Jɛnesis 6:5 - EBƆRƐ BE KAWƆL

⁵ Kumo be jemanɛ na so nɛ Enyɛnpetale Ebɔrɛ wu fanɛ basa be alubi bee wora keshi durnya to a ti so nɛ bumo be ŋgbene to be nfɛra fɛso kikɛ la asheŋ lubi.

Jɛnesis 6:5 ပူးပေါင်းရင်းမြစ်များ

Jɛnesis 13:13

Sodɔmebi malɛ daa la dalubiwuraana nna nseŋ daa wora alubi ga a gbiti Enyɛnpe Ebɔrɛ na.

Jɛnesis 8:21

Enyɛnpe na ka nu sarga na be efɛa belbelso na nɛ e kaŋɛ mbe kumu le: “N nyi fanɛ dimɛdi be kebia to kikɛ mbe nfɛra fɛso lubi, ama m maaŋ naŋ kpal dimɛdi so n sho kasawule ere kɔnɔ kikɛ. Ma alɛ maaŋ naŋ mur asɔ futeso fanɛ kananɛ n wora ere kikɛ.

Job be kawɔl 15:16

edimɛdi bre nɛ e beeŋ tiŋ n yirda a? Alubi la fanɛ nchu nna n sa anyi edimɛdi nɛ anyee nuu kapa nɛ kanyɛ.

Job be kawɔl 22:15

Men yige adrasheŋ fuloŋ nɛ alubiworapoana daŋ yirda nɛ nchu daŋ bɔlɔ m ba sulɔ bumo n choŋ nɛ b maŋ nyi na be kebɛso.

Nshɛ 53:2

Ebɔrɛ wɔ esoso nna a keni kaseto a fin enyiashempo nɛ e bee fin mo ere Ebɔrɛ!

Aŋasa 6:18

nɛ nfɛra fɛso lubi nɛ basa nɛ alubi be kewora maa choŋ bumo so

Kaŋinichiŋgeliŋ 7:29

Asheŋ nɛ ŋ koya kikɛ nna na. Ebɔrɛ to anyi nɛnɛ nna nɛ anyi alɛ jija anyi be amu.

Kaŋinichiŋgeliŋ 9:3

Kulubi nɛ k wɔ asheŋ kama nɛ e bee wora durnya to na e la fanɛ, kelamba koŋwule e dese n sa ekama. Asheŋ lubi nɛ ebonsheŋ e baŋ bɔlɔ edimɛdi be ŋgbene nɛ nfɛra to; amo alɛ kikɛ be kaman baa wu a yɔ bubuni to nna.

Jɛremaya 17:9

Menyi Juda be basa la basa nɛ baa fule nna pasaa. Men fule men gbagba be amu, menyi alɛ maaŋ tiŋ n chɛrga kumo to.

Jɛremaya 4:14

Jerusalɛm to ebi, men lara asheŋ lubi men be ŋgbene to nseŋ yige nfɛra lubi be kebaafɛ, saŋɛ na so menyi beeŋ nya kumɔlga.

Ezikɛl 8:12

Ndoŋ nna nɛ Ebɔrɛ kaŋɛ ma le: “Dimɛdi pibi, fo wu kusɔ nɛ Israɛl be benimuana ere bee wora ashiri to nna na, ŋko? Bumo be ekama yil mbe kegbir ase nna na. B yɛ: ‘Enyɛnpe Ebɔrɛ na maa wu anyi. Mo alɛ naŋ lar efuli na kaman nna.’ ”

Ezikɛl 8:9

Nɛ e kaŋɛ ma: “Luri to n ya keni ekishisheŋ nɛ baa wora ndoŋ.”

Matiu 15:19

Ŋkpal manɛ so, esa be kagbene to nɛ nfɛra lubi nɛ a bee shin nɛ e bee mɔ, a ji kubojua nsaa wora kusɔ jigayaso be kanyɛnsha nɛ kachesha bee shi a lar. Ndoŋ nɛ kayu nɛ kafule nɛ basa be atre be kejija bee shi.

Matiu 24:37

Ma, Nyiŋgbasa Pibinyɛn na be keba beeŋ ba kaa du fanɛ kananɛ Nowa be jemanɛ daa du na gbagba nna le chap.

Luuk 17:26

Ma, Nyiŋgbasa Pibinyɛn be jemanɛ beeŋ ba kaa du fanɛ Nowa be jemanɛ na gbagba nna le chap.

Ditɛronɔmi 29:19

Menyi alɛ e baa da so nɛ menyi to be esa kikɛ nɛ e wɔ nfe kabre nsaa nu kɔnɔkoŋwule be ŋkre ere be atande ere maaŋ fɛ fanɛ hale nɛ e wora mbe aparsheŋ gba, asheŋ kraa beeŋ nite nɛnɛ n sa mo. Kumo be loŋ beeŋ tiŋ m mur basa lela nɛ basa lubi kikɛ.

Taites 3:3

Ŋkpal manɛ so, saŋko anyi alɛ gba daŋ wuli nna a kɔ kumuleŋ nɛ ashuŋ lubi. An daa la anyi be eyurana be ayɛlgasɔ nɛ ebel be yiri kikɛ be anya nna. An daa wɔ kayurbesa be nfɛra lubi to nna a kishi beko nɛ beko malɛ daŋ kishi anyi.

1 Pita 3:20

Ayoyu na la basa nɛ b daŋ kini kenu n sa Ebɔrɛ saŋɛ mo nɛ e daŋ ji bumo kanyiti jemanɛ mo nɛ Nowa daa gbir kuloŋgboŋ mo nɛ basa aburwa nawule daŋ luri to n nya kumɔlga ashi nchu na to na.