Jɛnesis 9:1 - EBƆRƐ BE KAWƆL

¹ Ndoŋ nna nɛ Ebɔrɛ nɛfa Nowa nɛ mbe mbia na nseŋ kaŋɛ bumo le: “Men kurge n wora keshi n sɔ kasawule so kikɛ.

Jɛnesis 9:1 ပူးပေါင်းရင်းမြစ်များ

Jɛnesis 1:22

Ndoŋ nna nɛ Ebɔrɛ nɛfa asɔ na kikɛ nyam nseŋ kaŋɛ: “Men baa wɔtɔ a kurge nsaa to a bure bibi n salga to n sɔ nchuana to nɛ mbuibiana na malɛ gba e salga to n sɔ durnya to kikɛ verr.”

Jɛnesis 1:28

Ndoŋ nna nɛ Ebɔrɛ nɛfa bumo nseŋ kaŋɛ bumo le: “Men kurge n wora keshi n salga to n sɔ kasawule so kikɛ nsaa ji eleŋ kumo so. Men baa ji eleŋ ekɔrɔtɔ so nɛ mbuibi so nɛ asɔ gbeyeso kikɛ nyam so.”

Jɛnesis 10:32

To, kananɛ Nowa be bibinyɛn nɛ bumo be kanaŋ to ebi lar n daa wɔ bumo be efuliana so nna na. Nchu ka ji durnya na be kaman Nowa be kaman to ebi ere e salga to n fara nde nɛ a ki efuliana durnya to.

Jɛnesis 2:3

Amoso Ebɔrɛ daŋ nɛfa kachɛ shunusopo na nna n yili fanɛ kachɛ cheembi, ŋkpal manɛ so, kumo be kachɛ na nɛ e wushi ashi mbe durnya be keto be ashuŋ to.

Jɛnesis 24:60

Le be mmalga nɛ b daŋ ta ŋ kela mo. B yɛ: “Esipoche, Ebɔrɛ e nɛfa fo n shin nɛ fo mbia e wora keshi n fo ŋgboŋto ŋgboŋto nɛ fo kanaŋ to ebi kikɛ e pɔɔ bumo doŋana so n sɔ bumo be mboŋ a wɔtɔ.”

Jɛnesis 35:11

Kede be kaman nɛ Ebɔrɛ naŋ kaŋɛ mo: “Ma e la Enyɛnpetale Ebɔrɛ na. Meeŋ shin nɛ fo mbia e ba kaa shi ŋ ki efuli damtaana be amuwuraana nɛ bumo be beko e ki bewura.

Jɛnesis 8:17

Shin nɛ asɔ futeso nɛ a wɔ kuloŋgboŋ na to kikɛ e lar. Shin nɛ mbuibiana na nɛ asɔbɔyaana na nɛ asɔ gbeyesoana na kikɛ nyam e lar, saŋɛ na so amo kikɛ beeŋ baa wɔ kasawule so a kurge n wora keshi n salga.”

Jɛnesis 9:19

To, Nowa be bibinyɛn asa na nna na. Bumo alɛ to nɛ basa nɛ b wɔ durnya ere to kikɛ shi.

Jɛnesis 9:2

Asɔbɔyaana kikɛ nɛ mbuibiana kikɛ nɛ asɔ gbeyesoana kikɛ nɛ ekɔrɔtɔana kikɛ beeŋ baa ŋana menyi nsaa ta kufu a shile menyi kutɔ. Ma alɛ ta amo kikɛ m bɔɔ menyi enɔ.

Jɛnesis 9:7

Menyi ere e baa kurge n wora keshi n ti so n salga to n sɔ kasawule ere so kikɛ.”

Nshɛ 112:1

Men kpaŋ Enyɛnpe Ebɔrɛ na awɔrso! Kagbenefuli la bekama nɛ baa bunyaŋ Enyɛnpe Ebɔrɛ na nsaa wora mbe mbraana kasonu kagbenefuliso na peya nna.

Aizaaya 51:2

Ma, Ebɔrɛ e lara Eebraham nɛ mbe eche Sɛɛra, nɛ men baa la bumo be kaman to ebi. Jemanɛ nɛ n daŋ tre Eebraham na, nɛ e daa maŋ kɔ ebi, kumo be kaman nɛ n nɛfa mo nseŋ sa mo kaman to ebi damta.