Jɛnesis 8:20 - EBƆRƐ BE KAWƆL

²⁰ Ndoŋ nna nɛ Nowa gbare ajembu n deŋi abar so nseŋ pɛ m pɛ asɔbɔya nɛ a maŋ kɔ eyurpi n daga keta n lara sarga na be ako nɛ mbuibi nɛ a maŋ kɔ eyurpi n daga keta n lara sarga na be ako m mɔ n deŋi ajembu na so n chɔɔ n lara sarga n sa Ebɔrɛ.

Jɛnesis 8:20 ပူးပေါင်းရင်းမြစ်များ

Jɛnesis 13:18

Ndoŋ nna nɛ Eebram tia mbe wajɛbu ŋ kaa n ya chena m mata Mamre be ndibigboŋ na ashi Hibrɔn nseŋ yuu bɔrɛsure a bunyaŋ Enyɛnpe Ebɔrɛ.

Jɛnesis 13:4

nɛ kakpa nɛ e daŋ yuu bɔrɛsure na, nɛ e naŋ bunyaŋ Enyɛnpe Ebɔrɛ be ketre.

Jɛnesis 22:2

Nɛ Ebɔrɛ kaŋɛ mo: “Ta fo pibinyɛn koŋwule Aizek nɛ fee sha ga na n yɔ Moriya be kasawule so n ya mɔ mo n chɔɔ n lara sarga n sa ma ashi abee na be kumo nɛ meeŋ ŋini fo na so.”

Jɛnesis 22:9

B ka ya fo kakpa nɛ Ebɔrɛ ŋini Eebraham fanɛ e lara sarga na nɛ Eebraham yuu bɔrɛsure ndoŋ nseŋ bela ndibi na n deŋi bɔrɛsure na so. Kumo be kaman nɛ e pɛ mbe kebia na ŋ kre mo n ya deŋi bɔrɛsure na nɛ ndibi na so,

Jɛnesis 26:25

Ndoŋ nna nɛ Aizek yuu bɔrɛsure ndoŋ m bunyaŋ Enyɛnpe Ebɔrɛ na. Kumo be kaman nɛ e yuu mbe wajɛbu n chena ndoŋ nɛ mbe nyɛrbi kur ketirbu.

Jɛnesis 33:20

Ndoŋ nɛ e pɔr bɔrɛsure m bunyaŋ Israɛl be Ebɔrɛ na nseŋ nase kumo Ɛl Elohi Israɛl.

Jɛnesis 35:1

Asheŋ ere kikɛ be kaman nɛ Ebɔrɛ kaŋɛ Jeekɔb: “Bɛta n ya chena Bɛtɛl nseŋ yuu bɔrɛsure ndoŋ n sa Ebɔrɛ nɛ e daŋ lara mbe kumu ŋ ŋini fo saŋɛ nɛ fo daa shile a ŋana fo da Isɔɔ so na.”

Jɛnesis 35:7

Nɛ Jeekɔb pɔr bɔrɛsure ndoŋ n sa Ebɔrɛ nseŋ tre kaboŋ na Ɛl Bɛtɛl, ŋkpal manɛ so, ndoŋ nɛ Ebɔrɛ daŋ lara mbe kumu ŋ ŋini mo saŋɛ nɛ e daa shile a ŋana mo da Isɔɔ so na.

Jɛnesis 4:4

nɛ Eebel malɛ bar mbe asɔbɔya to be ewurkoŋfɔlbiana na be eko m ba mɔ nseŋ lara kumo be ebɛaŋ n sa Enyɛnpe Ebɔrɛ na. Ndoŋ nna nɛ Eebel nɛ mbe kakɛ na be asheŋ bɔlɔ Enyɛnpe Ebɔrɛ na kenishi.

Jɛnesis 7:2

Ta asɔbɔya nɛ a maŋ kɔ eyurpi nseŋ daga keta n lara sarga na be yiri to be kenyɛnso nɛ kecheso be ntuŋ ashunushunu, nɛ asɔbɔya nɛ a kɔ eyurpi nsaa maŋ daga keta n lara sarga na be yiri to be kenyɛnso nɛ kecheso be ntuŋ anyɔnyɔ,

Jɛnesis 7:3

nɛ mbuibi be yiri yiri to malɛ kikɛ be kenyɛnso nɛ kecheso be ntuŋ ashunushunu. Saŋɛ na so kekama be yiri to maaŋ mur kasawule ere so kikɛ.

Jɛnesis 8:19

Kumo be kaman nɛ asɔbɔya na kikɛ nɛ asɔ gbeyesoana na kikɛ nɛ mbuibiana na kikɛ nɛ asɔ kama nɛ a na kasawule so na kikɛ lar kuloŋgboŋ na to. Asɔ na be kekama malɛ nɛ kumo be yiri e daa la.

Job be kawɔl 1:5

Mbia na baŋ ji kejigboŋ ŋklade kachipurso kikɛ, Job beeŋ shuŋi n tre bumo m ba lara esarga chɔɔso n sa Ebɔrɛ ŋ kule alubi be ketampaŋ n sa mbia na, a fɛ fanɛ ashere b kaa bee ji nsaa nuu na b wora kulubi ko n da Ebɔrɛ so nɛ b maŋ nyi.

Ɛksodɔs 10:25

Nɛ Mosis kaŋɛ ewura Fɛɛro le: “K daga fanɛ an baa kɔ asɔbɔya nɛ anyeeŋ ya mɔ n chɔɔ n lara esarga n sa Enyɛnpe Ebɔrɛ, anyi be Ebɔrɛ na.

Ɛksodɔs 29:18

n chɔɔ bɔrɛsure na so n lara sarga n sa ma. Loŋ be sarga chɔɔso na be efɛa bee par ma, Enyɛnpe Ebɔrɛ na nna.

Ɛksodɔs 29:25

Kumo be kaman nɛ men sɔ amo bumo kutɔ n chɔɔ bɔrɛsure na so ashi kakpa nɛ baa chɔɔ sarga chɔɔso na. Loŋ be sarga be efɛa bee par ma, Enyɛnpe Ebɔrɛ na nna.

Romebi 12:1

To, ŋ kurgepoana, ŋkpal Ebɔrɛ be kuwɔr be kakɛ damta nɛ e wu anyi na so, mee kule menyi nna nɛ men ta menyi be amu n sa Ebɔrɛ fanɛ sarga nɛ k wɔ ŋkpa to a du cheembi a par Ebɔrɛ. Menyi be kabɔrɛshuŋ nɛ men kɔ a di Ebɔrɛ epaŋ nna na.

Hibruwebi 13:10

An kɔ anyi be bɔrɛsure mo nɛ bumo nɛ baa shuŋ wajɛlambu na akpa na maŋ kɔ ekpa nɛ b ji bɔrɛsure na so be sargajibi na.

1 Pita 2:5

Men shin nɛ b ta menyi alɛ gba fanɛ ajembu nɛ a kɔ ŋkpa nɛ b ta m pɔr na nɛ men ki Ebɔrɛ be ebu a la bɔrɛmatapo cheembiana a bɔla Yesu Kristo so a lara kiyoyu to be esarga nɛ a bee par Ebɔrɛ.

1 Pita 2:9

Ama menyi ere la kanaŋ mo nɛ Ebɔrɛ lara nna nɛ men baa la bɔrɛmatapoana nɛ b shi kuwurji be kanaŋ to nseŋ naa la kanaŋ cheembi to ebi nɛ b la Ebɔrɛ be basa gbagba nɛ men ba kute esa nɛ e tre menyi ashi tentembiri to a yɔ mo gbagba be mamachi be kefulto to na be asheŋgboŋ be asheŋ n sa basa.