Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




Jɛnesis 49:25 - EBƆRƐ BE KAWƆL

25 Fo tuto be Ebɔrɛ na e naa chɛ fo to. Enyɛnpetale na e naa nɛfa fo, a sa fo bɔrɛchu nɛ nchu nɛ a bee bul kasawule to nɛ asɔbɔya nɛ mbia nɛ kenyipochu damta nɛ mbia na e baa nuu.

အခန်းကိုကြည့်ပါ။ ကော်ပီ




Jɛnesis 49:25
22 ပူးပေါင်းရင်းမြစ်များ  

Eebram be nfɛ adekpanu nɛ akpanu be saŋɛ nɛ Enyɛnpe lar mo so ŋ kaŋɛ mo le: “Ma e la Enyɛnpetale na. Wora ma kasonu a bɛ ma ekpaana so nsaa la esa nɛ e maŋ kɔ amoso basa be anishito.


Ebɔrɛ e shin nɛ bunyaŋ e shi ebɔrɛso m ba sa fo nsawule kayul nseŋ shin nɛ fo kasawule e baa walɛ a wora ajibi damta. Kumo e la fanɛ adɔjibi kama nɛ a shi ayu be yiri to be adamta n ta yabra belbelso n ti so.


E daŋ wu fanɛ Enyɛnpe na e daa yil kumo be kumu so gbagba na. Ndoŋ nɛ Enyɛnpe na daa yil nseŋ kaŋɛ mo le: “Ma e la Enyɛnpetale, fo nananyɛn Eebraham be Ebɔrɛ nɛ Aizek be Ebɔrɛ na. Meeŋ ta kasawule mo nɛ fo dese so ere n sa fo nɛ fo kaman to ebi.


nɛ n ya bɛta n yɔ n tuto pe nɛ eyur be alenfia, kumo ere Enyɛnpe na e naaŋ baa la ma Ebɔrɛ.


Ebɔrɛ Enyɛnpetale na e nɛfa fo nseŋ sa fo mbia be kanya nɛ fo ba ki basa damta bumo tuto.


Kumo be kaman nɛ Jeekɔb kule Ebɔrɛ ŋ kaŋɛ: “N tuto Eebraham nɛ Aizek be Ebɔrɛ, n Nyɛnpe, fo e kaŋɛ ma fanɛ m bɛta n yɔ ma efuli so nɛ ma basa pe nɛ fo shin nɛ ŋ ki asɔwura.


Kede be kaman nɛ Ebɔrɛ naŋ kaŋɛ mo: “Ma e la Enyɛnpetale Ebɔrɛ na. Meeŋ shin nɛ fo mbia e ba kaa shi ŋ ki efuli damtaana be amuwuraana nɛ bumo be beko e ki bewura.


nseŋ ba nɛ an yɔ Bɛtɛl n ya yuu bɔrɛsure n sa Ebɔrɛ nɛ e nu n sa ma nsaa wɔ ma kutɔ kaplɛkama nɛ n yɔ saŋɛ nɛ n wɔ awurfoŋ to na.”


Ndoŋ nna nɛ Josɛf be kayɛrbi nimuso na kaŋɛ bumo: “Men sa maŋ shin nɛ k tir menyi ŋko n shin nɛ kufu e baa kɔ menyi. N nyiŋi ŋ ka daŋ sɔ men be amansherbi na, amoso shere Ebɔrɛ nɛ menyi nɛ men tuto bee shuŋ na e ta loŋ be amansherbi na n wɔtɔ menyi be ebɔtɛ to na.” Kumo be kaman nɛ e ya bar Simiɔn bumo kutɔ.


“Enyɛnpetale Ebɔrɛ lar ma so nna ashi Bɛtɛl nɛ k wɔ Keenan be kasawule so na n nɛfa ma,


Ŋkpal manɛ so, Enyɛnpe Ebɔrɛ na du fanɛ epeŋi nɛ kebɛlso be kusɔ kuŋso nna. Mo e naa wu kuwɔr nsaa ta bunyaŋ a buu esa so, mo alɛ maa ta kusɔ lela a ŋana basa niŋiso so.


Enyɛnpe Ebɔrɛ na beeŋ nɛfa anyi nɛ anyi be kasawule e wora adɔjibi nɛnɛ.


ŋkpal manɛ so, Mosis yɛ: “N tuto be Ebɔrɛ e la ma Echɛtopo nɛ e mɔlga ma ashi Fɛɛro be enɔ to.”


Amoso men ta Ebɔrɛ be kuwura na nɛ mbe alelasheŋ be kasha n juŋkpar men be kebaawɔtɔ to nɛ e shin nɛ men nya asɔ na kikɛ n ti so.


Men shin nɛ an chɔrɔ an Nyɛnpe Yesu Kristo be Ebɔrɛ nɛ e la mo Tuto na ga, ŋkpal manɛ so, e bɔla Kristo so n nɛfa anyi n ta abɔrɛsheŋ be kakɛ be yiri kikɛ ashi ebɔrɛso n sa anyi.


Mosis daa la anebi nna, amoso pɔɛŋ nɛ e wu na le nɛ e daŋ nɛfa Israɛl be eyiriana na ŋ kaŋɛ:


Amoso men sa maŋ kaa fɛ fanɛ menyi gbagba be eleŋ nɛ ketiŋwora so nɛ men nyalɛ nseŋ dii dama na.


Ma Ebɔrɛ kɔ dama nɛnɛ, mo alɛ beeŋ bɔla Kristo Yesu so n sa menyi men be asheŋ tirso kikɛ nyam.


Ŋkpal manɛ so, esa be kebaakeni mbe eyur so la kusɔ lela nna, ama esa baa ŋini mbe kumu abɔrɛsheŋ be kebaawɔtɔ, loŋ e bɔ, ŋkpal manɛ so, k beeŋ tiŋ n chɛ mo to durnya ere to nfe nseŋ naŋ chɛ mo to saŋɛ nɛ e beeŋ yɔ ebɔrɛso na.


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ