Jɛnesis 5:5 - EBƆRƐ BE KAWƆL

⁵ Nfɛ nɛ Adam daŋ ji durnya to kikɛ nseŋ wu daa wɔ nfɛ alfa akpanu nɛ adesa nna.

Jɛnesis 5:5 ပူးပေါင်းရင်းမြစ်များ

Jɛnesis 3:19

Kashenteŋto feeŋ baa nyɛa kebleŋ damta nna pɔɛŋ nsaa ji, hale loŋ nɛ fo naŋ ya bɛta n yɔ shishɛr to, ŋkpal manɛ so, shishɛr na nɛ b ta n pɔr fo. Fo la shishɛr nna, amo alɛ to nɛ feeŋ naŋ bɛta n yɔ.”

Jɛnesis 5:11

Nfɛ nɛ Inɔsh daŋ ji durnya to kikɛ nseŋ wu daa wɔ alfa akpanu nɛ anu.

Jɛnesis 5:4

B ka kurge Sɛt be kaman nɛ Adam naŋ ji nfɛ alfa aburwa durnya to n nya bibinyɛnsobi nɛ becheso n ti mo so pɔɛŋ nseŋ wu.

Jɛnesis 5:6

Sɛt malɛ ka fo nfɛ kalfa nɛ anu nɛ e kurge Inɔsh.

Jɛnesis 5:8

Nfɛ nɛ Sɛt daŋ ji durnya to kikɛ pɔɛŋ nseŋ wu daa wɔ nfɛ alfa akpanu nɛ kuduanyɔ.

2 Samuɛl 14:14

Anyi kikɛ nyam beeŋ wu, ŋkpal manɛ so an du fanɛ nchu nɛ b chulgi n lɛ kasawule nɛ a maŋ naa kɔ kemuu nna. Hale nɛ Ebɔrɛ maa shin nɛ bubuni bee bɛta e ba ŋkpa to gba, fo nɛ fo la ewura ere bre beeŋ tiŋ n shin nɛ esa nɛ e shile fo efuli so n yɔ kuko to e naŋ bɛta m ba.

1 Kronikɛls 1:1

Adam pibi e daa la Sɛf nɛ Sɛf malɛ pibi daa la Inɔsh nɛ Inɔsh malɛ pibi daa la Keenan,

Job be kawɔl 30:23

K maaŋ chɛr e beeŋ shin nɛ n wu n yɔ bubuni to, kakpa nɛ ekama beeŋ yɔ kachako na.

Nshɛ 89:48

Dimɛdi kikɛ maaŋ tiŋ n suge mbe kumu ashi luwu nɛ nchaŋ be eleŋana to.

Nshɛ 90:10

Nfɛ nɛ anyee ji kikɛ la nfɛ adushunu nna, nɛ an baa kɔ eleŋ malɛ nɛ an ji nfɛ aduburwa; Ama etɔrɔ wurbi nɛ kagbenejija damta e wɔ amo to, ŋkpal manɛ so, a maa chɛr nsaa choŋ fanɛ afu.

Kaŋinichiŋgeliŋ 12:5

Feeŋ baa ŋana kedii kakpa jeŋgreŋ ŋko a nite ekpaana to be mboŋ nɛ e bee keta kufu. Fo emin beeŋ kilgi n fuli nɛ enite gba e baa nu fo; shɛŋ malɛ maaŋ naa yɛlga fo. Loŋ be jemanɛ na bee ŋini fanɛ anyi be ekama bee yɔ epe nɛ k wɔtɔ mbaanaayɔ na nna, nɛ basa e sɔ abɔrbi so a shu nli.

Kaŋinichiŋgeliŋ 12:7

Anyi be eyurana ere beeŋ bɛta n yɔ shishɛr nɛ a shi to na to, nɛ Kiyoyu nɛ e bee sa anyi ŋkpa nɛ efute na malɛ e bɛta n yɔ Ebɔrɛ nɛ e ta mo n wɔtɔ anyi to na kutɔ.

Kaŋinichiŋgeliŋ 9:5

Kashenteŋto, basa nɛ b wɔ ŋkpa to nyi b ka beeŋ wu, ama basa nɛ b wu bre maŋ naa nyi shɛŋ. Kusɔ lela kikɛ maŋ naa wɔtɔ n sa bumo; bumo ere choŋ nna na, nɛ b teŋ bumo so.

Kaŋinichiŋgeliŋ 9:8

Baa buu asɔ fuful jemanɛ kikɛ nsaa saŋɛ kenishito a wora asheŋ kagbenefuliso

Ezikɛl 18:4

Dimɛdi kikɛ be ŋkpa bɔɔ ma enɔ nna, bekurgepo nɛ bumo be mbia kikɛ. Amoso, esa nɛ e wora kulubi e naaŋ wu kumo be luwu.

Ditɛronɔmi 30:20

Men baa sha Enyɛnpe menyi be Ebɔrɛ na a wora mo kasonu nsaa ji kashenteŋ a sa mo nɛ menyi nɛ men be kaman to ebi e chena kasawule nɛ e nase kumo be kɔnɔ n sa men nananyɛnana, Eebraham nɛ Aizek nɛ Jeekɔb, na so n chɛr.”

Hibruwebi 9:27

Ebɔrɛ malɛ yili kumo nna fanɛ a daga fanɛ basa kikɛ ka wu kela koŋwule nɛ luwu na be kaman nɛ demu be keji malɛ e ba bumo so.