Jɛnesis 49:3 - EBƆRƐ BE KAWƆL

³ Ruben, fo e la ma wurkoŋ nɛ ma eleŋ nɛ kebia nɛ e juŋkpar n lar ŋ ŋini fanɛ n la enyɛn. Fo nɛ bunyaŋ nɛ eleŋ daa shi fo to a chɔ ma kebia kama.

Jɛnesis 49:3 ပူးပေါင်းရင်းမြစ်များ

Jɛnesis 29:32

Amoso Lia daŋ di kedampo nna ŋ kurge ebinyɛn nseŋ kaŋɛ le: “Enyɛnpe na wu ma kagbenejija nseŋ chɛ ma to, amoso naniere bre ŋ kul beeŋ baa sha ma.” Ŋkpal loŋ so nɛ e nase kebia na Ruben.

Jɛnesis 35:22

Saŋɛ nɛ Jeekɔb daa wɔ ndoŋ na nɛ Ruben ya tu mo tuto Jeekɔb mo jipoche Bilha n di nɛ Jeekɔb nu kumo be asheŋ. Jeekɔb daa kɔ mbinyɛnbi kuduanyɔ nna.

Jɛnesis 35:23

Lia be mbia e daa la, Ruben, Jeekɔb be wurkoŋ nɛ Simiɔn nɛ Livai nɛ Juda nɛ Isakar n ta Zɛbyulɔn m bɛ so lalaloge.

Jɛnesis 46:8

Jeekɔb be kanaŋ to ebi nɛ mo nɛ bumo daŋ yɔ Ijipt na be atre nde. Emo nɛ e juŋkpar n daa la mbe wurkoŋ Ruben.

Jɛnesis 48:18

nseŋ kaŋɛ mo tuto: “N tuto, mannɛ aloŋ nna, ede e la enimuso, amoso mo e daga fanɛ fo ta fo jiso n deŋi mo so.”

1 Kronikɛls 2:1

Jeekɔb daa kɔ mbinyɛnsobi kuduanyɔ nna. Bumo e la Ruben nɛ Simiɔn nɛ Livai nɛ Juda nɛ Isaaka nɛ Zɛbyulɔn

1 Kronikɛls 5:1

Ruben nɛ e la Jeekɔb pibinyɛn nimuso na daŋ paŋ mbe kuwurkoŋ be eyilikpa nna nɛ b ta kumo n sa Josɛf ŋkpal mo nɛ mo tuto be eche ko ka daŋ di keche nɛ kenyɛnso. Amoso bumo be kakurge to, b maa karga mo fanɛ wurkoŋ.

1 Kronikɛls 5:3

Jeekɔb pibinyɛn nimuso Ruben daa kɔ mbinyɛnsobi ana nna. Bumo e la Hanɔk nɛ Palu nɛ Hezrɔn nɛ Kaami.

Nshɛ 105:36

Ade kikɛ nyam be kaman nɛ Ebɔrɛ shin nɛ Ijiptebi be ewurkoŋnyɛn kikɛ nyam wu.

Nshɛ 78:51

E daŋ shin nɛ Ijipt be efuli so be ewurkoŋnyɛn kikɛ wu nna.

Nɔmbɛs 1:20

B daŋ sibɛ benyɛn nɛ b fo nfɛ adunyɔ ŋko m baŋ so nsaa beeŋ tiŋ ŋ kɔ fo kena na kikɛ be atre mbuna mbuna nɛ kanaŋ kanaŋ so nna. Jeekɔb pibinyɛn nimuso Ruben be yiri to nɛ b daŋ fara a karga: Ruben be yiri to ebi daa la basa ŋgboŋ adena nɛ ashe nɛ alfa anu nna. Nɛ Simiɔn be yiri to ebi daa la basa ŋgboŋ adunu nɛ akpanu nɛ alfa asa. Nɛ Gad be yiri to ebi daa la basa ŋgboŋ adena nɛ anu nɛ alfa ashe nɛ adunu. Nɛ Juda be yiri to ebi daa la basa ŋgboŋ adushunu nɛ ana nɛ alfa ashe. Nɛ Isaaka be yiri to ebi daa la basa ŋgboŋ adunu nɛ ana nɛ alfa ana. Nɛ Zebulun be yiri to ebi daa la basa ŋgboŋ adunu nɛ ashunu nɛ alfa ana. Nɛ Efreim be yiri to ebi daa la basa ŋgboŋ adena nɛ alfa anu. Nɛ Manase be yiri to ebi daa la basa ŋgboŋ adesa nɛ anyɔ nɛ alfa anyɔ. Nɛ Bɛnjamin be yiri to ebi daa la basa ŋgboŋ adesa nɛ anu nɛ alfa ana. Nɛ Dan be yiri to ebi daa la basa ŋgboŋ adeshe nɛ anyɔ nɛ alfa ashunu. Nɛ Ashɛr be yiri to ebi daa la basa ŋgboŋ adena nɛ kako nɛ alfa anu. Nɛ Naftali be yiri to ebi daa la basa ŋgboŋ adunu nɛ asa nɛ alfa ana. Benyɛn nɛ Mosis nɛ Ɛɛrɔn nɛ Israɛl be bejuŋkparpo kudu anyɔ na daŋ karga na kikɛ daa la basa ŋgboŋ alfa ashe nɛ asa nɛ alfa anu nɛ adunu nna.

Nɔmbɛs 26:5

Ruben nɛ e daa la Jeekɔb be wurkoŋnyɛn na be yiri to ebi be mbuna e daa la Hanɔk nɛ Palu,

Ditɛronɔmi 21:17

A daga fanɛ e ta mbe kapetɛ na be ntuŋ anyɔso nna n sa mbe wurkoŋnyɛn na, hale e ka maŋ la mbe eche shaso pibinyɛn ere gba. Enyɛn daga e baa keni mbe wurkoŋnyɛn nna a bɔlɔ kenishi nsaa sa mo mbe kapetɛ be kachige nɛ k la wurkoŋnyɛn peya mbra be ekpa so.

Ditɛronɔmi 27:13

nɛ Ruben nɛ Gad nɛ Ashɛr nɛ Zebulun nɛ Dan nɛ Naftali be eyiri to be basa malɛ e yili kebee nɛ baa tre Ebal na so ŋ kaŋɛ bumo eshoduu nɛ a wɔtɔ be asheŋ.

Ditɛronɔmi 33:6

Le nɛ Mosis kaŋɛ a laŋɛ Ruben be yiri na be kaplɛa so: “Ruben be yiri to be basa ka maŋ shi ga ere gba, b maaŋ wu m mur kikɛ.”

Kelaraŋŋini 3:14

Nɛ e naŋ kaŋɛ: “Sibɛ kawɔl ere n sa Laodisiya be kade to be asɔri be malaika na ŋ kaŋɛ mo le: ‘Mmalga ere shi ma nɛ n la Amɛn nɛ kashenteŋ be shɛdajipo nɛ baaŋ tiŋ n yirda na nɛ n la Ebɔrɛ be kepɔrso kikɛ be gbaltɔlase na kutɔ nna.