Jɛnesis 50:25 - EBƆRƐ BE KAWƆL

²⁵ Kede be kaman nɛ Josɛf kaŋɛ mo daana na le: “Ama, men nase kɔnɔ n sa ma fanɛ ŋ kaŋ wu nɛ Ebɔrɛ lara menyi nfe, menyeeŋ ta ma eyur n ti so n yɔ.”

Jɛnesis 50:25 ပူးပေါင်းရင်းမြစ်များ

Jɛnesis 50:5

Men kaŋɛ mo fanɛ n tuto ka daa shin nɛ e wu, e daŋ shin nna nɛ n nase kɔnɔ n sa mo fanɛ nɛ e kaŋ wu, meeŋ ya puli mo nchaŋ nɛ e wora n nase Keenan na to. Amoso e jande, e sa ma ekpa nɛ n yɔ ndoŋ n ya puli mo nseŋ naa ba.”

Ɛksodɔs 13:18

Amoso Ebɔrɛ daŋ juŋkpar bumo nna ŋ gelge m bɔla teku peper na be kaba so ashi keshishɛrsawule ko so. Israɛlebi na daŋ wora kena be shiriya nna pɔɛŋ nseŋ lar Ijipt.

Ɛksodɔs 13:19

B ka daa lar Ijipt be kasawule so na Mosis muu Josɛf be awibi nna, ŋkpal Josɛf ka daŋ shin nɛ Jeekɔb be mbia nase kɔnɔ n sa mo pɔɛŋ nɛ e wu so. Le nɛ e daŋ kaŋɛ bumo: “Abaanaaworasheŋ Ebɔrɛ beeŋ ba mɔlga menyi kachako. Nɛ mo alɛ kaŋ mɔlga menyi, men ta ma kebuni be awibi n ti menyi be amu so n lar Ijipt.”

Ɛksodɔs 3:17

Ma alɛ yili kumo fanɛ meeŋ lara menyi ashi tɔrɔ nɛ menyee ji ashi Ijipt be efuli so na to n yɔ Keenanebi nɛ Hitebi nɛ Amɔriebi nɛ Pɛrizebi nɛ Hivebi nɛ Jebusiebi be nsawuleana so. Loŋ be nsawule na e kɔ kanya alegaiso nsaa wora ajibi nɛnɛ.”

Ɛksodɔs 3:8

Ŋkpal loŋ so, nɛ ŋ gbelge m ba nɛ m ba mɔlga bumo ashi Ijiptebi na be enɔ to nseŋ lara bumo ashi Ijipt be kasawule so n yɛr bumo kasawule lela nɛ k shi so. Kasawule mo nɛ k kɔ kanya alegaiso nsaa wora ajibi nɛnɛ. Loŋ be kasawule na so nɛ Keenanebi nɛ Hitebi nɛ Amɔriebi nɛ Pɛrizebi nɛ Hivebi nɛ Jebusiebi tase so na.

Ashuŋ Shunso 7:16

nɛ b ta bumo n yɔ Shɛkɛm n ya puli kebeelaŋ ko nɛ Eebraham daŋ tɔ ashi Hamɔ be kanaŋ to ebi kutɔ na to.

Hibruwebi 11:22

Yirda so nɛ Josɛf daa shin nɛ e wu nseŋ daŋ malga Israɛlebi be kelar Ijipt to be asheŋ nseŋ kaŋɛ kusɔ nɛ baaŋ ta mbe kebuni n wora na be asheŋ.

Joshuwa 24:32

Kasawule nɛ Jeekɔb daŋ tɔ Shɛchem pibi Hamɔn be mbia kutɔ gbiti be ndarbi kalfa na so nɛ Israɛlebi na daŋ ta Josɛf be awibi ashi Ijipt m ba puli. Josɛf be kanaŋ to ebi e naa ji kasawule na be kapetɛ.

Ruf be kawɔl 1:6

E wɔ Mowab nna nseŋ nu fanɛ Enyɛnpe Ebɔrɛ na wora mo ere Enyɛnpe Ebɔrɛ na be basa kechɛto n sa bumo ajibi. Nawomi ka nu loŋ na nɛ mo nɛ mo shacheana na bela ase nɛ b kaa Mowab m bɛta n yɔ Nawomi be efuli so.