Jɛnesis 49:27 - EBƆRƐ BE KAWƆL

²⁷ Bɛnjamin, fo du fanɛ jiŋkaamu lubi nɛ e bee kaa mɔ asɔbɔya chipurso nsaa kpɛa bumo to a we kanyɛso na nna.”

Jɛnesis 49:27 ပူးပေါင်းရင်းမြစ်များ

Jɛnesis 35:18

Kajaa Reechel malɛ daa kɔ luwu nna, ama pɔɛŋ nɛ e wu nɛ e nase mbe kebia na Bɛn Oni. Ama kebia na mo tuto bre daŋ naŋ nase mo Bɛnjamin nna.

Jɛnesis 46:21

Bɛnjamin malɛ be mbia e daa la Bela nɛ Bekaa nɛ Ashbel nɛ Gera nɛ Naaman nɛ Ehai nɛ Rosh nɛ Mupim nɛ Hupim nɛ Ard.

Jɛnesis 49:26

Fo tuto be nɛfa nɛ e sa fo ere beeŋ ba shi a chɔ bedarapo na peya nɛ asɔ lela nɛ a shi a chɔɔ abeebi, nsaa wɔtɔ mbaanaayɔ na. Le be nɛfa ere kikɛ e baa wɔ Josɛf so ŋkpal e ka ki enimu ashi mo daana kikɛ so so.

Jɛnesis 49:28

To, bede kikɛ e la Israɛl be nnaŋ kuduanyɔ na be bejuŋkparpo nna. Asɔ nɛ bumo tuto malɛ daŋ nɛfa bumo nseŋ kaŋɛ ŋ kaŋɛ bumo kukoko to a yɔ ekama be da be kaplɛa so nna na.

Jɛremaya 5:6

Amoso bedoŋ beeŋ ba bumo so fanɛ kupo to be ebuluŋ, ŋko keshishɛrsawule so be ekuntuŋ m ba pɛ bumo ŋ kpɛa to n we, nɛ ekarmɛ e sɔ bumo be ndeana to be abɔrbi so a nite a kulti. Nɛ basa na kaŋ lar kowu asɔbɔya na beeŋ pɛ bumo n ji ŋkpal b ka wora alubi damta nseŋ lar Ebɔrɛ kaman na so.

Ezikɛl 22:25

Bumo be bejuŋkparpoana ŋko anebiana du fanɛ ebuluŋ nɛ a pɛ kusɔbɔya a kpɛa to a we nsaa munto nna. Baa mɔ basa na nna nseŋ suge amansherbi nɛ mpetɛsɔ kikɛ nɛ baaŋ tiŋ n nya n sɔ. Bumo alɛ bee mɔ bekulana nna nɛ beche damta e ki bekulpoche.

Ezikɛl 22:27

Israɛl be benimuana na gba du fanɛ ekuntuŋ nɛ baa pɛ asɔbɔya a kpɛa to a we nna. Baa mɔ basa nna nsaa bɔla ekpa nɛ k maŋ daga so a dii dama.

Zefanaiya 3:3

Kumo be ekrachi du fanɛ ebuluŋ nɛ a bee munto nna, nɛ kumo be demujipoana malɛ du fanɛ ejiŋkaamu nɛ a bee pɛ kusɔ kanyɛso a ji nɛ, kare be kechɛ kachipurso nɛ shɛŋ maŋ naŋ ka na nna.

Nɔmbɛs 23:24

Israɛlebi du fanɛ buluŋ lempo nna. K maa wushi kikɛ, ama k baŋ mɔ kumo be kusɔ jiso nna n ji, nseŋ dente kumo be ŋklaŋ.”

Nɔmbɛs 34:21

Chislɔn pibinyɛn Elidad e daa la Bɛnjamin be yiri to be ejuŋkparpo.

Matiu 10:16

Kede be kaman nɛ e naŋ kaŋɛ: “Kashenteŋto, mee shuŋi menyi nna nɛ menyi nɛ durnya ere to ebi e ya kaa wɔtɔ fanɛ mbolpɔ kaa wɔ ekuntuŋ to na. Men baa nyi asheŋ, a de men be amu so fanɛ awɔ nsaa du boeŋ fanɛ ali.

Matiu 7:15

Men baa de anebi fɛpoana so. Baa kaa wɔ mbolpɔ be nwɔl to nna a ba men kutɔ, ama ekuntuŋ lubi gbagba nna na.

Ashuŋ Shunso 20:29

Ŋkpal manɛ so, n nyi fanɛ ŋ kaŋ yɔ, befɛpo damta beeŋ ba menyi to m ba fin kemur asɔriebi na fanɛ kananɛ kuntuŋ bee luri mbolpɔ to a mur amo na.

Ashuŋ Shunso 8:3

Ama Sɔɔl malɛ daa kɔ a fin kemur beyirdapoana na kikɛ nna nyam. E daa nite basa peana nna a nyaŋ beyirdapoana na, benyɛn nɛ beche kikɛ a lar n ya kaa ti ebu.

Ashuŋ Shunso 9:1

Saŋɛ ere so kikɛ nɛ Sɔɔl wɔtɔ a kɔ a fin kemur Enyɛnpe be bebɛsopoana na.

Ditɛronɔmi 33:12

Le nɛ Mosis kaŋɛ a laŋɛ Bɛnjamin be yiri be kaplɛa so: “Yiri nɛ Enyɛnpe Ebɔrɛ na bee sha nsaa kuŋ nde; kapa nɛ kanyɛ kikɛ nɛ e bee kuŋ bumo. Mo alɛ nɛ bumo e wɔtɔ.”

Filipaiebi 3:5

Ŋkpal manɛ so, b kurge ma Israɛl be efuli so be esa nna nɛ n shi Bɛnjamin be kanaŋ to. N la Hibruw kashenteŋto nna, ŋkpal manɛ so, n tuto nɛ n nio kikɛ la Hibruwebi nna. B ka kurge ma be kachɛ burwasopo to nɛ b ku ma kututu, mbra na be kaplɛa so n daa la Farisi nna.

Demujipoana 20:21

Ndoŋ nna nɛ Bɛnjamin be benapo na lar kade na to m ba kɔ Israɛl be benapo na. Ta a ba kapaso nɛ b teŋ mɔ Israɛl be benapo ŋgboŋ adunyɔ nɛ anyɔ.

Demujipoana 20:25

Ndoŋ nna nɛ Bɛnjamin be benapo naŋ lar Gibiya to n tu bumo kela nyɔsopo. Israɛl be benapo nɛ b daa kɔ kena ga na be basa ŋgboŋ kuduaburwa nɛ b mɔ loŋ be kachɛ nyɔsopo na.