Jɛnesis 49:29 - EBƆRƐ BE KAWƆL

²⁹ Ade be kaman nɛ Jeekɔb ta le be mmalga m bɔɔ mbe mbia enɔ. E yɛ: “Naniere a ka gbrɛ nɛ n wu n yɔ n nanaana kutɔ, ma alɛ kaŋ wu, men ya puli ma n tutoana kutɔ ashi kebeelaŋ nɛ k daa la Hitebi be esa nɛ baa tre Efrɔn peya na to.

Jɛnesis 49:29 ပူးပေါင်းရင်းမြစ်များ

Jɛnesis 15:15

Ama fo ere beeŋ ji kasawule ere so n ya bel n fuli kumu nseŋ wu kagbenewushi be luwu nɛ b puli fo.

Jɛnesis 23:16

Ndoŋ nna nɛ Eebraham shuli n sɔ kukɔ nɛ Efrɔn ku na nseŋ bɛ ndoŋ be jemanɛ na so be eyawujipoana be kananɛ baa karga amansherbi na so ŋ ka kukɔ na basa na kikɛ be anishito n sa Efrɔn.

Jɛnesis 23:17

To, kananɛ Efrɔn be kasawule nɛ kebeelaŋ nɛ baa tre Makpɛla nɛ k wɔ Mamre be epeŋipetekpa be kaba so na daŋ ki Eebraham peya nna na. Ndoŋ be ndibiana na nɛ kebeelaŋ na nɛ kasawule na so be kusɔ kikɛ nɛ k daa wɔ kaboŋ na be ekarso gba daŋ ki Eebraham peya nna.

Jɛnesis 23:20

Yili kamɔnchɛ a yɔ nɛ kasawule na nɛ kebeelaŋ nɛ k daa la Hitebi na peya na ki Eebraham peya nɛ e bee puli mbe basa.

Jɛnesis 23:9

fanɛ e fa mbe kebeelaŋ nɛ baa tre Makpɛla nɛ k wɔ mbe kasawule be ekarso na n sa ma. Nɛ e shuli, meeŋ tɔ kumo yawu kama nɛ e beeŋ fa kumo n sa ma ashi menyi be anishito nfe, nɛ ndoŋ e ki kakpa nɛ meeŋ baa puli ma basa.”

Jɛnesis 35:27

Jeekɔb nite loŋ m ba fo mo tuto Aizek pe ashi Mamre nɛ k daŋ taga Kiriaf Aba na. Kumo koŋwule na e la Hibrɔn na. Ndoŋ nɛ Aizek nɛ Eebraham daŋ chena na.

Jɛnesis 35:29

Nfɛ ere be kaman nɛ e wu nɛ mbe mbia Isɔɔ nɛ Jeekɔb puli mo.

Jɛnesis 47:30

Mee sha fanɛ b puli ma kakpa nɛ n tutoana wɔ nna, amoso ŋ kaŋ wu, fo ya puli ma kakpa nɛ b puli n tutoana na.” Nɛ Josɛf kaŋɛ mo: “Meeŋ wora loŋ.”

Jɛnesis 49:28

To, bede kikɛ e la Israɛl be nnaŋ kuduanyɔ na be bejuŋkparpo nna. Asɔ nɛ bumo tuto malɛ daŋ nɛfa bumo nseŋ kaŋɛ ŋ kaŋɛ bumo kukoko to a yɔ ekama be da be kaplɛa so nna na.

Jɛnesis 49:33

Jeekɔb ka ta le be mmalga ere kikɛ m bɔɔ mbe mbia na enɔ n loge nɛ e lɔŋɛ n dese nseŋ fute mbe lalaloge be efute n wu.

Jɛnesis 50:12

Ade kikɛ e daa ŋini fanɛ Jeekɔb be mbia na daŋ wora asɔ nɛ bumo tuto daŋ ŋini bumo na kikɛ nyam.

Jɛnesis 50:13

B daŋ sulɔ mbe kebuni nna n yɔ Keenan n ya puli kebeelaŋ nɛ k daa wɔ Makpɛla nɛ k mata Mamre nɛ Eebraham daŋ tɔ nɛ kudɔ nɛ k wɔ kumo to na ashi Hitebi be esa kutɔ fanɛ k baa la kakpa nɛ e beeŋ ba puli mbe bubuni na.

2 Samuɛl 19:37

Kumo be kaman nɛ m bɛta n yɔ epe, saŋɛ na so ŋ kaŋ wu nɛ b ta ma n ya puli n tutoana be edesekpa. Ama ma kayɛrbi Chimham bre nde, n ta mo n sa fo. Ta mo a yɔ n ya wora mo kusɔ kama nɛ fee sha Yiramu!”

Hibruwebi 12:23

Men ba Ebɔrɛ be ewurkoŋ nyɛnsoana nɛ Ebɔrɛ sibɛ bumo be atre n nase ebɔrɛso na be kagbenefuliso be nshɛr to nna na. Men ba Ebɔrɛ nɛ e la basa kikɛ be demujipo na kutɔ nna nseŋ naŋ ba belelapo nɛ e ta bumo be ayoyu ŋ ki cheembi na kutɔ nna na.