Jɛnesis 49:18 - EBƆRƐ BE KAWƆL

¹⁸ O, Enyɛnpe, mee jo fo kenya be kesɔnyige nna.

Jɛnesis 49:18 ပူးပေါင်းရင်းမြစ်များ

Jɛnesis 49:17

Dan, fo du fanɛ ekpakar be kuwɔ nna, kuwɔ nɛ k kɔ kɔrtɔ lubi, nɛ k bee duŋ gbaŋɛ be keya nɛ k kpa kumo be ediipo n ya lɛ kelela.

Nshɛ 119:166

O Enyɛnpe Ebɔrɛ, mee jo fo nna, nɛ fo mɔlga ma nɛ m bɛ fo kanase so.

Nshɛ 119:174

Enyɛnpe Ebɔrɛ, fo nɛ mee jo nɛ fo mɔlga ma, ŋkpal manɛ so, fo mbra e naa fuli ma kagbene.

Nshɛ 119:41

Enyɛnpe Ebɔrɛ, ŋini ma fo kasha nseŋ mɔlga ma, fanɛ kananɛ fo nase kɔnɔ na;

Nshɛ 123:2

Mbita bee keni bumo b bechepeana be anishito nna. Ama anyi ere bee keni fo, Enyɛnpe, anyi be Ebɔrɛ na, nɛ fo wu anyi kuwɔr nna.

Nshɛ 130:5

Ma kagbene kikɛ nɛ ŋ kɔ a jo Enyɛnpe Ebɔrɛ na! Ma tama kikɛ malɛ wɔ mbe kamalga na to nna.

Nshɛ 14:7

Israɛl be kumɔlga beeŋ shi Zayɔn nna. Enyɛnpe Ebɔrɛ na e naŋ shin nɛ asheŋ e naa nite nɛnɛ n sa bumo; nɛ Israɛlebi be ŋgbene e fuli bumo ga.

Nshɛ 40:1

N ta kanyiti nna n jo Enyɛnpe Ebɔrɛ na fanɛ e chɛ ma to, nɛ e nu ma kekule nseŋ chɛ ma to.

Nshɛ 62:1

Enyɛnpe Ebɔrɛ na to nɛ ma kiyoyu bee nya ewushi. Mo nawule e naa mɔlga ma.

Nshɛ 62:5

Enyɛnpe Ebɔrɛ na nawule e naa sa kagbenewushi; amoso mo so nɛ ma tama yil so.

Nshɛ 85:7

O Enyɛnpe Ebɔrɛ, ŋini anyi fo kasha nɛ k maŋ kɔ ekar na, nseŋ kumɔlga anyi.

Ɛksodɔs 15:2

Enyɛnpe Ebɔrɛ na e la ma elempo nɛ ma emɔlgapo. Meeŋ boŋ kashɛ ŋ dele mo. Mo e la ma Ebɔrɛ, amoso meeŋ di mo epaŋ. N tuto be Ebɔrɛ e la mo, amoso meeŋ fur mo.

Aŋasa 14:32

Belubiworapo gbagba be asheŋ lubi e naa mur bumo, ama belelaworapo bre be alela e naa kuŋ bumo.

Aizaaya 25:9

Jemanɛ na kaŋ fo, ekama beeŋ kaŋɛ le: “Mo e la anyi be Ebɔrɛ! An ta anyi be yirda n deŋi mo so, nɛ e mɔlga anyi. Mo e la Enyɛnpe Ebɔrɛ na! An ta anyi be yirda n deŋi mo so, nɛ anyi be ŋgbene fuli nɛ an nya kagbenewushi ŋkpal e ka mɔlga anyi so.”

Aizaaya 30:18

Ama amo nɛ amo kikɛ Enyɛnpe Ebɔrɛ na kraa jo nɛ e wu menyi kuwɔr nna. E wora shiriya nɛ e shu menyi so ŋkpal e kaa bee wora asheŋ nɛ a daga jemanɛ kikɛ na so. Kagbenefuli la bekama nɛ bumo be yirda wɔ Enyɛnpe Ebɔrɛ na to na peya nna.

Aizaaya 33:2

Jande, Enyɛnpe Ebɔrɛ, wu anyi kuwɔr. Fo nɛ an ta anyi be tama n deŋi so. Baa kuŋ anyi karechɛ kama nsaa mɔlga anyi ashi etɔrɔ to.

Aizaaya 36:8

To, meeŋ yili Asiriya be ewura be aya to nna nɛ ma nɛ menyi e ji n yili. Nɛ menyeeŋ tiŋ n nya egbaŋɛ be bediipo, ma alɛ beeŋ sa menyi egbaŋɛ ŋgboŋ anyɔ.

Aizaaya 8:17

Enyɛnpe Ebɔrɛ na ta mbe kumu nna ŋ ŋana mbe basa so, ama amo nɛ amo kikɛ ma ere kraŋ yirda mo nseŋ ta ma tama n wɔtɔ mo to nna.

Nfabel 3:25

Enyɛnpe Ebɔrɛ na la esa nna n sa ekama nɛ e ta mbe yirda n wɔtɔ mo to nsaa wora mo kasonu.

Hoziya 12:7

Le nɛ Enyɛnpe Ebɔrɛ na daŋ kaŋɛ: “Menyi Israɛl be basa gba maŋ naa ji kashenteŋ fanɛ Keenanebi. Men wɔtɔ nna a puni basa nɛ menyee tɔ asɔ bumo kutɔ na.

Maika 7:7

Ama ma ere bee keni Enyɛnpe Ebɔrɛ na be anishito nna nseŋ ta tama a jo mo nɛ e mɔlga ma. Ma Ebɔrɛ na malɛ beeŋ nu ma kekule.

Matiu 1:21

E beeŋ kurge ebinyɛn nɛ men nase mo ketre Yesu, ŋkpal manɛ so, mo e naaŋ mɔlga mbe basa ashi bumo be alubi to.”

Maak 15:43

Ŋkpal k ka daa la kachɛ nɛ k juŋkpar kewushiachɛ na, kebelase be kachɛ na so nɛ Josɛf ji kenyɛn n ya luri Pailat kutɔ n ya kule mo Yesu be kebuni.

Luuk 1:30

Nɛ malaika na kaŋɛ mo: “Mɛɛri, sa maa lɔ kufu, ŋkpal manɛ so, Ebɔrɛ bee sha kenɛfa fo nna.

Luuk 2:25

Kanyɛn ko malɛ daa wɔ Jerusalɛm nɛ baa tre mo Simiɔn. E daa la esa lela nna a bunyaŋ Ebɔrɛ nsaa jo jemanɛ nɛ Israɛlebi beeŋ nya kumɔlga. Kiyoyu Cheeŋ na daa wɔ mo to.

Luuk 2:30

ŋkpal manɛ so, ŋ gbagba be anishi e baŋ wu fo kumɔlga be kakɛ

Luuk 23:51

E daa la nshɛrwuraana na be eko nna, ama e daa maŋ sa bumo kashuli ashi kesheŋ nɛ b daŋ wora na to. E daa wɔtɔ nna a jo Ebɔrɛ be kuwura na be keba.

Romebi 8:19

Ebɔrɛ be kepɔrso kikɛ nyam malɛ baa jɔŋ kumo be aya so nna a jo saŋɛ nɛ Ebɔrɛ beeŋ lara mbe mbia efuli na.

Romebi 8:25

Ama nɛ an baa tama kusɔ nɛ anyi maŋ naŋ wu bre, kumo ere, kanyiti nɛ an kɔ a jo kumo.

Galeeshaebi 5:5

Kusɔ nɛ anyi ere bee tama e la fanɛ Ebɔrɛ beeŋ shin nɛ anyi nɛ mo e ba abar so. Mbe Kiyoyu na be eleŋ to so nɛ loŋ be kesheŋ beeŋ bɔla anyi be yirda to n wora, kumo be loŋ malɛ nɛ anyee jo na.

1 Tɛsalɔnikaebi 1:10

nɛ e shin nɛ e tiŋi luwu to na fanɛ e shi ebɔrɛso m ba. Mo koŋwule Yesu na e naa mɔlga anyi ashi Ebɔrɛ be agbo nɛ k bee ba na to.