Jɛnesis 8:1 - EBƆRƐ BE KAWƆL

¹ Saŋɛ nɛ kuloŋgboŋ na daa deŋ nchu na so na Ebɔrɛ daa maŋ teŋ Nowa nɛ asɔbɔya nɛ b wɔ kuloŋgboŋ na to na so kikɛ. E daŋ shin nna nɛ afu fara a chela kasawule so nɛ nchu na fara a gberge.

Jɛnesis 8:1 ပူးပေါင်းရင်းမြစ်များ

Jɛnesis 19:29

Ebɔrɛ malɛ ka daŋ mur ketaŋɛ to be nde na nɛ e nyiŋi Eebraham nseŋ lara Lɔt ashi kemur be tɔrɔ nɛ e daŋ ta n lɛ nde nɛ Lɔt daa wɔ amo be kuko to na to.

Jɛnesis 30:22

B wɔtɔ loŋ nɛ Ebɔrɛ ba nyiŋi Reechel n nu mbe kekule nseŋ bugi mbe kakurgesha

Jɛnesis 9:10

nɛ kusɔ futeso kama nɛ menyi nɛ kumo daa wɔ kuloŋgboŋ na to na, fanɛ mbuibiana nɛ asɔbelasoana nɛ kupuŋ to be asɔbɔyaana nɛ asɔ futeso kama nɛ menyi nɛ amo daŋ shi kuloŋgboŋ na to n lar a wɔ durnya to na kikɛ.

Nehemaya 13:14

Ma, Nehemaya bee kule Ebɔrɛ nna fanɛ e nyiŋi ma ŋkpal asɔ lela nɛ mee wora a sa bɔrɛlambu ere nɛ basa nɛ baa bunyaŋ mo kumo to na so.

Nehemaya 13:22

Kumo be kaman nɛ ŋ kaŋɛ Livaiebi na fanɛ b baa wora bumo be amu cheembi nsaa kuŋ Jerusalɛm be kadegboŋ na be mbuna na Kewushiachɛ kikɛ, saŋɛ na so basa beeŋ ta kumo ŋ ki kachɛ cheembi nsaa sa kumo bunyaŋ. Ebɔrɛ la ewɔrwupo nna, mee kule mo fanɛ e wu ma kuwɔr nseŋ nɛfa ma ŋkpal kusɔ nɛ mee wora ere so.

Nehemaya 13:29

Mee kule Ebɔrɛ nna fanɛ e gberge bumo kusoe ŋkpal b ka wora n da bumo be kabɔrɛmata be atande so nseŋ ŋaba Livai be yiri na so.

Nehemaya 13:31

Ma alɛ daŋ naŋ yili kumo nna fanɛ basa na beeŋ baa bar ndibi puga edɛ bɔrɛsure na ase karechɛ kikɛ nseŋ naa bar bumo be adɔjibi nɛ baaŋ teŋi sososo na bɔrɛlambu na to. Mee kule Ebɔrɛ nna fanɛ e nɛfa ma ŋkpal asɔ lela nɛ mee wora ere so.

Job be kawɔl 12:15

Ebɔrɛ e naa pɛ bɔrɛ nɛ ewule bee yili, mo alɛ naŋ shin nɛ bɔrɛ ba ga, nchu bee sɔ kaplɛkama nna n jija kasawule.

Job be kawɔl 14:13

Jande, Ebɔrɛ, ta ma ŋ ŋana kasawule be kechimbi to. Fo agbo kaŋ wushi nɛ fo nyiŋi n sɔ ma n yige.

Nshɛ 105:42

E daa nyiŋi mbe nnɔ naseso cheembi nɛ e nase n sa mbe kayɛrbi Eebraham na nna.

Nshɛ 106:4

Enyɛnpe Ebɔrɛ, baa nyiŋi ma, jemanɛ nɛ fee chɛ fo basa to nsaa mɔlga bumo na.

Nshɛ 115:12

Enyɛnpe Ebɔrɛ bee nyiŋi anyi be asheŋ; mo alɛ beeŋ nɛfa anyi. E beeŋ nɛfa Israɛl be basa kikɛ nɛ Ɛɛrɔn be kanaŋ to ebi kikɛ.

Nshɛ 132:1

O Enyɛnpe Ebɔrɛ, baa nyiŋi Ewura Deevid nɛ awurfoŋ nɛ e ji na kikɛ be asheŋ.

Nshɛ 136:23

Jemanɛ nɛ bedoŋ daŋ kɔ m pɔɔ anyi so na nɛ an daa wɔ etɔrɔ to na, e daa maŋ teŋ anyi so; mbe kasha nɛ k maa chɛrga na malɛ wɔtɔ nna mbaanaayɔ.

Nshɛ 137:7

O Enyɛnpe Ebɔrɛ, nyiŋi kusɔ nɛ Edɔmebi na wora kachɛ nɛ Jerusalɛmebi kɔ n tɔr na. B yɛ: ‘Men bure kadegboŋ na! Men mur kumo kikɛ kuraa!’

Nshɛ 29:10

Enyɛnpe Ebɔrɛ na e naa ji kuwura nchuaana nɛ a wɔ nchiŋ gba so. E bee ji kuwura nna mbaanaayɔ.

Nshɛ 36:6

Fo asheŋ woraso niŋi ekpa nna nsaa du fanɛ kebeegboŋ nɛ k maa gbuŋgbuŋ na. Kananɛ fee mige basa be asheŋ to a ji asheŋ nɛ amo be ekpa so du chiŋgeliŋ fanɛ teku nna. Fo enɔ to nɛ edimɛdi nɛ asɔbɔya kikɛ wɔ.

Ɛksodɔs 14:21

Le be asheŋ ere kikɛ ka wora n choŋ nɛ Mosis teŋi mbe kekpabi na n shoŋi teku na so. Ndoŋ nna nɛ Enyɛnpe Ebɔrɛ shin nɛ kebɔrɛfito be afu lempo ko chala kanyɛ na kikɛ n shin nɛ teku na ku to anyɔ.

Ɛksodɔs 15:10

Ama Enyɛnpe Ebɔrɛ, fo efute nawule e shin nɛ teku na ba buu bumo kikɛ nyam so nɛ b chul n yɔ nchu damta na be kaseto fanɛ epal na.

Ɛksodɔs 2:24

Nɛ Ebɔrɛ nu bumo be nfubel na nseŋ nyiŋi mbe kɔnɔkoŋwule be ŋkre nɛ k wɔ mo nɛ bumo nananyɛnana Eebraham nɛ Aizek nɛ Jeekɔb be kefɛato na.

Aŋasa 25:23

Kananɛ kebɔrɛfito be afu bee bar bɔrɛ na, aloŋ nɛ ŋkuli bee bar agbo.

Aizaaya 44:27

Jemanɛ kikɛ nɛ mee sha fanɛ eteku nɛ mbombi kikɛ e wɔl to, mee malga kenishipereso nna nɛ a bee wɔl to.

Jɛremaya 50:38

Ewule beeŋ tɔr menyi be kasawule so, nɛ elɔr nɛ mbombiana kikɛ e wɔl to. Ade kikɛ beeŋ wora, ŋkpal manɛ so, agbirana e bɔlɔ menyi be kasawule so n shin nɛ men ki bewulpo.

Eemɔs 8:7

Enyɛnpe nɛ e la Israɛl be Ebɔrɛ na bɔ ntaŋ ŋ kaŋɛ le: “M maaŋ teŋ bumo be asheŋ lubi nɛ b wora na kikɛ so.

Jona 4:11

Basa nɛ b chɔ ŋgboŋ kalfa nɛ adunyɔ nɛ b maŋ nyi bumo be bena nɛ jiso, n ta asɔbɔya damta gba n ti so e wɔ Ninɛve be kadegboŋ na to. A maŋ daga bumo be asheŋ ka tir ma a?”

Nahum 1:4

Mo e naa ponte teku nɛ elɔr so nɛ amo be nchu bee feeto nɛ a bee wɔlto. Mo koŋwule na e naa ponte nɛ Bashan be afitiri bumbuŋ bee bolo, nɛ Kamɛl be kebeegboŋ so be ndibi bee pere kpaw nɛ Lebanɔn be ndibi be atoto lela kikɛ bee terge.

Habakuk 3:2

O Enyɛnpe Ebɔrɛ, n nu kusɔ nɛ fo wora, nɛ k mɔ ma kɔnɔ nsaa keta ma kufu. Naniere naŋ wora asheŋgboŋ nɛ fo daŋ wora n sa an nanaana na, anyi alɛ gba be jemanɛ ere to. Hale nɛ fo nya agbo gba, fo baa nyiŋi fo kuwɔrwu na.

Zakareya 10:11

B kaŋ bɔla bumo be etɔrɔbi nɛ e du fanɛ teku ere to a choŋ, ma, Enyɛnpe Ebɔrɛ na beeŋ yɔɔ atili na nseŋ shin nɛ Nail be lɔr nɛ k wɔ Ijipt be efuli so na be kechimbi to be nchu e feeto. Meeŋ shin nɛ Asiriyaebi be kamoowugboŋ na e ba kaseto, nɛ Ijiptebi e paŋ bumo be eleŋgboŋ na.

Nɔmbɛs 10:9

Nɛ men doŋana kaŋ baa kaa kɔ menyi kena men gbagba be kasawule so nɛ men foŋ mbel na, ma Enyɛnpe Ebɔrɛ na beeŋ nu nseŋ ba mɔlga menyi.

Nɔmbɛs 22:32

Nɛ malaika na kaŋɛ Balaam le: “Manɛ nna nɛ fo bri fo kurma ale asa kikɛ? M ba nna nɛ m ba kuŋ fo ekpa nɛ fo maaŋ yɔ fo enite ere to.

Kelaraŋŋini 16:19

Nɛ kadegboŋ na barga to ntuŋ nsa so nɛ durnya to be ndegboŋ kama mur. Nɛ Ebɔrɛ nyiŋi Babilɔn lempo nseŋ ta katishaŋ mo nɛ k bɔlɔ mbe agbo damta be nsa na n sa fanɛ e nuu.

Kelaraŋŋini 18:5

Ŋkpal manɛ so, mbe alubi dii n deŋi abar so nna n ya fo ebɔrɛso nɛ Ebɔrɛ malɛ bee nyiŋi mbe alubi na kikɛ.

1 Samuɛl 1:19

Kumo be ŋklade kachipurdidi nɛ Ɛlkana nɛ mbe kanaŋ wule ŋ koso n ya bunyaŋ Enyɛnpe Ebɔrɛ nseŋ bɛta n yɔ Raama, bumo be kade to. Elkana nɛ mbe eche Haana ka di keche nɛ kenyɛn nɛ Enyɛnpe Ebɔrɛ nu Haana be kabɔrɛkule.