Jɛnesis 49:24 - EBƆRƐ BE KAWƆL

²⁴ Ama feeŋ yili n tu bumo nɛ fo enɔ lempo na e baa yɔ a ba manaŋ manaŋ, ŋkpal manɛ so, Enyɛnpetale Ebɔrɛ nɛ e la Jeekɔb be Ebɔrɛ nɛ Israɛl be Ebɔrɛ na e baa du fanɛ kefalta a kuŋ fo nsaa du fanɛ mbolpɔkpapo a keni fo so na e baa sa fo eleŋ.

Jɛnesis 49:24 ပူးပေါင်းရင်းမြစ်များ

Jɛnesis 45:11

Fo ba kaa wɔ Goshen, meeŋ baa keni fo nɛ fo kanaŋ to ebi so, ŋkpal manɛ so, nfɛ anu mo nɛ a kraa wɔ anyi be anishito ere kraa la akoŋ be nfɛ nna. Ma alɛ maa sha fanɛ akoŋ nɛ ketentaŋase e mɔ fo nɛ fo kowu to ebi nɛ fo basa kikɛ nɛ fo asɔbɔya kikɛ.’ ”

Jɛnesis 45:5

Men sa maŋ shin nɛ men be ŋgbene e jija menyi. Menyi alɛ e sa maŋ nya agbo n wora men be amu ŋkpal men ka daŋ fa ma so so, ŋkpal manɛ so, basa be kenya ŋkpa so e shin nɛ Ebɔrɛ juŋkpar n shuŋi ma nfe.

Jɛnesis 45:7

Ama Ebɔrɛ shin nna nɛ n juŋkpar menyi m ba nfe nɛ m ba bɔla le be ekpa ere so m mɔlga menyi, saŋɛ na so, menyi nɛ men be kanaŋ to ebi maaŋ mur.

Jɛnesis 47:12

Kumo be kaman nɛ Josɛf sa mo tuto nɛ mo daana na nɛ mo tuto be kowu to ebi kikɛ nyam ajibi nɛ a beeŋ fo ekama nɛ mbe mbia kanaŋkamaso.

Jɛnesis 48:15

E ka wora loŋ na be kaman nɛ e nɛfa Josɛf nseŋ kaŋɛ: “Ebɔrɛ mo nɛ n nananyɛn Eebraham nɛ n tuto Aizek daŋ shuŋ na e nɛfa fo mbia ere. Mo, Ebɔrɛ koŋwule mo nɛ e juŋkpar ma a keni ma so fanɛ asɔbɔyakpapo na e nɛfa bumo.

Jɛnesis 49:23

Fo doŋana beeŋ ta bumo be ata nɛ atanyembiana m baa tu fo a kɔ fo kekishiso.

Jɛnesis 50:21

Amoso, men sa maŋ shin nɛ kufu kama e baa kɔ menyi. Meeŋ baa keni menyi nɛ men be mbia so.” E daŋ leŋ bumo to nna m malga mmalga lela n sa bumo.

2 Samuɛl 5:2

Dra kikɛ, hale saŋɛ so nɛ Sɔɔl daa la anyi be ewura na gba, fo e naa juŋkpar Israɛlebi a yɔ kena to. Enyɛnpe Ebɔrɛ na e yili kumo fanɛ, fo e naŋ ki anyi be ejuŋkparpo nɛ ewura, a keni anyi so fanɛ kananɛ mbolpɔkpapo bee keni mbe mbolpɔ so na.”

2 Bewura 13:16

Nɛ Elaisha kaŋɛ mo fanɛ e pɛ amo to ŋ keta. Ewura na ka wora loŋ n loge nɛ Elaisha ta mbe enɔ n deŋi ewura na be enɔ so nseŋ kaŋɛ mo le:

Nehemaya 6:9

B daa sha fanɛ b funti anyi nna nɛ an sa maŋ tiŋ n loge kushuŋ na. Nɛ ŋ kule Ebɔrɛ ŋ kaŋɛ le: “Ebɔrɛ sa ma eleŋ naniere!”

Job be kawɔl 29:20

Ekama daa kpaŋ ma nna jemanɛ kikɛ, nɛ ma eleŋ malɛ daa maa duga so.

Nshɛ 118:22

Kejembu nɛ bepɔrpo kini n lɛ na e ki ebu na be kebonfu to be gbaltɔlase be kejembu lela na.

Nshɛ 132:1

O Enyɛnpe Ebɔrɛ, baa nyiŋi Ewura Deevid nɛ awurfoŋ nɛ e ji na kikɛ be asheŋ.

Nshɛ 132:2

Nyiŋi kɔnɔ nɛ e daŋ nase n sa fo, Enyɛnpetale Ebɔrɛ nɛ an nananyɛn Jeekɔb daŋ shuŋ dra dra na:

Nshɛ 132:5

n ya fo saŋɛ nɛ meeŋ nya ekpa m pɔr bɔrɛlambu n sa Enyɛnpetale Ebɔrɛ nɛ e la Jeekɔb be Ebɔrɛ na.”

Nshɛ 18:1

Enyɛnpe Ebɔrɛ mee sha fo; fo kutɔ nɛ ma eleŋ bee shi.

Nshɛ 18:30

Enyɛnpe Ebɔrɛ maa wora shɛŋ a foe. Mbe kamalga la kashenteŋ nna. E du fanɛ benapo be kusɔ kuŋ so gboŋ nna, a kuŋ ekama nɛ e bee shile a ba mo kutɔ.

Nshɛ 23:1

Enyɛnpe Ebɔrɛ na e naa keni ma so, fanɛ kananɛ mbolpɔkpapo bee keni mbe mbɔlpo so na. Amoso mee nya kusɔ kama nɛ k tir ma nna.

Nshɛ 27:14

Yirda Enyɛnpe Ebɔrɛ na. Baa kɔ eleŋ nseŋ nya kagbene a keni mbe anishito.

Nshɛ 28:8

Enyɛnpe Ebɔrɛ na e naa sa mbe basa eleŋ. Mo e naa kuŋ nsaa mɔlga mbe ewura laraso.

Nshɛ 44:7

Fo nɛ n yirda fanɛ feeŋ shin nɛ ŋ kɔ m pɔɔ bedoŋ so n shin nɛ anishinyɔr e pɛ bumo nɛ b kishi anyi na.

Nshɛ 73:23

Ama amo nɛ amo kikɛ ŋ kraa wɔ fo kutɔ jemanɛ kikɛ. Fo daa kɔ ma to fo enɔ jisa to nna.

Nshɛ 80:1

O Israɛl be ekenipo, nu anyi be kekule! Fo nɛ fee juŋkpar Josɛf be kaman to ebi fanɛ mbolpɔ nseŋ chena fo kuwurputi so ashi asɔ pɔrso nɛ baa tre chɛrubim na be nferinto na,

Nshɛ 89:1

O Enyɛnpe Ebɔrɛ, meeŋ baa boŋ nshɛ a laŋɛ fo kasha nɛ k maŋ kɔ ekar na be kaplɛa so jemanɛ kikɛ. Ma alɛ beeŋ naa ber fo kashenteŋji na be kebomboŋ mbaanaayɔ.

Ɛksodɔs 3:6

Ma e la fo tutoana, Eebraham nɛ Aizek nɛ Jeekɔb be Ebɔrɛ na.” Ndoŋ nna nɛ Mosis kurgi kumu n yuu to, ŋkpal e ka daa ŋana kekeni Ebɔrɛ na so.

Aizaaya 1:24

Amoso, naniere men nu kusɔ nɛ Enyɛnpetale Israɛl be Ebɔrɛ lempo na bee kaŋɛ. E yɛ: “Meeŋ wora n tal menyi nɛ men la n doŋana ere to, nɛ menyi maaŋ naa wora asheŋ a tɔrɔ ma.

Aizaaya 28:16

To, kusɔ nɛ Enyɛnpetale Ebɔrɛ na bee kaŋɛ nde: “Mee tɔl gbaltɔlase nɛ k kɔ eleŋ a yil a maa gbuŋgbuŋ nna ashi Zayɔn to. Ma alɛ beeŋ ta kejembu nɛ bepɔrpo keni to n lara fanɛ kebonfu to be kejembu nɛ k kɔ eleŋ ga na nna n nase gbaltɔlase na, nɛ b sibɛ le n deŋi kumo so, ‘Yirda nɛ k yil to kpakpa kɔ kanyiti nna.’

Aizaaya 29:24

Kumo be kaman nɛ basa nɛ b maa pin asheŋ to na e fara a pin asheŋ to, nɛ bumo nɛ baa munto a bile asheŋ malɛ e sɔ ma keŋini kagbenefuliso.”

Aizaaya 41:10

Amoso men sa maa lɔ kufu. Ma nɛ menyi e wɔtɔ! Ma e la menyi be Ebɔrɛ. Men sa maŋ shin nɛ kufu e pɛ menyi nɛ men baa chicha! Meeŋ sa menyi eleŋ nseŋ chɛ menyi to. Ma alɛ beeŋ kuŋ menyi nseŋ mɔlga menyi.

Aizaaya 49:26

Mo alɛ beeŋ shin nɛ bumo nɛ baa mɛaŋ menyi na gbagba e mɔ abar nsaa wora asheŋ fanɛ b ka boo na. Saŋɛ na so ekama beeŋ pin fanɛ Enyɛnpe Ebɔrɛ na e la anyi be emɔlgapo. Bumo alɛ beeŋ naŋ pin fanɛ Israɛl be Ebɔrɛ lempo na e kɔ n sɔ mbe basa n yige.”

Aizaaya 60:16

Efuli pɔtɛana be bewura nɛ bumo be basa beeŋ ta bumo be asɔ lela ŋ keni menyi be kadegboŋ na so, fanɛ kananɛ ebinio bee bela mbe mbia na. Saŋɛ na so nɛ men pin fanɛ ma, Enyɛnpetale Israɛl be Ebɔrɛ na e mɔlga menyi nseŋ sɔ menyi n yige.

Zakareya 10:12

Meeŋ naŋ wɔtɔ ma basa eleŋ to, nɛ b baa bunyaŋ ma nsaa wora ma kasonu. Ma, Enyɛnpe Ebɔrɛ na e malga na!”

Zakareya 3:9

Kejembu nɛ ŋ kɔ a nase Joshuwa be anishito ere kɔ mba ashunu nna. Meeŋ sibɛ kusɔ ko n deŋi kumo so nseŋ ta kachɛ koŋwule n lara kasawule ere so ebi be alubi ashi bumo so.

Matiu 21:42

Nɛ Yesu naŋ bishi bumo: “Men maŋ naŋ kraŋ abɔrɛsibɛ nɛ a bee kaŋɛ le na nna; a yɛ: ‘Kejembu mo nɛ bepɔrpo kini na e ba ki ebu na be kebonfu be gbaltɔlase lela na. Enyɛnpe e daŋ wora le be kesheŋ. Kumo alɛ be kananɛ k kɔ mamachi anyi to’ a?

Maak 12:10

Men maŋ naŋ kraŋ abɔrɛsibɛ nɛ a bee kaŋɛ le: ‘Kejembu mo nɛ bepɔrpo kini na e ba ki ebu na be kebonfu be gbaltɔlase lela na.

Luuk 20:17

“Ebɔrɛ e baa pete anyi.” Nɛ Yesu keni bumo nseŋ bishi bumo le: “Mannɛ le nɛ abɔrɛsibɛ na bee kaŋɛ: ‘Kejembu mo nɛ bepɔrpo kini na e ba ki ebu na be kebonfu be gbaltɔlase lela na’ a?

Ashuŋ Shunso 4:11

Abɔrɛsibɛ na ka bee kaŋɛ fanɛ: ‘Kejembu mo nɛ menyi bepɔrpo keni jiga na e ba ki ajembu kikɛ be kelela’ na bee malga Yesu be asheŋ nna na.

Romebi 14:4

Manɛ be ekpa nɛ fo alɛ kɔ nɛ fo tiŋ n ji esa pɔtɛ be kayɛrbi demu? Mo nyɛnpe gbagba be anishito nɛ e beeŋ tiŋ n ji n lar ŋko n ji n tɔr, mo alɛ beeŋ ji n lar malɛ, ŋkpal manɛ so, Enyɛnpe beeŋ tiŋ n shin nɛ e ji n lar.

Ɛfesesebi 2:20

Men du fanɛ egbal be kaba nna nɛ kumo be kifi la beshuŋipo nɛ anebiana na, nɛ Kristo Yesu malɛ gbagba la kumo be gbaltɔlase.

Ditɛronɔmi 32:4

Enyɛnpe Ebɔrɛ na e la menyi be ekumpo lempo, nɛ mbe kusɔ kama niŋi nseŋ bɔla ekpa. Men be Ebɔrɛ na la eshenteŋjipo nɛ esa beeŋ tiŋ n yirda nna; mo e naa wora kusɔ nɛ k daga nsaa maa kpɛa to na.

Ditɛronɔmi 33:27

Ebɔrɛ nɛ e wɔtɔ mbaanaayɔ na e la menyi be ekumpo. Mo e kɔ menyi mbe enɔana to na. Mo koŋwule na e naa ju men doŋana ashi menyi so na. Mo e naa malga nɛ menyee mur men doŋana na.

Ditɛronɔmi 34:9

Pɔɛŋ nɛ Mosis wu na, e daŋ lara Nun pibinyɛn, Joshuwa nna nɛ e sɔ mo ere Mosis so a juŋkpar basa na. Mosis daŋ ta mbe enɔana n deŋi Joshuwa so nna ŋ kule Ebɔrɛ n sa mo, nɛ Enyɛnpe Ebɔrɛ na sa mo kanyiasheŋ ga. Israɛl be basa na malɛ daŋ wora Joshuwa kasonu nna nseŋ daa bɛ mbraana nɛ Enyɛnpe Ebɔrɛ na bɔla Mosis so n ta n sa bumo na so.

Kɔlɔsiebi 1:11

An be kabɔrɛkule e la fanɛ Ebɔrɛ e sa menyi eleŋgboŋ ashi mbe eleŋgboŋ na to nɛ men baa nyiti awurfoŋ kikɛ kagbenefuliso a chɔrɔ Etuto na ga,

2 Timoti 4:17

Ama Enyɛnpe bre maŋ shile ma, e sa ma eleŋ nna nɛ n tiŋ m bɔ kubɔya na kikɛ nyam n sa nnyamase na kikɛ nseŋ nya ŋ gelge ebuluŋ be nnɔ to be keluri.

Joshuwa 17:18

Abee so be kasawule na be kaba so beeŋ baa la menyeya. K la kupo nna bre ama men ya lɔŋɛ ndoŋ n chena. Kashenteŋ nna fanɛ Keenanebi na kɔ anyembi be egbaŋɛturko nsaa kɔ eleŋ, ama menyeeŋ tiŋ n ju bumo kasawule na so.”

Demujipoana 1:22

Ŋkpal Enyɛnpe Ebɔrɛ na ka daa chɛ bumo to so, Efrayimebi nɛ Manaseebi nɛ b shi Josɛf be kanaŋ to na daŋ kre nna nɛ b ya kɔ basa nɛ b daa wɔ kade nɛ baa tre Bɛtɛl nɛ kumo koŋwule na la Luz na kena.