Jɛnesis 8:21 - EBƆRƐ BE KAWƆL

²¹ Enyɛnpe na ka nu sarga na be efɛa belbelso na nɛ e kaŋɛ mbe kumu le: “N nyi fanɛ dimɛdi be kebia to kikɛ mbe nfɛra fɛso lubi, ama m maaŋ naŋ kpal dimɛdi so n sho kasawule ere kɔnɔ kikɛ. Ma alɛ maaŋ naŋ mur asɔ futeso fanɛ kananɛ n wora ere kikɛ.

Jɛnesis 8:21 ပူးပေါင်းရင်းမြစ်များ

Jɛnesis 3:17

Enyɛnpe Ebɔrɛ ka malga n sa eche na n loge nɛ e kilgi ŋ kaŋɛ enyɛn na malɛ le: “Ŋkpal fo ka nu n sa fo eche n ji kusɔrso nɛ ŋ kaŋɛ fo sa maŋ kaŋ ji na so so, meeŋ sho kasawule ere kɔnɔ ŋkpal fo so. Pɔɛŋ nɛ fo nya n ji, feeŋ baa wɔtɔ nna a ji awurfoŋ a nyɛa kebleŋ ashi fo kebaawɔtɔ to kikɛ.

Jɛnesis 4:12

Fo naŋ dɔ kumo so gba, fo maaŋ nya shɛŋ. Yili kabre a yɔ fo maaŋ baa kɔ epe, feeŋ baa la efɔ nna a na chamcham durnya ere to.”

Jɛnesis 5:29

E daŋ nase ebinyɛn na ketre Nowa nna. E yɛ: “N nase mo loŋ nna, ŋkpal manɛ so, mo e naaŋ baa kaa leŋ anyi to ashi anyi be ashuŋ nɛ kegben damta nɛ anyee gben ashi kasawule mo nɛ Ebɔrɛ sho kɔnɔ ere so.”

Jɛnesis 6:13

Ndoŋ nna nɛ Ebɔrɛ kaŋɛ Nowa le: “Meeŋ mur basa kikɛ nyam durnya ere to, ŋkpal manɛ so, bumo so nɛ kelantokɔ nɛ kebagato sɔ durnya ere kikɛ to na. Kashenteŋto, meeŋ mur bumo nɛ durnya ere kikɛ nyam.

Jɛnesis 6:17

Lɔŋɛ kuloŋ na, ŋkpal manɛ so, meeŋ shin nɛ bɔrɛ e ba durnya to nɛ nchu e sɔ kaplɛkama n ji kusɔ futeso kikɛ nyam. Kashenteŋto, durnya to be kusɔ kama nyam beeŋ mur.

Jɛnesis 6:5

Kumo be jemanɛ na so nɛ Enyɛnpetale Ebɔrɛ wu fanɛ basa be alubi bee wora keshi durnya to a ti so nɛ bumo be ŋgbene to be nfɛra fɛso kikɛ la asheŋ lubi.

Jɛnesis 6:7

Ndoŋ nna nɛ e kaŋɛ mbe kumu: “Meeŋ mur basa nɛ n to durnya ere to kikɛ nyam, bumo nɛ asɔbɔya nɛ asɔ gbeyeso nɛ mbuibi firgisoana kikɛ nyam, ŋkpal manɛ so, ma kagbene jija ga ŋkpal ŋ ka to dimɛdi nɛ loŋ be asɔ na kikɛ so.”

Job be kawɔl 14:4

Dimɛdi kikɛ maŋ wɔtɔ nɛ kulubi maŋ wɔ mo to.

Nshɛ 51:5

Kachɛ nɛ b kurge ma na kikɛ nɛ n la alubiworapo.

Nshɛ 58:3

Yili men be kakurgeachɛ kikɛ m ba fo mbre, men wɔtɔ nna a wora alubi nsaa ku efɛ.

Nshɛ 58:4

Men be mmalga du fanɛ kuwɔ ka duŋ esa nna,

Ɛksodɔs 29:18

n chɔɔ bɔrɛsure na so n lara sarga n sa ma. Loŋ be sarga chɔɔso na be efɛa bee par ma, Enyɛnpe Ebɔrɛ na nna.

Ɛksodɔs 29:25

Kumo be kaman nɛ men sɔ amo bumo kutɔ n chɔɔ bɔrɛsure na so ashi kakpa nɛ baa chɔɔ sarga chɔɔso na. Loŋ be sarga be efɛa bee par ma, Enyɛnpe Ebɔrɛ na nna.

Aŋasa 20:9

Wanɛ e naŋ tiŋ m puchi ŋ kaŋɛ fanɛ mbe nfɛra walɛ nɛ e maŋ wora kulubi?

Kaŋinichiŋgeliŋ 7:20

Esa kama maŋ wɔ durnya ere to nɛ e niŋi n ya loge nsaa maa wora a foe.

Aizaaya 47:12

Men baa kraa kɔ men be kegbaya be mbre nɛ akprambi nɛ men kɔ a shuŋ men be kebia to kikɛ na to kpakpa. Ashere a beeŋ tiŋ n chɛ menyi to ekpa ko so, ŋko ashere menyeeŋ tiŋ n ta amo n funti men doŋana.

Aizaaya 47:15

Bekpalpo nɛ menyee yɔ bumo kutɔ n ya kaa bishi so men be kebia to kikɛ m ba fo kabre na maŋ nyi kakpa nɛ baa yɔ gba, hale nɛ baa tiŋ a mɔlga menyi.”

Aizaaya 48:8

N nyi menyi ka la basa nɛ esa maaŋ tiŋ n yirda, nseŋ naa la basa nɛ baa lar ma kaman, yili jemanɛ nɛ n ta menyi ŋ ki efuli n sa ma kumu na. Amoso nɛ menyi maŋ wora ania nɛ men nu kusɔ nɛ ŋ kaŋɛ menyi na.

Aizaaya 53:6

Anyi kikɛ daa du fanɛ mbolpɔ nɛ b yeŋ n foe n luri to nna. Ekama daŋ sɔ mbe ekpa nna a yɔ. Ama Enyɛnpe Ebɔrɛ na daŋ shin nna nɛ anyi be kasogberge ba mbe kenya so.

Aizaaya 65:6

N tiŋ ŋ kre bumo be kasogberge nseŋ sibɛ kusɔ nɛ k beeŋ wora bumo n nase. M maaŋ kplaŋ kusɔ nɛ b wora na so, ama meeŋ ka bumo kukɔ

Jɛremaya 17:9

Menyi Juda be basa la basa nɛ baa fule nna pasaa. Men fule men gbagba be amu, menyi alɛ maaŋ tiŋ n chɛrga kumo to.

Jɛremaya 18:12

Ama baaŋ kaŋɛ le: ‘Ayai, manɛ so nɛ anyee yige kumo? Anyi kikɛ kraa beeŋ baa wɔ ŋgbene kpakpaso to nsaa wora asheŋ lubi kananɛ anyee sha.’ ”

Jɛremaya 8:6

Ŋ kaŋ kusoe nɛ n nu men kutɔ, ama men maŋ ji ma kashenteŋ. Menyi to be ekoŋwule gba be kagbene maŋ jija mo nɛ e tuba; ŋkpal manɛ so men be amu du kpakpa nna. Ekoŋwule gba maŋ tiŋ m bishi le: ‘Manɛ nɛ n wora nɛ k maŋ nyalɛ?’ Menyi be ekama bɔla ekpa nɛ e bee sha so nna a wora asheŋ fanɛ egbaŋɛ nɛ e bee yɔ kena to nna.

Ezikɛl 20:41

Jemanɛ nɛ meeŋ naŋ lara menyi efuliana nɛ men pesaŋ to n yɔ to m bɛta m ba gama abar so na, ma kagbene beeŋ naŋ fuli menyi so nɛ n sɔ menyi be esarga fanɛ duwu nɛ a bee dufɛ viim na. Ndoŋ nɛ efuliana na kikɛ beeŋ wu fanɛ n du cheembi nna.

Levitikɔs 1:13

A daga e fɔr apuntosɔ nɛ kaman to be aya na so nɛ bɔrɛmatapo na e chɔɔ amo alɛ gba bɔrɛsure na so. Ŋkpal manɛ so, sarga na la sarga chɔɔso nɛ kumo be efɛa bee par Enyɛnpe Ebɔrɛ na nna.

Levitikɔs 1:17

Kumo be kaman nɛ e pɛ kabuibi na be aba to m baŋɛ kumo to nsaa maŋ chuge aba na to, nseŋ chɔɔ kumo kikɛ bɔrɛsure na so. Ŋkpal manɛ so, k la sarga chɔɔso nɛ kumo be efɛa bee par Enyɛnpe Ebɔrɛ na nna.”

Levitikɔs 1:9

Nɛ esa nɛ e bee lara sarga na e fɔr kusɔbɔya na be apuntosɔ nɛ kaman to be aya kikɛ so nɛ bɔrɛmatapoana na e chɔɔ amo kikɛ bɔrɛsure na so m mur. Ŋkpal manɛ so, sarga na la sarga chɔɔso nɛ kumo be efɛa bee par Enyɛnpe Ebɔrɛ na nna.

Levitikɔs 26:31

Meeŋ shin nɛ menyi be ndegboŋana e ki alambure nɛ m mur mboŋ nɛ menyee shuŋ agbirana na. Menyi be esarga be efɛa maaŋ naa par ma.

Levitikɔs 4:31

Kumo be kaman nɛ e lara nfɔ na kikɛ fanɛ kananɛ baa lara kɔnɔkoŋwule be sarga be kusɔbɔya be nfɔ na n chɔɔ bɔrɛsure na so saŋɛ na so amo be efɛa beeŋ par Enyɛnpe Ebɔrɛ na. Kananɛ bɔrɛmatapo na beeŋ lara esa be kulubi be sarga nɛ e nya ketampaŋ nna na.

Levitikɔs 8:28

Kumo be kaman nɛ Mosis naŋ sɔ amo bumo be enɔana to n ta n deŋi sarga chɔɔso na so n chɔɔ ashi bɔrɛsure na so a ŋini fanɛ k la keta esa ŋ ki bɔrɛmatapo n sa Ebɔrɛ na be sarga nna. Kede la sarga nɛ kumo be efɛa bee par Enyɛnpe Ebɔrɛ na nna.

Nɔmbɛs 15:3

B baa ta gbolu ŋko kpakpa ŋko kubolpɔche ŋko kaboe n lara sarga chɔɔso ŋko kɔnɔ be ketia be sarga ŋko keparso be sarga ŋko kabɔrɛshuŋ be nchɛgboŋ be sarga. Le be esarga ere be efɛa bee wora ma Enyɛnpe Ebɔrɛ na ebel nna.

Matiu 15:19

Ŋkpal manɛ so, esa be kagbene to nɛ nfɛra lubi nɛ a bee shin nɛ e bee mɔ, a ji kubojua nsaa wora kusɔ jigayaso be kanyɛnsha nɛ kachesha bee shi a lar. Ndoŋ nɛ kayu nɛ kafule nɛ basa be atre be kejija bee shi.

Baru lela nɛ Jɔn kute na 3:6

Dimɛdi e naa kurge dimɛdi nɛ Kiyoyu na malɛ bee bar kiyoyu na be kakurge.

Romebi 1:21

B nyi Ebɔrɛ be asheŋ, ama bumo alɛ maa ta mo fanɛ Ebɔrɛ a bunyaŋ mo ŋko a chɔrɔ mo. Ama b shin nɛ bumo be nfɛra ki nfɛra fuloŋ nna nɛ bumo be kawuliso be ŋgbene malɛ ki m biri to.

Romebi 3:23

Ŋkpal manɛ so, ekama nyam wora kulubi a maŋ taga to Ebɔrɛ be kemaŋkura na.

2 Kɔrintebi 2:15

Ŋkpal manɛ so, an du fanɛ Kristo be efɛa belbelso nna a sa Ebɔrɛ a wɔ basa nɛ baa nya kumɔlga nɛ bumo nɛ baa mur bumo be alubi to to.

Ɛfesesebi 5:2

A daga fanɛ kasha e baa juŋkpar menyi kebaawɔtɔ ere to fanɛ kananɛ Kristo sha anyi nseŋ ta mbe kumu n sa anyi nɛ loŋ be kakɛ na walɛ a la sarga nɛ kumo be efɛa bee dufɛ viim a par Ebɔrɛ na.

Filipaiebi 4:18

Men teŋ sa ma kusɔ kama nɛ k daga hale a chɔ kananɛ mee sha gba. Ŋ ka wu men be kakɛ nɛ Epafrodaites bar na, a bɔlɔ ma kenishi tain. K du fanɛ sarga lela nna, nɛ k bee par Ebɔrɛ nɛ kumo be efɛa wɔ ebel ga.

1 Jɔn 5:19

Anyi alɛ naa nyi fanɛ an ka la Ebɔrɛ peya, ama durnya ere bre kikɛ wɔ alubipo na be enɔ to nna.

1 Samuɛl 26:19

Yiramu, nu kusɔ nɛ mee sha nɛ ŋ kaŋɛ fo ere! Nɛ fanɛ Enyɛnpe Ebɔrɛ na e shin nɛ fee kɔ ma, kumo ere meeŋ lara sarga n sa mo nɛ e chɛrga mbe nfɛra. Nɛ fanɛ dimɛdi malɛ e naa wora loŋ, Enyɛnpe Ebɔrɛ be kɔnɔsho na e pɛ amodoŋwura. Ŋkpal manɛ so, b ju ma ashi Enyɛnpe Ebɔrɛ be kasawule so n ya lɛ nnyamase be efuli so, kakpa nɛ m maaŋ tiŋ n shuŋ Ebɔrɛ.