Jɛnesis 49:23 - EBƆRƐ BE KAWƆL

²³ Fo doŋana beeŋ ta bumo be ata nɛ atanyembiana m baa tu fo a kɔ fo kekishiso.

Jɛnesis 49:23 ပူးပေါင်းရင်းမြစ်များ

Jɛnesis 37:18

E kraa wɔ kufɔ nna a ba nɛ mo daana na wu mo nseŋ wora kɔnɔkoŋwule fanɛ e baŋ ba, b mɔ mo.

Jɛnesis 37:24

nseŋ ta mo n lɛ ketirbu nɛ k maŋ kɔ nchu to.

Jɛnesis 37:28

Amoso Ishmaɛlebi be eyawujipoana na ka ba fo kakpa nɛ Josɛf mo daana na wɔ na nɛ b lara Josɛf ketirbu na to n fa mo egbiti be ndarbi adunyɔ n sa Ishmaɛlebi na nɛ b ta mo n yɔ Ijipt be efuli so. Kumo be saŋɛ so nɛ Ruben bre maŋ wɔ bumo kutɔ.

Jɛnesis 37:4

Mo daana ka wu fanɛ bumo tuto bee sha Josɛf a chɔ bumo na nɛ b kishi mo nsaa maŋ naa malga mo kutɔ kashaso.

Jɛnesis 42:21

nseŋ kaŋɛ abar le: “K baŋ fuli nna fanɛ kusɔ nɛ an daŋ wora an sipo Josɛf na so so nɛ anyee nya le be kasogberge ere na. An daŋ wu kananɛ mbe kagbene kikɛ daŋ jija mo nɛ e daa yila kenishito fanɛ an wu mo kuwɔr nɛ an kini kenu. Kumo so nɛ le be kagbenejija ere ba anyi alɛ gba so na.”

Jɛnesis 49:22

Josɛf, fo du fanɛ kefeelebi nɛ k bee sɔr asɔrso lela nɛ baa tre greep, nɛ k yili m mata eboŋkar nɛ kumo be ayabi daŋ n ya kaa dii a buu egbal so na nna.

Jɛnesis 49:24

Ama feeŋ yili n tu bumo nɛ fo enɔ lempo na e baa yɔ a ba manaŋ manaŋ, ŋkpal manɛ so, Enyɛnpetale Ebɔrɛ nɛ e la Jeekɔb be Ebɔrɛ nɛ Israɛl be Ebɔrɛ na e baa du fanɛ kefalta a kuŋ fo nsaa du fanɛ mbolpɔkpapo a keni fo so na e baa sa fo eleŋ.

Nshɛ 118:13

B daa kɔ ma kenishipereso nna; a daŋ ka gbrɛbi nɛ b pɔɔ ma so. Ama Enyɛnpe Ebɔrɛ na e daŋ chɛ ma to.

Nshɛ 64:3

Bumo be atuwebi bee besa nna fanɛ b ka ŋe esa kasaŋɛ na, nɛ bumo be mmalga du fanɛ b ka da esa ketanyembi na.

Baru lela nɛ Jɔn kute na 16:33

Ŋ kaŋɛ menyi asheŋ ere nna, saŋɛ na so, menyeeŋ bɔla ma so n nya kagbenewushi. Menyeeŋ nya tɔrɔ durnya ere to, ama men baa kɔ kagbene, ma e pɔɔ durnya ere so.”

Ashuŋ Shunso 14:22

Kumo be kaman nɛ b bɛta n yɔ Listra nɛ Ikoniam nɛ Pisidia be Antiɔk a wushi beyirdapoana na be ŋgbene nseŋ naa leŋ bumo to fanɛ b baa kɔ yirda nɛ kashenteŋto kpakpa. Le nɛ b daŋ naa kaŋɛ bumo: “An kikɛ beeŋ luri etɔrɔ damta to pɔɛŋ nseŋ luri Ebɔrɛ be kuwura na to.”