Jɛnesis 6:11 - EBƆRƐ BE KAWƆL

¹¹ Ebɔrɛ daŋ wu fanɛ alubi daŋ sɔ durnya kikɛ to nna nɛ asheŋ lubi chase kaplɛkama.

Jɛnesis 6:11 ပူးပေါင်းရင်းမြစ်များ

Jɛnesis 10:9

E daa la ekpampogboŋ nna Enyɛnpetale Ebɔrɛ na be anishito, amoso nɛ b daa kaŋɛ le na: “Baa la ekpampogboŋ Enyɛnpetale Ebɔrɛ be anishito fanɛ Nimrod.”

Jɛnesis 13:13

Sodɔmebi malɛ daa la dalubiwuraana nna nseŋ daa wora alubi ga a gbiti Enyɛnpe Ebɔrɛ na.

Jɛnesis 6:10

Nowa daa kɔ bibinyɛnsobi asa nna nɛ baa tre bumo Shɛm nɛ Ham nɛ Jafɛf.

Jɛnesis 7:1

Ndoŋ nna nɛ Enyɛnpe na kaŋɛ Nowa le: “Fo nɛ fo kanaŋ kikɛ e luri kuloŋgboŋ na to, ŋkpal manɛ so, n wu fanɛ fo jemanɛ ere so ebi to fo e la esa nɛ e niŋi ma anishito.

2 Kronikɛls 34:27

nseŋ chɛrga fo nfɛra m bar fo kumu kaseto ŋ kpɛa fo asɔbuuso to kagbenejijaso a shu ŋkpal ŋ ka kaŋɛ fanɛ meeŋ gberge Juda be basa kusoe so. N nu fo kabɔrɛkule,

Nshɛ 11:5

Enyɛnpe Ebɔrɛ na bee wora basa lela nna a keni. Ama e kishi kumu kpakpasowuraana nɛ baa sha alubi be kebaawora nsaa maa wu kuwɔr na nna.

Nshɛ 140:11

Sa maŋ shin nɛ basa nɛ baa ku asheŋ a deŋi beko e nya kusɔ nɛ baa sha kasawule ere so kikɛ. Shin nɛ asheŋ lubi e ba basa nyaŋnyaŋso so m mur bumo cheche.

Nshɛ 55:9

Enyɛnpe Ebɔrɛ, shin nɛ ma doŋana e wulto to. Jija bumo be ŋkre kikɛ. Kumukpakpaso nɛ kebaamaashu basa so nawule nɛ mee wu, ashi kadegboŋ na to.

Ɛksodɔs 32:7

Ndoŋ nna nɛ Enyɛnpe Ebɔrɛ kaŋɛ Mosis: “Gbelge to manaŋ n yɔ, ŋkpal manɛ so, fo basa nɛ fo keta n lar Ijipt be kasawule so na wora kulubi m pal kaman n sa ma.

Aizaaya 60:18

Esa maaŋ naŋ nu nlu kikɛ be asheŋ efuli na so. Menyi be efuli na malɛ maaŋ naŋ mur kikɛ. Meeŋ baa kuŋ menyi ekpa kama so fanɛ egbal na. Saŋɛ na so menyi be basa beeŋ baa kpaŋ ma ŋkpal ŋ ka mɔlga bumo so.

Jɛremaya 6:7

Kananɛ ketirbu bee bul nchu na, aloŋ nɛ kulubi bee bul ashi Jerusalɛm to. Mee nu basa ka ta akɔsɔ a kɔ abar nseŋ naŋ nu kemur be asheŋ. N wu basa nɛ b doro na ka dese kaplɛkama ashi kadegboŋ na to.

Ezikɛl 28:16

Fo daŋ pere kenishi nna n wɔtɔ yawu be keji to nɛ k shin nɛ fo luri keŋkenshi nɛ alubi be kebaawɔtɔ to. Amoso nɛ n tintiŋ fo nɛ fo lar ma kebee cheembi na so nɛ malaika nɛ e daa kuŋ fo na ju fo ashi ajembu nyɛkpɛso na so na.

Ezikɛl 8:17

Nɛ Enyɛnpe Ebɔrɛ na kaŋɛ ma: “Dimɛdi pibi, fo wu kede a? Fo tama fanɛ k la kusɔ fɔmbi nna fanɛ Juda be basa ere kaa beeŋ baa wora asheŋ lubi lubi ere ashi nfe a? A daga fanɛ b baa ta akɔsɔ a kɔ a fin bumo be kepar tintiŋ so kaplɛkama a wora asheŋ nɛ a bee wɔtɔ ma agbo to jemanɛ kikɛ a? Keni kananɛ b ŋaba ma nsaa tege ma ekpa nɛ esa kikɛ maŋ naŋ ŋaba ŋko n tege ma loŋ.

Habakuk 1:2

O, Enyɛnpe Ebɔrɛ, ale afanɛ bre nɛ meeŋ kule fo pɔɛŋ nɛ fo nu nseŋ mɔlga ma ashi basa nɛ baa nyaŋɛto a wɔtɔ basa na be enɔ to?

Habakuk 2:17

Men ku Lebanɔn be kupo to be ndibi n lɛ, naniere baaŋ ku menyi alɛ gba n lɛ. Men mɔ kumo to be asɔbɔya kikɛ nɛ naniere asɔbɔya bee funti menyi. Ŋkpal basa damta nɛ men mɔ nɛ nsawule nɛ ndegboŋana nɛ men mur durnya ere to so nɛ asheŋ ere beeŋ ba menyi so.

Habakuk 2:8

Men ta eleŋsheŋ n suge efuli damtaana be basa be asɔ nseŋ m mɔ bumo be basa. Ama naniere bumo be basa nɛ b ji efute gba beeŋ ta eleŋsheŋ n suge menyi be asɔ ŋkpal basa damta nɛ men mɔ nɛ nsawule nɛ ndegboŋana nɛ men mur durnya ere to so.

Luuk 1:6

Bumo benyɔ kikɛ daa bɛ Enyɛnpe be mbraana na nɛ mbe asheŋ ŋinisoana na kikɛ so nna nɛnɛ a maa foe ekpa kikɛ nsaa wɔ kebaawɔtɔ cheembi nɛ k bee par Ebɔrɛ to.

Romebi 2:13

Ŋkpal manɛ so, mannɛ basa nɛ baa nu mbra na nɛ Ebɔrɛ bee nase kumo fanɛ b la belelapo mbe anishito, bumo nɛ baa wora kusɔ nɛ mbra na bee kaŋɛ na nɛ Ebɔrɛ beeŋ ba nase kumo fanɛ b la belelapo.

Romebi 3:19

Ama an nyi fanɛ kusɔ kama nɛ mbra na bee kaŋɛ, basa nɛ b wɔ kumo to na to nɛ k de, saŋɛ na so esa kikɛ maaŋ nya kɔnɔ m bugi. Loŋ malɛ e naaŋ shin nɛ Ebɔrɛ e ji durnya kikɛ demu.

Ditɛronɔmi 31:29

Ade be kaman n nyi fanɛ ma luwu be kaman, basa na be amu beeŋ ki kpakpa nɛ b kini kusɔ nɛ ŋ ŋini bumo ere n lɛ nseŋ kini kewora Enyɛnpe Ebɔrɛ na kasonu. Kumo be loŋ malɛ beeŋ shin nɛ Enyɛnpe Ebɔrɛ na e nya agbo n wora bumo n shin nɛ kumu lubi gboŋgboŋi e ba bumo so.”

Demujipoana 2:19

Ama nɛ ejuŋkparpo na baŋ wu b naa bɛta nna a yɔ asheŋ alubi nɛ a chɔ amo nɛ bumo tutoana daa wora na gba to. Kumo e la fanɛ baa bɛ agbirana so nna a shuŋ amo nsaa kini kelar bumo be asheŋ jiga to.