Jɛnesis 49:8 - EBƆRƐ BE KAWƆL

⁸ Juda, fo sipoana nɛ fo daana beeŋ chɔrɔ fo. Feeŋ pɔɔ fo doŋana so. Fo sipoana nɛ fo daana beeŋ jɔŋɛ fo ase.

Jɛnesis 49:8 ပူးပေါင်းရင်းမြစ်များ

Jɛnesis 27:29

Ebɔrɛ e shin nɛ efuli pɔtɛana be basa e ba kaa bunyaŋ fo nɛ basa be nnanto e baa gbir fo kumuli. Baa la fo sipoana kikɛ be ewura n shin nɛ fo nio be bibinyɛn kikɛ e ba kaa gbir fo kumuli. Ebɔrɛ e shin nɛ bekama nɛ baaŋ sho fo kɔnɔ e nya kɔnɔsho nɛ bekama malɛ nɛ b nɛfa fo e nya nɛfa.”

Jɛnesis 29:35

Kede be kaman nɛ Lia naŋ di kedampo ŋ kurge ebinyɛn nseŋ kaŋɛ: “Kede bre to meeŋ di Enyɛnpe na epaŋ.” Amoso ketre nɛ e daŋ sa kebia na e daa la Juda.

Jɛnesis 42:6

To, jemanɛ na so malɛ nɛ Josɛf e daa la Ijipt be kasawule na so be gomena. Mo e daa fa ajibi na a sa kasawule na so ebi kikɛ. Amoso mo daana na ka fo Ijipt, b daŋ jɔŋɛ mo ase nna ŋ kurgi amu n yuu to bunyanso.

Jɛnesis 46:12

Juda malɛ e daŋ naŋ bɛ so nɛ mbe mbia be atre daa ji: Ɛr nɛ Onan nɛ Shela nɛ Pɛrɛs nɛ Zɛra. Ɛr nɛ Onan bre daŋ wu Keenan be kasawule so nna. Pɛrɛs malɛ be mbia daa la Hɛzrɔn nɛ Hamul.

2 Samuɛl 22:41

Fo e naa shin nɛ ma doŋana bee shile nɛ ma alɛ bee mɔ bekama nɛ b kishi ma na kikɛ.

2 Samuɛl 24:9

Ndoŋ nna nɛ Jɔab ba kaŋɛ ewura na basa nɛ b fo kena to be keyɔ na be kananɛ b sa. E yɛ basa ŋgboŋ alfa aburwa nɛ b daŋ nya ashi Israɛl, nseŋ nya basa ŋgboŋ alfa anu malɛ ashi Juda.

2 Samuɛl 5:3

Amoso Israɛlebi be bejuŋkparpoana na kikɛ nɛ ewura Deevid daŋ wora kɔnɔkoŋwule be ŋkre nna ashi Ebɔrɛ be anishito nɛ b ta ŋku n do mbe kumu so m buu mo Israɛl kikɛ be kuwura.

1 Kronikɛls 28:4

Enyɛnpe nɛ e la Israɛl be Ebɔrɛ na e lara ma nɛ ma kaman to ebi fanɛ an baa ji Israɛl be kuwura mbaanaayɔ. N tuto be kanaŋ ashi Juda be yiri na to nɛ e lara fanɛ b baa la bejuŋkparpo. Mbe keparso nɛ e keni n tuto be kanaŋ na kikɛ to n lara ma fanɛ ŋ ki Israɛl be ewura.

1 Kronikɛls 5:2

Juda be yiri na e daa kɔ eleŋ ga, hale nɛ Israɛl be ejuŋkparpo gba bɔla kanaŋ na to m ba, ama amo nɛ amo kikɛ Josɛf be kanaŋ e nya kuwurkoŋ na be eyilikpa.

2 Kronikɛls 14:8

Ewura Asa be benapo nɛ b shi Juda n daa kɔ abɛlso be asɔkuŋso nɛ ekpa na daa wɔ basa ŋgboŋ alfa asa nɛ bumo nɛ bumo alɛ daa shi Bɛnjamin nsaa kɔ abɛlso be asɔkuŋso wurbi nɛ ata na daa wɔ basa ŋgboŋ alfa anyɔ nɛ aduburwa. Bumo kikɛ daa kɔ kenyɛn ga nsaa nyi kena be kekɔ nɛnɛ.

2 Kronikɛls 15:9

Basa damta nɛ b shi Efrayim nɛ Manase nɛ Simiɔn be kasawule so daŋ ba ka wɔ ewura Asa be kasawule so nna ŋkpal b ka wu Enyɛnpe Ebɔrɛ na ka wɔ mo kutɔ so. Ewura Asa daŋ tre bumo nɛ Juda nɛ Bɛnjamin be basa kikɛ nna m ba abar so.

2 Kronikɛls 17:2

E daŋ ta benapo nna n yili Juda be nde nɛ b pɔr egbal ŋ kulti na nɛ ndekarso ko ashi Juda be kasawule so nɛ nde nɛ mo tuto Asa kɔ n sɔ ashi Efrayim be kasawule so na.

2 Kronikɛls 30:11

Ama amo nɛ amo kikɛ, eyiri nɛ b daa shi Ashɛr nɛ Manase nɛ Zɛbyulɔn be kaba so na be basa ko bre daa sha keba Jerusalɛm nna.

Nshɛ 76:1

Ekama nyi Ebɔrɛ be asheŋ ashi Juda be efuli so, nɛ mbe ketre malɛ bee nya kemaŋkura Israɛl to.

Aizaaya 9:7

Mbe kuwurji be eleŋgboŋ beeŋ baa wora keshi a ti so; mbe kuwurji beeŋ baa kɔ kayurwushi jemanɛ kikɛ. E beeŋ ji kuwura fanɛ ewura Deevid be kanaŋ to be esa, nseŋ shin nɛ mbe eleŋgboŋ e baa yil kashenteŋ nɛ kusɔ nɛ k daga so. K beeŋ fara naniere hale mbaanaayɔ. Enyɛnpetale Ebɔrɛ na gbagba e naŋ shin nɛ ade kikɛ e wora.

Ezikɛl 21:29

Ebɔrɛdare nɛ menyee ku na la efɛ nna, nɛ asheŋ nɛ men kpal n wu na kikɛ la kafulesheŋ. Menyi amu kpakpasowuraana nɛ basa lubi ere, menyi be kasogberge be kachɛ bee ba; tokobi na beeŋ gbelge menyi be abɔ so.

Nɔmbɛs 10:14

Juda be yiri nɛ eyiri nɛ b chena m mata bumo na e daŋ ta bumo be etuuta n juŋkpar n lar. Aminadab pibinyɛn Naashɔn e daa la bumo be benapo be ejuŋkparpo.

Nɔmbɛs 26:22

Le be mbuna ere be benyɛn kikɛ daa wɔ ŋgboŋ adushunu nɛ ashe nɛ alfa anu nna.

Ditɛronɔmi 33:7

Le nɛ Mosis kaŋɛ a laŋɛ Juda be yiri be kaplɛa so: “Enyɛnpe Ebɔrɛ, nu Juda be yiri to ebi be kushu, nseŋ bɛta bumo nɛ eyiriana na kikɛ m ba abar so. Enyɛnpe Ebɔrɛ, kɔ n sa bumo, chɛ bumo to ŋ kɔ bumo doŋana.”

Hibruwebi 10:13

Naniere e bee jo nna nɛ Ebɔrɛ e ya ta mo doŋana n shin nɛ b gbir mo kumuli.

Hibruwebi 7:14

Ŋkpal manɛ so, k baŋ fuli nna fanɛ Juda be kanaŋ to nɛ an Nyɛnpe na lar. Mosis malɛ maŋ malga shɛŋ ŋ kaŋɛ fanɛ kanaŋ na ti bɔrɛmatapoana na so.

Joshuwa 10:24

n yɛr bumo Joshuwa be anishito. Nɛ e shin nɛ b dese kasawule, nɛ e tre Israɛlebi na kikɛ m ba mo kutɔ nseŋ kaŋɛ benapo be benimu nɛ mo nɛ bumo daŋ yɔ kena na to na fanɛ b chichi bewura na be abɔ so. Nɛ b wora loŋ.

Joshuwa 15:20

Kananɛ b daŋ barga kasawule na to n sa Juda be yiri to ebi na fanɛ bumo be kapetɛ nde.

Kelaraŋŋini 11:15

Ndoŋ nna nɛ malaika shunusopo na foŋ mbe kabel nɛ awɔr damtaana chɛ ashi ebɔrɛso a kaŋɛ le: “Eleŋ mo nɛ k bee ji kuwura durnya ere so na ki an Nyɛnpe nɛ mbe Kristo peya, mo alɛ beeŋ ji kuwura na mbaanaayɔ.”

Kelaraŋŋini 5:5

Ŋ ka bee shu na nɛ bejuŋkparpoana na be eko kaŋɛ ma: “Sa maa shu, keni Juda be kanaŋ to be buluŋ, Ewura Deevid mo Nanabigboŋ na kɔ m pɔɔ so ŋkaa beeŋ tiŋ m bu m bu abersobi ashunu na nseŋ tiŋ m bugi kawɔl sibɛso na.”

Demujipoana 20:18

Kumo be kaman nɛ Israɛl be basa na yɔ kakpa nɛ baa shuŋ Ebɔrɛ ashi kade nɛ baa tre Bɛtɛl na n ya kule Ebɔrɛ m bishi: “Yiri mo e naaŋ juŋkpar anyi n ya kɔ Bɛnjamin be yiri to ebi na kena?” Nɛ Enyɛnpe Ebɔrɛ na kaŋɛ: “Juda be yiri to be basa e naŋ juŋkpar.”