Jɛnesis 6:9 - EBƆRƐ BE KAWƆL

⁹ Kananɛ Nowa nɛ mbe kanaŋ to ebi be asheŋ lar nde. Nowa daa la esa nɛ e niŋi nna ashi Ebɔrɛ be anishito nseŋ daa maa kɔ amoso mbe jemanɛ na so. Mo nɛ Ebɔrɛ daa ji keteri nna.

Jɛnesis 6:9 ပူးပေါင်းရင်းမြစ်များ

Jɛnesis 10:1

Kananɛ Nowa be mbia Shɛm nɛ Ham nɛ Jafɛf be mbiaana be nnaŋ nite nde. Nchu ka daŋ ji durnya na be kaman pɔɛŋ nɛ Nowa be bibinyɛn na daŋ nya bibinyɛnana.

Jɛnesis 17:1

Eebram be nfɛ adekpanu nɛ akpanu be saŋɛ nɛ Enyɛnpe lar mo so ŋ kaŋɛ mo le: “Ma e la Enyɛnpetale na. Wora ma kasonu a bɛ ma ekpaana so nsaa la esa nɛ e maŋ kɔ amoso basa be anishito.

Jɛnesis 2:4

To, kananɛ Enyɛnpe Ebɔrɛ daŋ to esoso nɛ kasawule nna na. E ka daŋ to amo na,

Jɛnesis 48:15

E ka wora loŋ na be kaman nɛ e nɛfa Josɛf nseŋ kaŋɛ: “Ebɔrɛ mo nɛ n nananyɛn Eebraham nɛ n tuto Aizek daŋ shuŋ na e nɛfa fo mbia ere. Mo, Ebɔrɛ koŋwule mo nɛ e juŋkpar ma a keni ma so fanɛ asɔbɔyakpapo na e nɛfa bumo.

Jɛnesis 5:1

Adam be kanaŋ to ebi be atre nɛ b sibɛ n nase nde. Ebɔrɛ ka to dimɛdi na e daŋ to mo nna nɛ e du fanɛ mo Ebɔrɛ gbagba.

Jɛnesis 5:22

B ka kurge Mɛtusela be kaman nɛ Inɔk nɛ Ebɔrɛ luri kɔnɔkoŋwule be kebaawɔtɔ to n ji keteri nfɛ alfa asa. Kumo be jemanɛ so nɛ mo nɛ mbe eche naŋ kurge bibinyɛn nɛ becheso ko n ti mo so.

Jɛnesis 5:24

Inɔk nɛ Ebɔrɛ daa ji keteri nna loŋ m ba fo saŋko nɛ Ebɔrɛ ta mo n yɔ ebɔrɛso nɛ e maŋ wu.

Jɛnesis 6:10

Nowa daa kɔ bibinyɛnsobi asa nna nɛ baa tre bumo Shɛm nɛ Ham nɛ Jafɛf.

Jɛnesis 7:1

Ndoŋ nna nɛ Enyɛnpe na kaŋɛ Nowa le: “Fo nɛ fo kanaŋ kikɛ e luri kuloŋgboŋ na to, ŋkpal manɛ so, n wu fanɛ fo jemanɛ ere so ebi to fo e la esa nɛ e niŋi ma anishito.

2 Samuɛl 22:24

E nyi ŋ ka maŋ kɔ amoso kikɛ, nsaa gelge alubisheŋ kikɛ malɛ.

1 Bewura 3:6

Nɛ ewura Sɔlɔmɔn kaŋɛ Enyɛnpe Ebɔrɛ le: “Fo kasha nɛ fo kɔ n sa fo kayɛrbi, n tuto Ewura Deevid na maa chɛrga kikɛ. Mo alɛ daa la esa lela nna nsaa ji kashenteŋ a sa fo. Naniere fo shin nɛ mbe kebia yili mbe katelamu to ŋ ki ewura.

2 Kronikɛls 15:17

Kashenteŋ nna fanɛ ewura Asa daa maŋ tiŋ m mur agbirana kikɛ ashi Israɛl be kasawule so, ama mbe ŋkpa kikɛ to e daŋ ji kashenteŋ nna n sa Ebɔrɛ.

2 Kronikɛls 25:2

Amaziya daŋ wora kusɔ nɛ k par Ebɔrɛ, ama mo alɛ daa maŋ wora kumo nɛ kagbene koŋwule.

Job be kawɔl 1:1

Kanyɛn ko e daa wɔ Uz be kasawule so nɛ baa tre mo Job. Job daa la esa nɛ esa kikɛ maŋ tiŋ n wu mo kulubi nna. E daa la esa nɛ e bee bunyaŋ Ebɔrɛ nseŋ kishi kulubi be kewora nna.

Job be kawɔl 1:8

Kumo be kaman nɛ Enyɛnpe Ebɔrɛ na naŋ bishi Setani le: “Manɛ nɛ fee fɛ a laŋɛ ma kayɛrbi Job be kaplɛa so? Durnya kikɛ to, esa kikɛ maŋ du fanɛ mo. Ŋkpal manɛ so, e la esa nɛ esa maaŋ tiŋ n wu mo kulubi nna. Mo alɛ bee bunyaŋ Ebɔrɛ nseŋ kishi kulubi be kewora nna.”

Job be kawɔl 12:4

Jemanɛ kikɛ kebaawɔtɔ niŋiso to nɛ n daa wɔ, nɛ Ebɔrɛ malɛ daa nu ma kabɔrɛkule. Ama naniere n nekpaana e naa wora ma eyur to na.

Nshɛ 37:37

Keni, asheŋ lela bee jo basa nɛ baa ji kashenteŋ nsaa maa wora a foe; nsaa fin kayurwushi na be kaman to ebi nna.

Nshɛ 37:39

Enyɛnpe Ebɔrɛ na e naa kuŋ mbe basa, nsaa mɔlga bumo tɔrɔ be saŋɛ.

Aŋasa 4:18

Ama ekpa nɛ belelaworapo bɔ so na bre du nna fanɛ karechɛ so be epeŋi na. K bee fulto nna a ti so hale nɛ kare e ya chɛ nɛ kaboŋ e fulto parr.

Kaŋinichiŋgeliŋ 7:20

Esa kama maŋ wɔ durnya ere to nɛ e niŋi n ya loge nsaa maa wora a foe.

Ezikɛl 14:14

hale nɛ Nowa nɛ Danɛl nɛ Job, gba daŋ ti bumo so, bumo be alelasheŋ daa beeŋ tiŋ m mɔlga bumo gbagba nawule nna ama mannɛ basa na kikɛ.” Ma, Enyɛnpetale Ebɔrɛ e kaŋɛ na.

Ezikɛl 14:20

ma, Enyɛnpetale Ebɔrɛ na bee kaŋɛ kashenteŋto na fanɛ, nɛ Nowa nɛ Danɛl nɛ Job gba daa wɔ efuli na so, b daa maaŋ tiŋ m mɔlga bumo be mbia. Bumo gbagba nawule e daa beeŋ nya kumɔlga ŋkpal bumo be alelasheŋ so.”

Habakuk 2:4

Kubɔya na nde: ‘Bekama nɛ baa wora asheŋ lubi maaŋ ji efute, ama bekama nɛ bumo be kebaawɔtɔ niŋi na beeŋ baa wɔ ŋkpa to ŋkpal b ka bee ji kashenteŋ a sa Ebɔrɛ so.’ ”

Luuk 1:6

Bumo benyɔ kikɛ daa bɛ Enyɛnpe be mbraana na nɛ mbe asheŋ ŋinisoana na kikɛ so nna nɛnɛ a maa foe ekpa kikɛ nsaa wɔ kebaawɔtɔ cheembi nɛ k bee par Ebɔrɛ to.

Luuk 2:25

Kanyɛn ko malɛ daa wɔ Jerusalɛm nɛ baa tre mo Simiɔn. E daa la esa lela nna a bunyaŋ Ebɔrɛ nsaa jo jemanɛ nɛ Israɛlebi beeŋ nya kumɔlga. Kiyoyu Cheeŋ na daa wɔ mo to.

Luuk 23:50

Kanyɛn ko e daa wɔtɔ nɛ baa tre mo Josɛf. E daŋ shi Juwebi be kade nɛ baa tre Arimatiya na nna nseŋ daa la Juwebi be nshɛrwuraana na to be esa lela nɛ kashenteŋshapo.

Ashuŋ Shunso 10:22

Nɛ b kaŋɛ: “Kɔɔnilias, benapo be enimu na e shuŋi anyi. E la esa lela nna a bunyaŋ Ebɔrɛ nsaa la Juwebi kikɛ be ebunyampo. Ebɔrɛ be malaika ko e ba kaŋɛ mo fanɛ e shin nɛ fo ba mo pe m ba shin nɛ e nu kusɔ nɛ feeŋ kaŋɛ mo.”

Romebi 1:17

Ŋkpal manɛ so, baru lela na e naa ŋini kananɛ Ebɔrɛ bee nase kumo fanɛ basa e baa la belelapo mbe anishito. Kumo alɛ be sososo kikɛ la yirda nna hale n ya fo ekar. Loŋ gbagba malɛ nɛ abɔrɛsibɛ na bee kaŋɛ na fanɛ: “Esa kama nɛ Ebɔrɛ nase kɔnɔ fanɛ e la elelapo na beeŋ nya ŋkpa ŋkpal mbe yirda so.”

Galeeshaebi 3:11

Kumo alɛ baŋ fuli nna a dese fanɛ esa kama maaŋ tiŋ m bɔla mbra na so n ji n lar Ebɔrɛ be anishito, ŋkpal manɛ so, abɔrɛsibɛ na bee kaŋɛ fanɛ, esa kama nɛ Ebɔrɛ kpal mbe yirda so n shin nɛ e ji n lar mo ere Ebɔrɛ be anishito na, beeŋ nya ŋkpa a wɔtɔ.

Ditɛronɔmi 18:13

Menyi ere daga fanɛ men baa ji kashenteŋ a sa Enyɛnpe Ebɔrɛ na ekpa kikɛ so nna nsaa maa wora ekishisheŋ ere.”

Hibruwebi 11:7

Yirda so nɛ Nowa daŋ nu Ebɔrɛ be kɔnɔ a yɛ asheŋ nɛ a daa beeŋ ba kachako so nɛ esa maŋ naŋ wu na. Ebɔrɛ ka daŋ kaŋɛ loŋ na e daŋ nu n sa mo nseŋ gbir kuloŋgboŋ nɛ mo nɛ mbe kanaŋ luri m mɔlga bumo be amu. Ŋkpal loŋ na so durnyaebi daa maŋ nya kashenteŋ, kumo be kaman nɛ e nya yirda be tɔnɔ, kumo e la fanɛ e ki elelapo Ebɔrɛ be anishito.

1 Pita 2:5

Men shin nɛ b ta menyi alɛ gba fanɛ ajembu nɛ a kɔ ŋkpa nɛ b ta m pɔr na nɛ men ki Ebɔrɛ be ebu a la bɔrɛmatapo cheembiana a bɔla Yesu Kristo so a lara kiyoyu to be esarga nɛ a bee par Ebɔrɛ.

2 Pita 2:5

ŋko nɛ e daa maŋ yige saŋɛ na be durnyaebi nseŋ daŋ bar nchu m ba sɔ durnya kikɛ nɛ kumo to be basa lubi mur nseŋ daŋ lara Nowa nɛ e daa la Ebɔrɛ be anishito be alelashemmalgapo na nɛ basa ashunu ko na, e beeŋ yige le be beŋinipo fɛpoana ere a?