Jɛnesis 7:21 - EBƆRƐ BE KAWƆL

²¹ Ndoŋ nna nɛ kusɔ futeso kikɛ nyam nɛ k wɔ durnya to wu. Mbuibiana nɛ asɔ belaso nɛ kupuŋ to be asɔbɔya nɛ asɔ firgisobiana nɛ a wɔ kasawule so kikɛ e daŋ mur.

Jɛnesis 7:21 ပူးပေါင်းရင်းမြစ်များ

Jɛnesis 1:25

Ebɔrɛ ka to amo kikɛ na nɛ e wu fanɛ kusɔ kama walɛ.

Jɛnesis 6:13

Ndoŋ nna nɛ Ebɔrɛ kaŋɛ Nowa le: “Meeŋ mur basa kikɛ nyam durnya ere to, ŋkpal manɛ so, bumo so nɛ kelantokɔ nɛ kebagato sɔ durnya ere kikɛ to na. Kashenteŋto, meeŋ mur bumo nɛ durnya ere kikɛ nyam.

Jɛnesis 6:17

Lɔŋɛ kuloŋ na, ŋkpal manɛ so, meeŋ shin nɛ bɔrɛ e ba durnya to nɛ nchu e sɔ kaplɛkama n ji kusɔ futeso kikɛ nyam. Kashenteŋto, durnya to be kusɔ kama nyam beeŋ mur.

Jɛnesis 7:4

Ŋkpal manɛ so, nchɛ ashunu be kefɛato meeŋ shin nɛ bɔrɛ e ba kasawule so nchɛ nɛ nnyɛ adena nɛ kusɔ futeso kama nɛ n to durnya ere to e mur cheche.”

Job be kawɔl 34:15

anyi edimɛdi beeŋ wu nseŋ bɛta n yɔ eshishɛr to.

Aizaaya 24:19

Kasawule beeŋ pante m baŋɛ to kaplɛkama.

Aizaaya 24:6

Amoso Ebɔrɛ sho durnya na kɔnɔ nna nɛ kumo to be basa bee wu ŋkpal bumo be alubi so.

Hoziya 4:3

Ŋkpal loŋ so ewule lubi beeŋ yili menyi be kasawule ere so nɛ kusɔ kama nɛ k wɔ kumo so kikɛ e wu. Asɔbɔya nɛ mbuibi nɛ ekɔrɔtɔ kikɛ beeŋ wu.”

Jowɛl 2:3

Baaŋ jija kusɔ kama nyam fanɛ kananɛ edɛ bee ji asɔ na. Kasawule kama nɛ k wɔ bumo be anishito du fanɛ kudɔbi nɛ baa tre Iden na nna. Ama kumo nɛ k wɔ amo be kaman to bre du fanɛ keshishɛrsawule, nɛ shɛŋ maŋ wɔ kumo so na nna. Shɛŋ shɛŋ malɛ maaŋ tiŋ ŋ gelge bumo.

Zefanaiya 1:3

Ma alɛ beeŋ mur edimɛdi nɛ asɔbɔya nɛ mbuibi nɛ ekɔrɔtɔ kikɛ. Meeŋ bar basa lubi kaseto nseŋ mur nyiŋgbasa kikɛ kasawule ere so. Esa kikɛ maaŋ pete. Ma, Enyɛnpe Ebɔrɛ na e kaŋɛ na.

Matiu 24:39

B daa maŋ nyi kusɔ nɛ k daa shin nɛ k wora pɔɛŋ nɛ nchugboŋ na ba mur bumo kikɛ nyam. To, loŋ gbagba be kebaawɔtɔ nɛ basa beeŋ baa kɔ kachɛ nɛ ma, Nyiŋgbasa Pibinyɛn na beeŋ ba na.

Luuk 17:27

Basa daa wɔtɔ nna a ji a nuu nɛ benyɛn bee ta beche nɛ beche malɛ bee yɔ kakil to hale loŋ nɛ kachako nɛ Nowa ya luri ekuloŋgboŋ na to nɛ nchugboŋ na ba mur bumo kikɛ nyam.

Romebi 8:20

Ŋkpal manɛ so, b yili kumo nna fanɛ kepɔrso kikɛ e sa maa kɔ tɔnɔ kikɛ, mannɛ ŋkpal kepɔrso na gbagba be keparso, ama ŋkpal Ebɔrɛ nɛ e yili kumo loŋ na be katiŋ so.

Romebi 8:22

Ŋkpal manɛ so an baa nyi fanɛ yili kulubi be sososo na m ba fo mbre, kepɔrso kikɛ bee shu ebesa nɛ k du fanɛ kakurge to be ebesa na to nna.

2 Pita 2:5

ŋko nɛ e daa maŋ yige saŋɛ na be durnyaebi nseŋ daŋ bar nchu m ba sɔ durnya kikɛ nɛ kumo to be basa lubi mur nseŋ daŋ lara Nowa nɛ e daa la Ebɔrɛ be anishito be alelashemmalgapo na nɛ basa ashunu ko na, e beeŋ yige le be beŋinipo fɛpoana ere a?