Jɛnesis 6:2 - EBƆRƐ BE KAWƆL

² Ndoŋ nna nɛ Ebɔrɛso be asɔtoso nyɛnsoana ko wu edimɛdi be bibichesobiana na nɛ bumo be kebita par bumo nɛ b ta bumo nɛ baa sha a kil.

Jɛnesis 6:2 ပူးပေါင်းရင်းမြစ်များ

Jɛnesis 12:11

Mo nɛ mbe eche Sɛɛrai ka ta loŋ n ya kaa taga to Ijipt nɛ e kaŋɛ mo le: “Sɛɛrai, n nyi fo ka walɛ kebita ga.

Jɛnesis 24:3

ashi Enyɛnpe nɛ e la esoso nɛ kasawule so kikɛ be Ebɔrɛ na be ketre to fanɛ fo maaŋ ta eche ashi Keenanebi nɛ n wɔ bumo to nfe ere n sa m pibinyɛn Aizek.

Jɛnesis 26:35

Beche na daŋ shin nɛ kebaawɔtɔ daŋ ki nyaŋgraŋ nna n sa Aizek nɛ mbe eche Rebɛka.

Jɛnesis 27:46

Rebɛka ka malga le ere be kaman nɛ e naŋ kaŋɛ Aizek le: “Ma ere, Hitebi to be mbichebi nɛ Isɔɔ ta ere be asheŋ baŋ lar ma ebɔl nna. Nɛ Jeekɔb malɛ naŋ ta Hitebi ere to be eche ko, kumo ere ŋ ka wu bɔ.”

Jɛnesis 3:6

Kusɔkpaŋ na ka kaŋɛ loŋ na nɛ eche na wu fanɛ kedibi na be asɔrso walɛ kenishiso kashenteŋto nseŋ duli asɔ nɛ a beeŋ baa wɔ ebel, amo alɛ naŋ duli asɔ nɛ esa beeŋ ji nseŋ nya kanyiasheŋ. Nɛ amo be kayɛlga ba mo to nɛ e chuge kedibi na be asɔrso na n ji nseŋ ta n sa mo kul nɛ e daa wɔ mo kutɔ na nɛ mo alɛ gba ji.

Jɛnesis 4:26

Sɛt malɛ ka daŋ nɛ e ta eche ŋ kurge ebinyɛn nseŋ nase mo ketre Inɔsh. Kumo be jemanɛ so nɛ basa fara a shuŋ Enyɛnpe Ebɔrɛ na nsaa bunyaŋ mo.

Jɛnesis 6:1

Basa ka fara a wora keshi kasawule so nɛ b fara a kurge a kurge beche.

Jɛnesis 6:3

Kachako nɛ Enyɛnpetale kaŋɛ: “M maaŋ shin nɛ kiyoyu nɛ n ta n wɔtɔ dimɛdi to na e baa wɔ mo to mbaanaayɔ, ŋkpal manɛ so, e la eyur nɛ ŋklaŋ nna, amoso e beeŋ ji nfɛ kalfa nɛ adunyɔ nawule nna durnya ere to.”

2 Samuɛl 11:2

Kachako kaaseso Deevid ka di ŋ koso nseŋ dii mbe kuchoŋi so e nite a kulti nseŋ keni kaseto n wu kache lela kebita ko ka bee bɛr.

Ɛzra 9:12

Anebiana na daŋ kaŋɛ anyi fanɛ nɛ anyee sha kenu kasawule na be ebel nseŋ ji kumo ŋ ka n yili anyi be kaman to ebi bre, an sa maŋ ta bumo be beche, ŋko ŋ kil bumo be benyɛn. B yɛ anyi alɛ e sa maŋ kaŋ ji bumo keteri, ŋko n shin nɛ b ji eleŋ anyi so.

Job be kawɔl 1:6

Kachako nɛ Ebɔrɛ be emalaika ba shɛr Enyɛnpe Ebɔrɛ na kutɔ ashi ebɔrɛso nɛ Setani gba ba ti bumo so ndoŋ.

Job be kawɔl 31:1

Ma, Job bɔ ntaŋ n nase kɔnɔ fanɛ m maa ba nɛ ŋ keni eche kayɛlga so kikɛ.

Ɛksodɔs 34:16

Men baŋ ta kasawule na so be mbichesobi n sa men be mbinyɛnsobi loŋ be mbichebi nɛ baa bɛ agbir so na beeŋ shin nɛ men be mbinyɛnsobi na gba e shuŋ bumo be agbir na.

Aizaaya 63:16

Fo e la an tuto. K wora fanɛ Eebraham nɛ Jeekɔb nɛ b la an nananyɛnana na maŋ naa nyiŋi anyi be asheŋ. Ama fo, Enyɛnpe Ebɔrɛ nɛ fo la an tuto na e naa kuŋ anyi dra kikɛ hale m ba fo kabre.

Malakai 2:11

Menyi Judaebi na kikɛ maŋ ji kashenteŋ n sa Ebɔrɛ, menyi alɛ nseŋ naŋ wora ekishisheŋ ashi Jerusalɛm nɛ efuli na kikɛ so. Men wora mbushusheŋ a jija bɔrɛlambu nɛ Enyɛnpe Ebɔrɛ bee sha ga na. Men be benyɛn ta beche nɛ baa shuŋ efuli pɔtɛ so be agbir.

Malakai 2:15

Ebɔrɛ maŋ ta menyi nna m ber abar so nɛ men ki kukoŋwule a? Manɛ so nɛ e wora loŋ? E daŋ wora loŋ nna saŋɛ na so menyeeŋ kurge mbia nɛ b la Ebɔrɛ be basa kashenteŋto. Amoso k maŋ daga ekama ka kini mbe eche.

1 Kɔrintebi 7:39

Eche kilpo mo kul baa wɔ ŋkpa to, e maŋ wɔ mbe kumu enyɛn na be kaman, ama nɛ enyɛn na baŋ wu bre e kɔ ekpa nɛ e kil enyɛn kama nɛ e bee sha, ama a daga fanɛ amo be kanyɛn na e baa la Enyɛnpe na peya.

2 Kɔrintebi 6:18

Ma, Enyɛnpetale e naa yɛ menyi na fanɛ meeŋ baa la men tuto nɛ menyi alɛ e baa la ma mbinyɛnsoana nɛ mbichesoana.”

Ditɛronɔmi 14:1

Israɛlebi, menyi ere la Enyɛnpe Ebɔrɛ na be basa nna. Amoso, nɛ menyee shu nli men sa maa ku menyi be eyurana ŋko a she menyi be nsɔto be emin fanɛ kananɛ basa pɔtɛ bee wora na.

2 Pita 2:14

Kesakaleasheŋ e baŋ bɔlɔ bumo be nfɛraana to, bumo alɛ maa wora alubi a gben kikɛ. Bumo e naa fule basa nɛ b maa kra ketɔr a wɔtɔ asheŋ jiga to, bumo alɛ nseŋ naa la kejimuni be bejuŋkparpo. B wɔ Ebɔrɛ be kɔnɔso to nna.

1 Jɔn 2:16

Ŋkpal manɛ so, asɔ nɛ a la durnya ere to be asɔ fanɛ asɔ nɛ dimɛdi be kapɔr lubi ere bee sha nɛ asɔ nɛ basa bee wu nsaa yɛlga nɛ durnya ere to be kamoowusheŋ kikɛ nyam maŋ shi Etuto na kutɔ, a la durnya ere to be asɔ nna.