛ naa la fanɛ menyi be asɔ be lampo nna, men ka amo alɛ gba be kukɔ. Nɛ k naa la fanɛ bunyaŋ nna, men jɔŋɛ bumo ase m bunyaŋ bumo.

Galeeshaebi 6:1

Ŋ kurgepoana, nɛ men be ekama baŋ tɔr kulubi to, menyi nɛ Kiyoyu Cheeŋ na bee juŋkpar na e bar men be amu kaseto n chɛ mo to nɛ e lar alubi na to. Ama nɛ menyee wora loŋ, men baa de men be amu so nɛ menyi alɛ gbagba e sa maŋ luri kechɔŋkeni to n tɔr.

1 Timoti 5:1

Sa maŋ kaa ponte enyɛnnimu so, ama baa malga mo kutɔ a leŋ mo to fanɛ kananɛ feeŋ wora fo tuto kurgeso. Baa leŋ mbrantiɛbia to fanɛ kananɛ feeŋ wora fo sipoana gbagba.

1 Timoti 5:17

Asɔri to be benimu nɛ baa juŋkpar bumo be basa nɛnɛ daga b ka bunyaŋ bumo ga, fɔnfɔŋ bumo nɛ baa bɔ kubɔya na nɛ bumo nɛ baa ŋini abɔrɛsibɛ na.

1 Timoti 5:19

Esa koŋwule baŋ ba kaŋɛ fo enimu ko be kulubi be asheŋ, sa maŋ nu n sa mo epul na to she eshɛdajipoana wora benyɔ ŋko besa nna.

1 Pita 2:17

Men baa sa basa kikɛ bunyaŋ nsaa sha bekurgepoana na kikɛ. Men baa ŋana Ebɔrɛ nsaa bunyaŋ men be efuli so be ewurgboŋ na.

1 Pita 4:8

Ade kikɛ be kaman, men baa sha abar kashenteŋto, ŋkpal manɛ so, kasha e naa buu alubi damta so.