Jɛnesis 50:10 - EBƆRƐ BE KAWƆL

¹⁰ B daŋ ta loŋ m ba fo Atad nɛ k wɔ Jɔɔdan be epeŋipetekpa be kugooro nɛ b daa bri asɔ ndoŋ na m ba shu awɔrso ndoŋ ga nɛ Josɛf ta bɔkwe n wora keeliwora be edaŋkaresheŋ ndoŋ.

Jɛnesis 50:10 ပူးပေါင်းရင်းမြစ်များ

Jɛnesis 27:41

Ndoŋ nna nɛ Isɔɔ fara a kishi Jeekɔb ŋkpal nɛfa nɛ mo tuto daŋ sa mo na so nseŋ fɛ mbe kumu to le: “K maaŋ naŋ chɛr nɛ n tuto e wu nɛ an shu mbe keeli. Keeli na be kaman meeŋ mɔ n sipo Jeekɔb.”

Jɛnesis 50:11

Keenanebi nɛ b daa wɔ Atad na ka wu basa na kikɛ ka wɔ Atad be kakpa chela asɔ na ka bee shu nɛ b kaŋɛ le: “Ijiptebi ere be keeli ere la keeligboŋ nna!” Amoso nɛ b daŋ nase ndoŋ ketre Ebel Mizrayim na.

Jɛnesis 50:3

Loŋ malɛ be kesheŋ wora na daa ta nchɛ adena nna, amoso nchɛ adena na nɛ basa na daŋ ta n wora loŋ. Ndoŋ nna nɛ Ijiptebi na shu Jeekɔb be keeli nchɛ adushunu.

Jɛnesis 50:4

Keeliwora na be jemanɛ ka choŋ nɛ Josɛf kaŋɛ ewura Fɛɛro be benimu le: “Nɛ menyee sha ma asheŋ, men ta le be kubɔya ere n ya sa ewura n sa ma.

Jɛnesis 50:9

Basa nɛ b daŋ tu mo n yɔ na to be beko daa wɔ egbaŋɛturko to nna nɛ bede dii egbaŋɛ. Kashenteŋto jimaŋ damta e daa la bumo.

2 Samuɛl 1:17

Nɛ Deevid kpal Sɔɔl nɛ mo pibinyɛn Jonatan so n shu keeli ŋ karga awɔba.

2 Samuɛl 11:26

Bɛshiba ka nu fanɛ mo kul wu, nɛ e shu mbe keeli ga.

1 Kronikɛls 10:12

nɛ bumo be basa nɛ b kɔ kenyɛn ga na koso n ya ta Sɔɔl nɛ mbe mbinyɛnsobi na be kebuni n yɔ Jabesh n ya puli kedibi gboŋgboŋi ko be kifito, nseŋ kishi nchɛ ashunu a ŋini kananɛ bumo be ŋgbene daŋ jija bumo.

Job be kawɔl 2:13

Kumo be kaman nɛ b ya tu Job n chena kasawule nchɛ ashunu nɛ nnyɛ ashunu nɛ ekama maa bugi kɔnɔ a kaŋɛ shɛŋ, ŋkpal awurfoŋ gboŋgboŋi nɛ b wu e ka bee ji so.

Kaŋinichiŋgeliŋ 12:5

Feeŋ baa ŋana kedii kakpa jeŋgreŋ ŋko a nite ekpaana to be mboŋ nɛ e bee keta kufu. Fo emin beeŋ kilgi n fuli nɛ enite gba e baa nu fo; shɛŋ malɛ maaŋ naa yɛlga fo. Loŋ be jemanɛ na bee ŋini fanɛ anyi be ekama bee yɔ epe nɛ k wɔtɔ mbaanaayɔ na nna, nɛ basa e sɔ abɔrbi so a shu nli.

Nɔmbɛs 19:11

Esa kama nɛ e beta ebuni maaŋ baa walɛ so daŋkare be ekpa so nchɛnshunu.

Nɔmbɛs 20:29

Basa na kikɛ ka nu fanɛ Ɛɛrɔn wu, nɛ b shu mbe keeli nchɛ adesa.

Ashuŋ Shunso 8:2

Ebɔrɛ be bebɛsopo ko e daŋ puli Stiven nseŋ boŋ to n shu mbe keeli ga.

Ditɛronɔmi 1:1

Mosis be mmalga nɛ e daŋ malga n sa Israɛl be basa jemanɛ nɛ b daa wɔ keshishɛrsawule so ashi lɔr nɛ baa tre Jɔɔdan na be epeŋilarkpa be kaba so na e wɔ kawɔl ere to na. B daa wɔ Jɔɔdan be ketaŋɛ nɛ k mata kade nɛ baa tre Suuf nɛ k dese kade nɛ baa tre Paran na nɛ nde nɛ baa tre Tofɛl nɛ Laban nɛ Hazerɔf nɛ Dizahab na be kefɛato nna.

Ditɛronɔmi 34:8

Nchɛ adesa nɛ Israɛl be basa daŋ shu Mosis be keeli bumo be daŋkare be ekpa so ashi Mowab be kasawule so.

1 Samuɛl 31:13

Kumo be kaman nɛ b ta bumo be awibi n ya puli kedibi fimbi nɛ baa tre tamariski na be kifito nseŋ kishi nchɛ ashunu kikɛ a ŋini kananɛ bumo be ŋgbene jija bumo.