Jɛnesis 6:17 - EBƆRƐ BE KAWƆL

¹⁷ Lɔŋɛ kuloŋ na, ŋkpal manɛ so, meeŋ shin nɛ bɔrɛ e ba durnya to nɛ nchu e sɔ kaplɛkama n ji kusɔ futeso kikɛ nyam. Kashenteŋto, durnya to be kusɔ kama nyam beeŋ mur.

Jɛnesis 6:17 ပူးပေါင်းရင်းမြစ်များ

Jɛnesis 2:7

Enyɛnpe Ebɔrɛ ka daa shin nɛ e to dimɛdi na, e daŋ ta shishɛr nna ashi kasawule so m pɔr enyɛn nseŋ fute ŋkpa be efute n wɔtɔ mbe kamuna to nɛ enyɛn na ki kusɔ futeso.

Jɛnesis 6:13

Ndoŋ nna nɛ Ebɔrɛ kaŋɛ Nowa le: “Meeŋ mur basa kikɛ nyam durnya ere to, ŋkpal manɛ so, bumo so nɛ kelantokɔ nɛ kebagato sɔ durnya ere kikɛ to na. Kashenteŋto, meeŋ mur bumo nɛ durnya ere kikɛ nyam.

Jɛnesis 6:16

Buu kuloŋ na so nseŋ ya wora kaboŋ ko kumo be esoso fanɛ tokuro na nɛ k fo fanɛ keyadra koŋwule nɛ bargato. Wora kabuna kuloŋ na be kaba koŋwule so nseŋ wora ebuana m bɛ abar so nɛ kuloŋ na e baa kɔ kaseto nɛ nferinto nɛ esoso be mboŋ.

Jɛnesis 6:7

Ndoŋ nna nɛ e kaŋɛ mbe kumu: “Meeŋ mur basa nɛ n to durnya ere to kikɛ nyam, bumo nɛ asɔbɔya nɛ asɔ gbeyeso nɛ mbuibi firgisoana kikɛ nyam, ŋkpal manɛ so, ma kagbene jija ga ŋkpal ŋ ka to dimɛdi nɛ loŋ be asɔ na kikɛ so.”

Jɛnesis 7:15

Asɔ futeso kama to be benyɔnyɔ e daŋ tu Nowa n luri kuloŋgboŋ na to.

Jɛnesis 7:17

Bɔrɛ na daŋ ba loŋ nchɛ adena nɛ nchu sɔ kaplɛkama nsaa dii a yɔ esoso loŋ hale nɛ kuloŋgboŋ na fuga n deŋi amo so.

Jɛnesis 7:4

Ŋkpal manɛ so, nchɛ ashunu be kefɛato meeŋ shin nɛ bɔrɛ e ba kasawule so nchɛ nɛ nnyɛ adena nɛ kusɔ futeso kama nɛ n to durnya ere to e mur cheche.”

Jɛnesis 9:9

“Yili kabre a yɔ, mee nase kɔnɔ nna a sa menyi nɛ men be kanaŋ to ebi

Nshɛ 107:34

nɛ adɔsawule lela ki nsawule wuso a dese, ŋkpal basa nɛ b wɔ ndoŋ be amu kpakpaso so.

Nshɛ 29:10

Enyɛnpe Ebɔrɛ na e naa ji kuwura nchuaana nɛ a wɔ nchiŋ gba so. E bee ji kuwura nna mbaanaayɔ.

Ɛksodɔs 14:17

Meeŋ naŋ shin nɛ Ijiptebi na be ŋgbene e ki kpakpa nɛ b yuu teku na to m bɛ bumo so, saŋɛ na so nɛ n nya kemaŋkura ŋkpal kusɔ nɛ meeŋ wora ewura Fɛɛro nɛ mbe benapo so so.

Aizaaya 51:12

Ade be kaman, nɛ Enyɛnpe Ebɔrɛ naŋ kaŋɛ le: “Ma e naa leŋ menyi to a wushi menyi kagbene. Nɛ manɛ nna nɛ menyee ŋana edimɛdi bomin? B maa chɛr nsaa wu a mur fanɛ afitiri.

Aizaaya 54:9

“Nowa be jemanɛ na, ma Enyɛnpe Ebɔrɛ na daŋ nase kɔnɔ fanɛ m maaŋ naŋ ta nchu m mur durnya. Mee nase kɔnɔ naniere nna fanɛ m maaŋ naŋ nya agbo ŋ gberge menyi kusoe.

Ezikɛl 34:11

Ma, Enyɛnpetale Ebɔrɛ na e naa kaŋɛ menyi na fanɛ ŋ gbagba e naŋ fin ma mbolpɔ nsaa keni bumo so

Ezikɛl 34:20

Amoso, naniere ma Enyɛnpetale Ebɔrɛ na bee kaŋɛ menyi nna fanɛ, meeŋ keni so m barga mbolpɔ nɛ b kɔ eleŋ na ashi bumo nɛ b maŋ kɔ eleŋ na to.

Ezikɛl 5:8

Amoso, ma Enyɛnpetale Ebɔrɛ na e kaŋɛ menyi na fanɛ ŋ ki menyi, Jerusalɛm to be basa, be edoŋ nna na. Meeŋ gberge menyi kusoe nɛ efuliana na kikɛ e wu kumo.

Ezikɛl 6:3

ŋ kaŋɛ: ‘Israɛl be abee, men nu Enyɛnpetale Ebɔrɛ na be kubɔya.’ ” E yɛ: “Ŋ kɔ tokobi nna a ba abee nɛ agoŋgulombi nɛ amantaŋ nɛ ataŋɛ kikɛ so nɛ m ba mur mboŋ nɛ basa bee shuŋ agbirana na.

Hoziya 5:14

Meeŋ kɔ Israɛlebi nɛ Juda be basa fanɛ kananɛ buluŋ bee kɔ na. Ŋ gbagba e naŋ kpɛa bumo to n lɛ. M baa gbeye bumo a yɔ, esa kama maaŋ tiŋ n sɔ bumo.

Levitikɔs 26:28

kumo ere meeŋ nya agbo n wɔtɔ menyi nseŋ shin nɛ menyi be kasogberge e ti so ale shunu so a chɔ adra na.

Eemɔs 9:6

Enyɛnpe Ebɔrɛ pɔr mbe kowu nna ashi ebɔrɛso nɛ kasawule ere malɛ la kumo be gbaltɔlase. E bee gbargbar etekuana be nchu nna, a chulgi a wurge kasawule ere so. Mbe ketre e la Enyɛnpe Ebɔrɛ na!

Matiu 24:39

B daa maŋ nyi kusɔ nɛ k daa shin nɛ k wora pɔɛŋ nɛ nchugboŋ na ba mur bumo kikɛ nyam. To, loŋ gbagba be kebaawɔtɔ nɛ basa beeŋ baa kɔ kachɛ nɛ ma, Nyiŋgbasa Pibinyɛn na beeŋ ba na.

Luuk 17:27

Basa daa wɔtɔ nna a ji a nuu nɛ benyɛn bee ta beche nɛ beche malɛ bee yɔ kakil to hale loŋ nɛ kachako nɛ Nowa ya luri ekuloŋgboŋ na to nɛ nchugboŋ na ba mur bumo kikɛ nyam.

Romebi 5:21

Amoso, kananɛ alubi baŋ bɔla luwu so ŋ ŋini amo be eleŋ na, loŋ koŋwule na nɛ Ebɔrɛ be kuwɔr be kakɛ na bee bɔla alelasheŋ so a ŋini kumo be eleŋ m bɔla an Nyɛnpe Yesu Kristo so a kɔ anyi a yɔ ŋkpa nɛ k maŋ kɔ ekar to.

Romebi 6:23

Ŋkpal manɛ so, asheŋ lubi be kakɔka e la luwu, ama Ebɔrɛ be kagbene koŋwuleso be kakɛ e la ŋkpa nɛ k maŋ kɔ ekar na ashi an Nyɛnpe Yesu Kristo to.

Ditɛronɔmi 32:39

N nawule kpeŋ e la Ebɔrɛ. Ebɔrɛ kikɛ maŋ naa wɔtɔ n ti ma so. Ma e naa shin nɛ luwu bee ba, ma koŋwule na e naa sa ŋkpa. Ma e naa bar doro, ma alɛ e naa chɛ edoro. Esa maaŋ tiŋ ŋ kuŋ kusɔ kama nɛ mee wora akpa.

Hibruwebi 11:7

Yirda so nɛ Nowa daŋ nu Ebɔrɛ be kɔnɔ a yɛ asheŋ nɛ a daa beeŋ ba kachako so nɛ esa maŋ naŋ wu na. Ebɔrɛ ka daŋ kaŋɛ loŋ na e daŋ nu n sa mo nseŋ gbir kuloŋgboŋ nɛ mo nɛ mbe kanaŋ luri m mɔlga bumo be amu. Ŋkpal loŋ na so durnyaebi daa maŋ nya kashenteŋ, kumo be kaman nɛ e nya yirda be tɔnɔ, kumo e la fanɛ e ki elelapo Ebɔrɛ be anishito.

1 Pita 3:20

Ayoyu na la basa nɛ b daŋ kini kenu n sa Ebɔrɛ saŋɛ mo nɛ e daŋ ji bumo kanyiti jemanɛ mo nɛ Nowa daa gbir kuloŋgboŋ mo nɛ basa aburwa nawule daŋ luri to n nya kumɔlga ashi nchu na to na.

2 Pita 2:5

ŋko nɛ e daa maŋ yige saŋɛ na be durnyaebi nseŋ daŋ bar nchu m ba sɔ durnya kikɛ nɛ kumo to be basa lubi mur nseŋ daŋ lara Nowa nɛ e daa la Ebɔrɛ be anishito be alelashemmalgapo na nɛ basa ashunu ko na, e beeŋ yige le be beŋinipo fɛpoana ere a?