Jɛnesis 49:26 - EBƆRƐ BE KAWƆL

²⁶ Fo tuto be nɛfa nɛ e sa fo ere beeŋ ba shi a chɔ bedarapo na peya nɛ asɔ lela nɛ a shi a chɔɔ abeebi, nsaa wɔtɔ mbaanaayɔ na. Le be nɛfa ere kikɛ e baa wɔ Josɛf so ŋkpal e ka ki enimu ashi mo daana kikɛ so so.

Jɛnesis 49:26 ပူးပေါင်းရင်းမြစ်များ

Jɛnesis 37:28

Amoso Ishmaɛlebi be eyawujipoana na ka ba fo kakpa nɛ Josɛf mo daana na wɔ na nɛ b lara Josɛf ketirbu na to n fa mo egbiti be ndarbi adunyɔ n sa Ishmaɛlebi na nɛ b ta mo n yɔ Ijipt be efuli so. Kumo be saŋɛ so nɛ Ruben bre maŋ wɔ bumo kutɔ.

Jɛnesis 37:8

Ndoŋ nna nɛ mo daana na bishi mo: “Ama fee fɛ nna fanɛ feeŋ ba ji anyi so kuwura ŋko feeŋ ba kaa kɔ eleŋ anyi so a?” Nɛ b naŋ kpal edare na nɛ mbe mmalga so ŋ kishi mo ga n ti so.

Jɛnesis 49:27

Bɛnjamin, fo du fanɛ jiŋkaamu lubi nɛ e bee kaa mɔ asɔbɔya chipurso nsaa kpɛa bumo to a we kanyɛso na nna.”

Nshɛ 132:18

E beeŋ baa buu kuwurwuro nɛ k bee nyɛkpɛ. Ama meeŋ shin nɛ mo doŋana bre a ji anishinyɔr.”

Nshɛ 89:36

Mbe kanaŋ to ebi e naaŋ baa ji kuwura jemanɛ kikɛ. Kananɛ epeŋi nɛ kufɔl baa lar awɔlpa so ere, aloŋ nɛ mbe kuwurji gba beeŋ baa wɔtɔ mbaanaayɔ.

Aizaaya 54:10

Abeegboŋ nɛ abeebi beeŋ tiŋ m bure n tɔr, ama kasha nɛ ŋ kɔ n sa menyi maaŋ loge kikɛ. Meeŋ bɛ kɔnɔ nɛ n naseso ŋ kaŋɛ fanɛ meeŋ sa menyi kayurwushi na so mbaanaayɔ. Kusɔ nɛ Enyɛnpe Ebɔrɛ, nɛ mee sha menyi na kaŋɛ nna na.”

Aizaaya 66:5

Menyi nɛ menyee ŋana Enyɛnpe Ebɔrɛ nsaa wora mo kasonu na e nu kusɔ nɛ e kaŋɛ. E yɛ: “Ŋkpal men ka bee ji kashenteŋ a sa ma so, menyi gbagba be basa ko kishi menyi nna a maa sha ketu menyi n wora shɛŋ. Baa wora menyi eyurto nna a kaŋɛ le: ‘Men shin nɛ Enyɛnpe Ebɔrɛ na e ŋini mbe eleŋgboŋ nseŋ mɔlga menyi, saŋɛ na so anyeeŋ wu fanɛ menyi be ŋgbene fuli menyi.’ Ama bumo gbagba beeŋ ji anishinyɔr!”

Jona 2:6

Ŋ ka daŋ muni n yɔ kasawule be kechimbi to na, n daŋ fɛ fanɛ ma ŋkpa be ekar fo nna na. Ama fo, Enyɛnpe Ebɔrɛ, nɛ fo la ma Ebɔrɛ na lara ma kemaŋ chiŋgeliŋ na to m bar ma ŋkpa to.

Habakuk 3:6

Fo baŋ shir n yili, kasawule bee gbuŋgbuŋ nna, fo alɛ baŋ gbɛ ŋ keni malɛ efuliana na bee chicha nna. Dradra be abeegboŋ nɛ abeebi kikɛ bure to n tɔr. Ama fo ere wɔtɔ nna mbaanaayɔ!

Nɔmbɛs 6:2

e kaŋɛ Israɛl be basa le: “Benyɛn ŋko beche kama nɛ baa sha keta bumo be amu m bɔɔ Enyɛnpe Ebɔrɛ enɔ a wɔtɔ n sa Ebɔrɛ nawule ŋ ki ‘Nazarin’ na,

Ashuŋ Shunso 7:9

Bejuŋkparpo ere daŋ kurge bumo sipo Josɛf yurkishi nna n ta mo n fa n shin nɛ e ki kenya ashi Ijipt be efuli so. Ama Ebɔrɛ daa maŋ yige mo n to.

Ɛfesesebi 1:3

Men shin nɛ an chɔrɔ an Nyɛnpe Yesu Kristo be Ebɔrɛ nɛ e la mo Tuto na ga, ŋkpal manɛ so, e bɔla Kristo so n nɛfa anyi n ta abɔrɛsheŋ be kakɛ be yiri kikɛ ashi ebɔrɛso n sa anyi.