Jɛnesis 7:11 - EBƆRƐ BE KAWƆL

¹¹ Nowa be nfɛ alfashe to be kufɔl nyɔsopo to be kachɛ kuduashunusopo na nɛ kasawule pante a lar nchu nɛ abɔrɛwɔlpa malɛ gbu nchu fanɛ a ka kɔ mbuna nseŋ bugi nɛ nchu bee wurge na.

Jɛnesis 7:11 ပူးပေါင်းရင်းမြစ်များ

Jɛnesis 1:7

Loŋ ka wora nɛ Ebɔrɛ barga nchu na to ntunnyɔ, n shin nɛ katuŋ ko wɔ esoso nɛ kuko malɛ wɔ kasawule nɛ kunji wɔ amo be nferinto.

Jɛnesis 6:17

Lɔŋɛ kuloŋ na, ŋkpal manɛ so, meeŋ shin nɛ bɔrɛ e ba durnya to nɛ nchu e sɔ kaplɛkama n ji kusɔ futeso kikɛ nyam. Kashenteŋto, durnya to be kusɔ kama nyam beeŋ mur.

Jɛnesis 7:6

Jemanɛ nɛ nchu na daŋ ba sɔ kasawule so kikɛ na nɛ Nowa daa la nfɛ alfa ashe.

Jɛnesis 8:14

Kufɔl nyɔsopo na ka ya fo nchɛ adunyɔ nɛ ashunu nɛ kasawule na kikɛ wɔl nyam.

Jɛnesis 8:2

Ebɔrɛ daŋ ti kasawule to be nchuana nɛ a daa lar na nna nseŋ shin nɛ bɔrɛ nɛ k daa ba fanɛ awɔlpa be mbuna ka bugi na ku kuraa.

2 Bewura 7:19

Nɛ ewura na be laŋ to be beshumpo be enimu na malɛ kaŋɛ fanɛ hale nɛ Enyɛnpe Ebɔrɛ shin nɛ ayu wora ga gba loŋ maaŋ tiŋ n wora kikɛ. Nɛ Elaisha malɛ kaŋɛ mo le: “Feeŋ ta fo anishi n wu amo ama fo alɛ be kɔnɔ maaŋ bɛta amo!”

2 Bewura 7:2

Ndoŋ nna nɛ ewura na be benapo be enimu nɛ e bee fute a yigeso na kaŋɛ anebi Elaisha le: “Loŋ maaŋ tiŋ n wora. Hale Enyɛnpe Ebɔrɛ shin nɛ bɔrɛ ba ga nɛ ayu wora ga gba, amo be yawu maaŋ baa du loŋ.” Nɛ Elaisha kaŋɛ: “Fo anishi nɛ feeŋ ta n wu amo ama fo maaŋ ji amo be ajibi.”

Job be kawɔl 12:15

Ebɔrɛ e naa pɛ bɔrɛ nɛ ewule bee yili, mo alɛ naŋ shin nɛ bɔrɛ ba ga, nchu bee sɔ kaplɛkama nna n jija kasawule.

Job be kawɔl 28:4

Baa lar kakpa nɛ basa wɔ nna a yɔ kufɔ n ya kur amaŋ fanɛ abɔrbi na, nseŋ pɛ efɔl to ŋ gbelge amo to.

Job be kawɔl 38:16

Job, fo daŋ yɔ teku be kaseto ŋ ku so a? Ŋko n nite kumo be kaseto be kasawule so ŋ ku so a?

Job be kawɔl 38:37

Feeŋ tiŋ ŋ karga awɔlpa ŋko n shin nɛ nchu nɛ a wɔ amo to na e ba bɔrɛ kasawule wɔlso so a?

Nshɛ 33:7

Mo e gbargbar teku be nchu kikɛ n wɔtɔ kakpa koŋwule. Mo koŋwule na e koli nchu na n wɔtɔ kakpa chiŋgeliŋ to fanɛ ebu na.

Nshɛ 74:15

Fo e daŋ shin nɛ kasawule pante n lar nchu ŋ ki fanɛ kebuye nɛ mbombi. Nseŋ shin nɛ elɔr nɛ a daa shile bre wɔlto na.

Aŋasa 3:20

Mbe kanyiasheŋ e shin nɛ eboŋana bee shile, nɛ awɔlpa bee bar bɔrɛchu kasawule so.

Aizaaya 24:18

Ekama nɛ e wora ania n shile kufugboŋ na beeŋ ya tɔr kemaŋ chiŋgeliŋ to, nɛ emo nɛ e gelge kemaŋ chiŋgeliŋ malɛ e ya tɔr kejigbelɛ to. Bɔrɛchu damta beeŋ shi awɔlpa so m ba kasawule so nɛ durnya be gbaltɔlase e gbuŋgbuŋ to.

Aizaaya 24:19

Kasawule beeŋ pante m baŋɛ to kaplɛkama.

Jɛremaya 5:22

ma e la Enyɛnpe Ebɔrɛ nɛ a daga fanɛ men baa ta kufu nɛ kechicha chicha a bunyaŋ ma? Ma e ta eshishɛr ŋ kuŋ teku nɛ k maŋ tiŋ n dii amo so. Teku so beeŋ tiŋ ŋ kaa ketili n wora awɔr ga, ama kumo alɛ maaŋ tiŋ n dii eshishɛr na so.

Jɛremaya 51:16

Mo e naa malga nɛ awɔlto be nchuana bee baga to a gbri, mo alɛ e naa shin nɛ awɔlpa bee deŋi durnya be kaplɛkama. Mo e naa shin nɛ bɔrɛ bee ba nsaa nyɛkpɛ nɛ afu bee shi kakpa nɛ e yili kumo na a ba.

Ezikɛl 26:19

Ndoŋ nna nɛ Enyɛnpetale Ebɔrɛ na naŋ kaŋɛ le: “Meeŋ shin nɛ menyi be ndegboŋ e bure a dese nɛ esa kikɛ maŋ naa wɔ amo to. Meeŋ shin nɛ teku be nchugboŋ e buu menyi so.

Malakai 3:10

Men ta menyi be kudukudusopo kikɛ m ba Enyɛnpe Ebɔrɛ be lambu to, saŋɛ na so ajibi damta beeŋ baa wɔ ndoŋ. Men wora ma ŋ keni, nɛ m bugi Ebɔrɛso be etokuro n chulgi enɛfa be yiri yiri alegaiso n sa menyi nɛ menyi maaŋ nya kakpa gba n yili amo.

Matiu 24:38

Ŋkpal manɛ so, pɔɛŋ nɛ nchugboŋ na ba na basa daa wɔtɔ nna a ji a nuu nɛ benyɛn bee ta beche nɛ beche malɛ bee yɔ kakil to hale loŋ nɛ kachako nɛ Nowa ya luri ekuloŋgboŋ na to na.

1 Tɛsalɔnikaebi 5:3

Saŋɛ nɛ basa ya kaa kaŋɛ: “Naniere bre kaboŋ nyalɛ nɛ kagbenewushi ba,” epul na malɛ to nɛ kemur be tɔrɔ beeŋ tɔr bumo so fanɛ kananɛ kakurge be ebesa bee purgi edampoche na. Bumo be ekama maaŋ lar.

2 Pita 3:6

Nchu malɛ so nɛ e daŋ bɔla n jija saŋɛ na be durnya nɛ k mur.