Jɛnesis 50:19 - EBƆRƐ BE KAWƆL

¹⁹ Ndoŋ nna nɛ Josɛf kaŋɛ bumo: “Men sa maa lɔ kufu, mannɛ ma e la Ebɔrɛ.

Jɛnesis 50:19 ပူးပေါင်းရင်းမြစ်များ

Jɛnesis 30:2

Ndoŋ nna nɛ Jeekɔb nya agbo n wora Reechel nseŋ bishi mo: “N la Ebɔrɛ nna a? Mo nawule e naŋ teŋ shin nɛ fo kurge, mannɛ ma.”

Jɛnesis 45:5

Men sa maŋ shin nɛ men be ŋgbene e jija menyi. Menyi alɛ e sa maŋ nya agbo n wora men be amu ŋkpal men ka daŋ fa ma so so, ŋkpal manɛ so, basa be kenya ŋkpa so e shin nɛ Ebɔrɛ juŋkpar n shuŋi ma nfe.

Jɛnesis 50:18

Ama kubɔya na be kaman, mo daana na gba daŋ naŋ ba mo kutɔ nna m ba gbir mbe anishito ŋ kurgi amu n yuu to ŋ kaŋɛ mo: “Anyi, fo anya nde!”

Jɛnesis 50:20

Menyi ere daŋ kre ma kulubi nna, ama Ebɔrɛ malɛ ta kumo ŋ ki kelela, saŋɛ na so e beeŋ sɔ basa damta nɛ b wɔ ŋkpa to kabre ere n yige ŋkpal kusɔ nɛ k daŋ wora na so.

2 Bewura 5:7

Israɛl be ewura na ka kraŋ kawɔl na nɛ mbe aba pɔ mo nɛ kufu pɛ mo ŋkpal Siriya be benapo na be eleŋ nɛ b kɔ so nɛ e kpɛa mbe asɔbuuso to m ponte ŋ kaŋɛ le: “A ji nuso nɛ Siriya be ewura na kaŋɛ fanɛ kanyɛn ere e ba ŋ kutɔ nɛ n chɛ mbe keboti? E bee fɛ fanɛ n la Ebɔrɛ nna nsaa kɔ luwu nɛ ŋkpa be eleŋ a? Naniere bre k baŋ fuli geeŋ nna fanɛ kolu nɛ e bee sha ma!”

Matiu 14:27

Epul na to nɛ Yesu malga bumo kutɔ ŋ kaŋɛ: “Men keta kagbene, ma nna. Men sa maa lɔ kufu.”

Romebi 12:19

Beshapo, men sa maa wora a tal basa nɛ baa wora menyi to, men shin nɛ Ebɔrɛ be agbo e baa shuŋ loŋ be kushuŋ a sa menyi fanɛ kananɛ abɔrɛsibɛ na bee kaŋɛ fanɛ Enyɛnpe bee kaŋɛ le na: “Keka esa be kulubi kukɔ la ma asheŋ nna. Ma, Enyɛnpe na e naaŋ ka esa be kulubi kukɔ nɛ kumo be ekpa so.”

Ditɛronɔmi 32:35

Enyɛnpe Ebɔrɛ na beeŋ sɔ bumo be kɔnɔ so ŋ gberge bumo doŋana na kusoe. Jemanɛ na kaŋ fo baaŋ fɛrge n tɔr; bumo be kemur be kachɛ taga to nna na.

Hibruwebi 10:30

Ŋkpal manɛ so, an kikɛ nyi esa nɛ e daŋ kaŋɛ le na fanɛ: “Keka esa be kulubi la ma asheŋ nna. Ma, Enyɛnpe na e naaŋ ka esa be kulubi nɛ kumo be ekpa so.” Anyi alɛ nseŋ naa nyi esa nɛ e kaŋɛ le na gba: “Enyɛnpe beeŋ gberge mbe basa kusoe.”