Jɛnesis 49:11 - EBƆRƐ BE KAWƆL

¹¹ E beeŋ ba ta mbe kurmafɔlbi n chɛ m muni kefeelebi nɛ k bee sɔr asɔrso nɛ baa tre greep na be keyabi lela. E beeŋ ta nsa nɛ b ta kefeelebi be asɔrso nɛ baa tre greep na n wora nɛ a pere kpaw fanɛ ŋklaŋ na n fɔr mbe asɔbuuso. Kumo e naŋ ŋini fanɛ mbe ndibi sɔrso wora ga.

Jɛnesis 49:11 ပူးပေါင်းရင်းမြစ်များ

Jɛnesis 49:12

Mbe anishi beeŋ ba pere fanɛ nsa nɛ baa tre wain na, nɛ mbe anyii malɛ e fuli parr fanɛ kenyipochu na.

1 Bewura 4:20

Saŋɛ nɛ Sɔlɔmɔn daa la ewura na, Juda nɛ Israɛl be basa daa shibi ga nna fanɛ teku ase be shishɛr. Ama bumo kikɛ ka bee nya a ji nsaa nuu yɛlyɛla so, bumo kikɛ be ŋgbene daa fuli bumo nna.

1 Bewura 4:25

Juda nɛ Israɛl be efuli nɛ k yili Dan nɛ k wɔ kelargato be esoso n ya fo Bɛshiba ashi kelargato be kaseto kikɛ daa kɔ kayurwushi nna saŋɛ nɛ ewura Sɔlɔmɔn wɔ ŋkpa to na. Ekama nɛ mbe kanaŋ daa chena mbe kefeelebi nɛ k bee sɔr asɔrso nɛ baa tre greep na nɛ figi be ndibi be afito kagbenewushiso nna.

2 Bewura 18:32

n ya fo saŋɛ nɛ ewurgboŋ na beeŋ lɔŋɛ menyi n chena efuli nɛ k du fanɛ men gbagba be efuli, a kɔ ewaindibi be asɔrso nɛ menyeeŋ baa ta a wora eyabra, nɛ ayu nɛ men baa ta a wora ebodobodo, na so. K la kasawule nɛ k kɔ ɔlif be ŋku nɛ mushoŋ ga nna. Men baa kɔ kasonu n sa mo akoŋ maaŋ mɔ menyi ndoŋ kikɛ, menyeeŋ ba ji a moɛ. Men sa maŋ shin nɛ ewura Hɛzekaya e fule menyi nɛ men baa fɛ fanɛ Enyɛnpe Ebɔrɛ na beeŋ mɔlga menyi.

Jowɛl 3:18

Loŋ be kachɛ na ndibi nɛ b kɔ amo be asɔrso a wora nsa na beeŋ wora keshi nɛ asɔbɔya e chase abee so. Juda be efuli so be mbombi malɛ maaŋ naŋ wɔlto kikɛ. Nchu beeŋ shi bɔrɛlambu na to n shile n ya kaa luri ndibi nɛ baa tre akasia nɛ a yil ketaŋɛ to na to.

Eemɔs 9:13

Enyɛnpe Ebɔrɛ na yɛ: “Saŋko beeŋ ba nɛ menyi be ayu e wora a chɔ kananɛ menyeeŋ tiŋ n teŋi amo, nɛ menyi be asɔrso nɛ baa tre greep na e sɔr a chɔ kananɛ menyeeŋ tiŋ n wora amo be nsa. Nɛ menyi be greep be asɔrso be adɔ e sɔ abeeana so kikɛ.

Maika 4:4

Loŋ be jemanɛ na, ekama na beeŋ chena mbe ndibi sɔrso be kudɔ to nɛ kayurwushi nɛ esa kikɛ maaŋ naa funti mo. Ŋkpal manɛ so, Enyɛnpetale Ebɔrɛ na be kɔnɔ naseso nna na.

Ditɛronɔmi 32:14

Bumo be ana nɛ mboe sa bumo kenyipochu damta ga; Bashan be kasawule so nɛ bumo be mbolpɔ nɛ mboe nɛ ana daa ji. Bumo alɛ daŋ naa kɔ ayu lela nɛ yabra belbelso ga.

Ditɛronɔmi 8:7

Ŋkpal manɛ so, kasawule nɛ k kɔ mbombi nɛ achubu nɛ a bee bɔlɔ a shile a luri ataŋɛ to nɛ kepreŋsawule so kikɛ, nsaa wora adɔjibi ga na so nɛ Enyɛnpe menyi be Ebɔrɛ na kɔ menyi a yɔ so na.

Ditɛronɔmi 8:8

K la kasawule nɛ k beeŋ baa wora ayu nɛ amalo nɛ asɔrso be yiri yiri nsaa kɔ mushoŋ nna ga.

Kelaraŋŋini 14:20

Nɛ b nyaŋ asɔrso na ashi kusɔ nyaŋasɔrso na to ashi kadegboŋ na be ekarso nɛ ŋklaŋ lar asɔ na to ashi amo be kemaŋ na to n teŋi to n dese n fo emayɛl alfa anyɔ nɛ amo be jeŋgreŋ malɛ daŋ fo fanɛ kekargato be ayadra anu.

Kelaraŋŋini 19:18

n ji bewurgboŋana be eyurana nɛ benapo be benimuana be eyurana nɛ basa lempoana be eyurana nɛ egbaŋɛ nɛ amo be bediipo nɛ basa kikɛ be eyurana nɛ bumo nɛ b wɔ bumo be amu nɛ bumo nɛ b la anya nɛ bewurbi nɛ begboŋi kikɛ be eyurana.”

Kelaraŋŋini 7:14

Ndoŋ nna nɛ ŋ kaŋɛ mo le: “Ebunyampo, fo e nyi.” Nɛ e kaŋɛ ma: “Bumo e la basa nɛ b ji n lar tɔrɔgboŋ to na nseŋ fɔr bumo be epiŋi n ta amo n wɔtɔ Kpakpafɔlbi na be ŋklaŋ to nɛ a fuli parr na.

Kelaraŋŋini 7:7

Simiɔn be kanaŋ to ebi gba daa wɔ basa ŋgboŋ kuduanyɔ nɛ Livai be kanaŋ to ebi gba daa wɔ basa ŋgboŋ kuduanyɔ nɛ Isakar gba peya daa wɔ basa ŋgboŋ kuduanyɔ.