Jɛnesis 7:4 - EBƆRƐ BE KAWƆL

⁴ Ŋkpal manɛ so, nchɛ ashunu be kefɛato meeŋ shin nɛ bɔrɛ e ba kasawule so nchɛ nɛ nnyɛ adena nɛ kusɔ futeso kama nɛ n to durnya ere to e mur cheche.”

Jɛnesis 7:4 ပူးပေါင်းရင်းမြစ်များ

Jɛnesis 2:5

kedibi kama nɛ keduuso jiso kama daa maŋ naŋ kɔr kasawule so. Enyɛnpe Ebɔrɛ malɛ daa maŋ naŋ shin nɛ bɔrɛ ba kasawule so. Dimɛdi kikɛ malɛ daa maŋ wɔtɔ a dɔ kasawule so.

Jɛnesis 6:13

Ndoŋ nna nɛ Ebɔrɛ kaŋɛ Nowa le: “Meeŋ mur basa kikɛ nyam durnya ere to, ŋkpal manɛ so, bumo so nɛ kelantokɔ nɛ kebagato sɔ durnya ere kikɛ to na. Kashenteŋto, meeŋ mur bumo nɛ durnya ere kikɛ nyam.

Jɛnesis 6:17

Lɔŋɛ kuloŋ na, ŋkpal manɛ so, meeŋ shin nɛ bɔrɛ e ba durnya to nɛ nchu e sɔ kaplɛkama n ji kusɔ futeso kikɛ nyam. Kashenteŋto, durnya to be kusɔ kama nyam beeŋ mur.

Jɛnesis 6:3

Kachako nɛ Enyɛnpetale kaŋɛ: “M maaŋ shin nɛ kiyoyu nɛ n ta n wɔtɔ dimɛdi to na e baa wɔ mo to mbaanaayɔ, ŋkpal manɛ so, e la eyur nɛ ŋklaŋ nna, amoso e beeŋ ji nfɛ kalfa nɛ adunyɔ nawule nna durnya ere to.”

Jɛnesis 6:7

Ndoŋ nna nɛ e kaŋɛ mbe kumu: “Meeŋ mur basa nɛ n to durnya ere to kikɛ nyam, bumo nɛ asɔbɔya nɛ asɔ gbeyeso nɛ mbuibi firgisoana kikɛ nyam, ŋkpal manɛ so, ma kagbene jija ga ŋkpal ŋ ka to dimɛdi nɛ loŋ be asɔ na kikɛ so.”

Jɛnesis 7:10

Nchɛ ashunu na be kaman nɛ nchu fara a sɔ kasawule so kikɛ.

Jɛnesis 7:12

Bɔrɛ na daŋ ba kapa nɛ kanyɛ kikɛ, a maa teŋ hale n ya fo nchɛ adena.

Jɛnesis 7:17

Bɔrɛ na daŋ ba loŋ nchɛ adena nɛ nchu sɔ kaplɛkama nsaa dii a yɔ esoso loŋ hale nɛ kuloŋgboŋ na fuga n deŋi amo so.

Jɛnesis 7:3

nɛ mbuibi be yiri yiri to malɛ kikɛ be kenyɛnso nɛ kecheso be ntuŋ ashunushunu. Saŋɛ na so kekama be yiri to maaŋ mur kasawule ere so kikɛ.

Jɛnesis 8:10

Kede be kaman nɛ e naŋ jo bɔkwe koŋwule pɔɛŋ nseŋ naŋ lara keli na kuloŋgboŋ na to n lɛ kowu.

Jɛnesis 8:12

Nɛ e naŋ jo bɔkwe koŋwule nseŋ naŋ lara keli na kuloŋgboŋ na to n lɛ kowu. Kede bre to, keli na maŋ naŋ bɛta m ba.

Jɛnesis 8:2

Ebɔrɛ daŋ ti kasawule to be nchuana nɛ a daa lar na nna nseŋ shin nɛ bɔrɛ nɛ k daa ba fanɛ awɔlpa be mbuna ka bugi na ku kuraa.

Job be kawɔl 28:25

Jemanɛ nɛ Ebɔrɛ daŋ sa afu kumo be eleŋ nseŋ ku kananɛ teku beeŋ baa sa n sa kumo na

Nshɛ 69:28

Bubɔ bumo be atre ashi basa nɛ b wɔ ŋkpa to na be atre be kawɔl na to. Lara bumo ashi bumo nɛ b maŋ wora n jija to.

Jɛremaya 28:16

Amoso kusɔ nɛ Enyɛnpe Ebɔrɛ na bee kaŋɛ e la fanɛ e beeŋ lara fo ashi durnya to. Pɔɛŋ nɛ kafɛ ere e fo ekar feeŋ wu, ŋkpal fo ka ku efɛ n sa basa ere nɛ b lar Enyɛnpe Ebɔrɛ na kaman nseŋ kini mo so.”

Eemɔs 4:7

Saŋɛ so nɛ k daga men be asɔduuso ka nya bɔrɛ nɛnɛ na, nɛ mee pɛ bɔrɛ a keta. Ma e naa shin nɛ bɔrɛ bee ba. Ma alɛ e naa shin nɛ bɔrɛ bee ba kade ko to nsaa yige kuko, ŋko a ba ndɔ ko to a yige kuko nɛ k bee wɔl.

Kelaraŋŋini 3:5

Ekama nɛ e kɔ m pɔɔ so beeŋ buu asɔ fuful fanɛ bumo. M maaŋ kpra mbe ketre ashi ŋkpa be kawɔl na to kikɛ, ama meeŋ ji mbe shɛda n sa n Tuto nɛ mbe emalaika.