Jɛnesis 50:5 - EBƆRƐ BE KAWƆL

⁵ Men kaŋɛ mo fanɛ n tuto ka daa shin nɛ e wu, e daŋ shin nna nɛ n nase kɔnɔ n sa mo fanɛ nɛ e kaŋ wu, meeŋ ya puli mo nchaŋ nɛ e wora n nase Keenan na to. Amoso e jande, e sa ma ekpa nɛ n yɔ ndoŋ n ya puli mo nseŋ naa ba.”

Jɛnesis 50:5 ပူးပေါင်းရင်းမြစ်များ

Jɛnesis 3:19

Kashenteŋto feeŋ baa nyɛa kebleŋ damta nna pɔɛŋ nsaa ji, hale loŋ nɛ fo naŋ ya bɛta n yɔ shishɛr to, ŋkpal manɛ so, shishɛr na nɛ b ta n pɔr fo. Fo la shishɛr nna, amo alɛ to nɛ feeŋ naŋ bɛta n yɔ.”

Jɛnesis 48:21

Kumo be kaman nɛ Jeekɔb kaŋɛ Josɛf: “M maaŋ naŋ chɛr nseŋ wu, ama Ebɔrɛ beeŋ baa wɔ menyi kutɔ n naŋ yɛr menyi men nananyɛnana be kasawule so.

Jɛnesis 50:24

Kachako nɛ e kaŋɛ mo daana na le: “To, k maaŋ naŋ chɛr ko nɛ n wu, ama abaanaaworasheŋ Ebɔrɛ maaŋ yige menyi n to, e beeŋ keni menyi so nseŋ juŋkpar menyi, n lara menyi kasawule ere so n ta menyi n yɔ kakpa nɛ e daŋ nase kɔnɔ n sa Eebraham nɛ Aizek nɛ Jeekɔb fanɛ e beeŋ sa na.”

Jɛnesis 50:4

Keeliwora na be jemanɛ ka choŋ nɛ Josɛf kaŋɛ ewura Fɛɛro be benimu le: “Nɛ menyee sha ma asheŋ, men ta le be kubɔya ere n ya sa ewura n sa ma.

Jɛnesis 50:6

Ndoŋ nna nɛ ewura Fɛɛro kaŋɛ mo: “Bɛ kɔnɔ nɛ fo nase na so n ya puli fo tuto.”

2 Kronikɛls 16:14

nɛ b ta mo n ya puli mo gbagba be kejembu laŋ be nchaŋ nɛ e shin nɛ b kur n nase mo ashi Jerusalɛm nɛ k wɔ Ewura Deevid be kade to na to. B daŋ ta efɛa belbelso be duwu nna nɛ etulale be ŋkuana n ya gbiti mbe kebuni pɔɛŋ n ta mo m puli, nseŋ puga edɛgboŋ mbe keelibuna n shu mbe keeli bunyanso.

Job be kawɔl 30:23

K maaŋ chɛr e beeŋ shin nɛ n wu n yɔ bubuni to, kakpa nɛ ekama beeŋ yɔ kachako na.

Nshɛ 79:3

B chulgi ŋklaŋ n wurge nɛ e bee shile fanɛ nchu ashi Jerusalɛm to. Esa kikɛ maŋ wɔtɔ nɛ e puli bubuni na.

Kaŋinichiŋgeliŋ 12:5

Feeŋ baa ŋana kedii kakpa jeŋgreŋ ŋko a nite ekpaana to be mboŋ nɛ e bee keta kufu. Fo emin beeŋ kilgi n fuli nɛ enite gba e baa nu fo; shɛŋ malɛ maaŋ naa yɛlga fo. Loŋ be jemanɛ na bee ŋini fanɛ anyi be ekama bee yɔ epe nɛ k wɔtɔ mbaanaayɔ na nna, nɛ basa e sɔ abɔrbi so a shu nli.

Kaŋinichiŋgeliŋ 12:7

Anyi be eyurana ere beeŋ bɛta n yɔ shishɛr nɛ a shi to na to, nɛ Kiyoyu nɛ e bee sa anyi ŋkpa nɛ efute na malɛ e bɛta n yɔ Ebɔrɛ nɛ e ta mo n wɔtɔ anyi to na kutɔ.

Kaŋinichiŋgeliŋ 6:3

Esa beeŋ tiŋ a kɔ mbia kalfa nseŋ chɛr kasawule ere so ga, ama k maŋ tir nfɛ afanɛ nɛ e ji durnya ere to, e baa maŋ nya kagbenefuli ŋko kupuli lela mbe kaluwuachɛ kumo ere kebia nɛ b kurge nɛ e laŋɛ gba bɔ mo.

Aizaaya 22:16

“Wanɛ nɛ fee fɛ fanɛ fo la? Manɛ e ba nɛ fo kur fo nchaŋ n nase kakpa nɛ baa puli bewura?

Matiu 27:60

nseŋ ta mo n nase mo gbagba be kejembulaŋ nɛ e daŋ shin nɛ b kur kumo nchaŋ popɔr n nase to. E ka loge nɛ e gbelti kejembu gboŋgboŋi ko n ti nchaŋ na be kɔnɔ so nseŋ choŋ.

Ditɛronɔmi 4:22

Ma ere beeŋ wu kasawule ere so nfe nsaa maaŋ nya n dii lɔr na kikɛ, ama menyi ere beeŋ dii kumo n ya sɔ kasawule lela na n chena so.

1 Samuɛl 14:43

Nɛ Sɔɔl Kaŋɛ Jonatan le: “Kaŋɛ ma kusɔ nɛ fo wora.” Nɛ Jonatan yɛ: “N ta ma kekpabi nna n nyɔ mushoŋ to gbrɛbi n ji; nɛ kumo so nɛ k daga fanɛ n wu bre, kumo ere ma nde.”