Jɛnesis 49:10 - EBƆRƐ BE KAWƆL

¹⁰ Juda e naaŋ ba kaa kɔ kuwurkpabi mbe enɔ to nɛ mbe kanaŋ to ebi malɛ e ba kaa ji kuwura basa so saŋkama. Efuli pɔtɛana so ebi beeŋ ba kaa bunyaŋ mo a gbir mo kumuli kasonuso.

Jɛnesis 49:10 ပူးပေါင်းရင်းမြစ်များ

2 Samuɛl 7:13

Mo e naŋ pɔr ma bɔrɛlambu n sa ma. Mo alɛ be kuwurji maaŋ loge kikɛ.

2 Samuɛl 7:16

Fo alɛ Deevid be kenana maa ba nɛ k mur kikɛ. Fo kuwurji beeŋ baa wɔtɔ hale mbaanaayɔ.”

1 Kronikɛls 12:39

Bumo nɛ Deevid kikɛ daŋ ji ndoŋ nchɛ asa nna nsaa ji ajibi a nuu asɔnuuso nɛ bumo kurgepoana bar bumo na.

Nshɛ 108:8

Fo yɛ, Giliad nɛ Manase be nsawule la feya nna; nɛ Efrayim la fanɛ fo kebɛlso be kusɔ kuŋkumuso, nɛ Juda malɛ la fanɛ fo kuwurkpabi.

Nshɛ 60:7

Fo yɛ Giliad nɛ Manase la feya nna, nɛ Efrayim la fo kebɛlso be kuwuro, nɛ Juda malɛ la fo kekpabi.

Nshɛ 60:9

Wanɛ e naaŋ yɛr ma kadegboŋ nɛ b pɔr egbal ŋ kulti na to? Wanɛ e naaŋ juŋkpar ma n yɔ Edɔm be efuli so?

Nshɛ 78:68

Juda be yiri to ebi nɛ Zayɔn be kebee nɛ e daa sha ga ashi Jerusalɛm to na nɛ e daŋ lara n yili n sa mbe kumu.

Aizaaya 11:10

Jemanɛ ko bee ba nɛ ewura popɔr nɛ e beeŋ shi ewura Deevid be kuwurji be kabuna na e baa la tɔɔnɛ n sa efuliana na. Baaŋ baa gama abar so mbe kuwurade to nsaa sa mo bunyaŋ.

Aizaaya 2:2

Lalaloge be nchɛ na to kebee nɛ Enyɛnpe Ebɔrɛ na be bɔrɛlambu na yil so na beeŋ ba ki abee kikɛ to be kejeŋgreŋ, nɛ efuli damtaana be basa e shile m ba kumo ase

Aizaaya 33:22

Enyɛnpe Ebɔrɛ na e la anyi be demujipo nɛ esa nɛ e bee ji kuwura anyi so. Mo e la anyi be ewura nɛ e bee kuŋ anyi nɛ an nya anyi be amu a wɔtɔ.

Aizaaya 42:1

Enyɛnpe Ebɔrɛ na yɛ: “Ma kenya nde, ma e naa sa mo eleŋ. Mo e la esa nɛ n lara, nɛ ma kagbene bee fuli mo so. N ta ma Kiyoyu nna n sa mo, nɛ e bar keji asheŋ nɛ amo be ekpa so ashi efuliana so.

Aizaaya 55:3

Ma basa, men nu n sa ma nseŋ ba ma kutɔ. Men ba ma kutɔ nseŋ nya ŋkpa! Ma nɛ menyi beeŋ kre kɔnɔkoŋwule be ŋkre nɛ k wɔtɔ mbaanaayɔ, saŋɛ na so meeŋ sa menyi enɛfa nɛ n nase amo be kɔnɔ n sa Ewura Deevid na.

Aizaaya 60:1

Jerusalɛmebi, men koso n nyɛkpɛ n fulto fanɛ epeŋi. Karechɛ popɔr bee chɛ menyi so nna na. Ŋkpal manɛ so, Enyɛnpe Ebɔrɛ be kemaŋkura nyaŋɛ n yuu menyi so nna!

Aizaaya 62:11

Kusɔ nɛ Enyɛnpe Ebɔrɛ na bee kaŋɛ nsaa sha fanɛ durnya to be basa kikɛ e nu nde: “Kaŋɛ basa nɛ b wɔ Jerusalɛm to fanɛ Enyɛnpe Ebɔrɛ na bee ba nɛ e ba mɔlga bumo. Men keni, basa nɛ e sɔ n yige na nɛ e kɔ a ba.”

Aizaaya 9:6

Ebɔrɛ sa anyi ebi ko! E sa anyi ebinyɛn! Mo e naŋ baa la anyi be ewura. Baaŋ tre mo Mamachi be asoetojipo, nɛ Ebɔrɛ Lempo nɛ Etuto nɛ e wɔtɔ Mbaanaayɔ nɛ Kayurwushi be Ewurbi.

Jɛremaya 30:21

Ma basa be ejuŋkparpo beeŋ shi bumo be efuli so nna, nɛ bumo be ewura e shi bumo gbagba be basa to. Nɛ m baŋ teŋi enɔ n tre mo e beeŋ ba ma kutɔ, ŋkpal manɛ so, esa kikɛ maŋ tiŋ m ba ma kutɔ nɛ m maŋ tre mo. Baaŋ baa la ma basa, nɛ ma alɛ e baa la bumo be Ebɔrɛ. Ma, Enyɛnpe Ebɔrɛ e kaŋɛ na.”

Jɛremaya 33:26

Aloŋ nɛ meeŋ bɛ kɔnɔ nɛ n nase n sa Jeekɔb be kaman to ebi nɛ ma kenya Deevid na so. Meeŋ lara ewura Deevid be kaman to be esa nɛ e ji kuwura ashi an nananyɛnana Eebraham nɛ Aizek nɛ Jeekɔb be mman to ebi so. Ma alɛ beeŋ wu ma basa kuwɔr nseŋ shin nɛ b naŋ nya asɔ nseŋ dii kedama.”

Ezikɛl 19:11

Kumo be ayabi daa kɔ eleŋ nna, nseŋ daa walɛ keku n wora kuwurkpabi. K daŋ daŋ n yɔ awɔlto a chɔ ndibi nɛ a ka na kikɛ nna. Ekama daŋ wu kumo be nteŋ nɛ ayabi damta.

Ezikɛl 19:14

Ndoŋ nna nɛ kumo be keyabi gboŋgboŋi ko pɛ edɛ; nɛ edɛ na bɛ kumo so n chɔɔ kumo be ayabi nɛ asɔrso kikɛ. Keyabi lempo kikɛ daŋ maŋ naŋ ka kumo so nɛ b ku n wora kuwurkpabi. Kashɛ ere la kagbenejija be kashɛ nna n daga kebaaboŋ kagbenejijaso.”

Ezikɛl 21:27

Meeŋ shin nɛ kadegboŋ na e mur! Kumo alɛ maaŋ naŋ ki kade kikɛ n ya fo fanɛ esa nɛ k la mo peya na ka beeŋ ba, nɛ n ta kumo n sa mo.

Ezikɛl 21:32

Menyeeŋ ki fanɛ ndibi puga edɛ, menyi be ŋklaŋ beeŋ wurge menyi be kasawule so nɛ esa kikɛ maaŋ naŋ nyiŋi menyi kikɛ; ŋkpal manɛ so, ma Enyɛnpe Ebɔrɛ na e malga na.”

Danɛl 9:25

A daga fo ka pin fanɛ yili saŋɛ nɛ ebɔl beeŋ ba kenishipereso fanɛ b naŋ lɔŋɛ Jerusalɛm m pɔr na, n ya fo saŋɛ nɛ ejuŋkparpo nɛ Ebɔrɛ lara na beeŋ ba na beeŋ baa la nfɛ adushunu be ntuŋ ashunu nna. Kumo be saŋɛ so baaŋ lɔŋɛ abɔrbi ashi Jerusalɛm to nseŋ kur kemaŋ ŋ kulti kumo a kuŋ kumo nɛ k yili n ya fo nfɛ shunu be ntuŋ adeshe nɛ anyɔ. Ama etɔrɔsheŋ damta beeŋ baa wɔ kumo to.

Hoziya 11:12

Enyɛnpe Ebɔrɛ yɛ: “Israɛl be basa ta efɛ nɛ kafule nna ŋ kulti ma, nɛ Juda malɛ be basa kini kenu n sa ma nɛ n la kashenteŋ be Ebɔrɛ nsaa du cheembi na.

Maika 5:1

Jerusalɛmebi, men gama men be benapo abar so n wora shiriya, ŋkpal manɛ so, bedoŋ kulti anyi nna n wɔtɔ! Baa fin kekɔ Israɛlebi be ewura kena ŋ ŋe mbe ketaya kedibi nna.

Heegai 2:7

Meeŋ baga efuliana na kikɛ to n shin nɛ b bar asɔ lela nɛ baa sha ga na nfe, nɛ ma kemaŋkura e bɔlɔ bɔrɛlambu ere kikɛ to.

Zakareya 10:11

B kaŋ bɔla bumo be etɔrɔbi nɛ e du fanɛ teku ere to a choŋ, ma, Enyɛnpe Ebɔrɛ na beeŋ yɔɔ atili na nseŋ shin nɛ Nail be lɔr nɛ k wɔ Ijipt be efuli so na be kechimbi to be nchu e feeto. Meeŋ shin nɛ Asiriyaebi be kamoowugboŋ na e ba kaseto, nɛ Ijiptebi e paŋ bumo be eleŋgboŋ na.

Zakareya 2:11

Loŋ be saŋɛ na efuli damtaana beeŋ ba Enyɛnpe Ebɔrɛ na kutɔ m ba ki mbe basa. E beeŋ ba chena menyi to nɛ men pin fanɛ mo e shuŋi ma menyi kutɔ.

Nɔmbɛs 21:18

An be bewurbi nɛ bejuŋkparpo e kur ketirbu na. Bumo be awurakpabi nɛ akpabi nɛ b ta n ŋini kakpa nɛ b kur kumo.” Kumo be kaman nɛ Israɛlebi na lar keshishɛrsawule na so n yɔ Mataana,

Nɔmbɛs 24:17

N wu fanɛ kachako so, Ewura ko beeŋ lar Israɛl be efuli so a du fanɛ kechɛkpabi nɛ k fulto parr na. E beeŋ lar fanɛ kuwurkpabi ashi Israɛl. E beeŋ mur Mowabebi kikɛ, nseŋ mur Sɛt be kaman to ebi cheche.

Nɔmbɛs 24:19

Ejuŋkparpo ko beeŋ ba lar Israɛl kachako m mur basa nɛ b ka kade na to kikɛ.”

Matiu 1:21

E beeŋ kurge ebinyɛn nɛ men nase mo ketre Yesu, ŋkpal manɛ so, mo e naaŋ mɔlga mbe basa ashi bumo be alubi to.”

Matiu 17:5

E kraa malga nna nɛ kuwɔlpa nyɛkpɛso ko lar nɛ kumo be kiyoyul ba buu bumo so nɛ ebɔl shi kuwɔlpa na to ŋ kaŋɛ: “M Pibinyɛn shaso nɛ ma kagbene fuli mo so ga nde. Men baa nu mbe kɔnɔ.”

Matiu 21:9

Le nɛ jimaŋ nɛ b daŋ juŋkpar mo na nɛ bumo nɛ b daŋ bɛ mo so na kikɛ daa ponte a kaŋɛ: “Hosana e baa wɔ Ewura Deevid mo Nanabi so. Nɛfa la esa nɛ e shi Enyɛnpe be ketre to a ba na peya nna. Hosana e baa la Enyɛnpetale peya.”

Matiu 25:32

Baaŋ shɛr efuliana kikɛ nyam ma anishito nɛ m barga basa ko ashi beko to fanɛ kananɛ mbolpɔkpapo bee barga mbolpɔ ashi mboe to na.

Baru lela nɛ Jɔn kute na 12:32

Ama nɛ b kaŋ maŋ ma so ashi kasawule ere so bre, meeŋ bar basa kikɛ ŋ kutɔ.”

Baru lela nɛ Jɔn kute na 18:31

Nɛ Pailat kaŋɛ bumo le: “Men gbagba e ta mo a yɔ n ya bɔla men gbagba be mbra so n ji mo demu n wɔtɔ luwu be kasogberge to.” Nɛ Juwebi na kaŋɛ mo: “An gbagba maŋ kɔ ekpa nɛ an tiŋ m mɔ esa ai.”

Baru lela nɛ Jɔn kute na 19:12

Pailat ka nu kesheŋ na nɛ e wora ania nɛ e shin nɛ Yesu e nya mbe kumu a yɔ, ama Juwebi na daa maŋ shuli nsaa ponte a kaŋɛ le: “Fo baŋ shin nɛ kanyɛn ere nya mbe kumu n yɔ jiga, kumo ere mannɛ fo teri e la Ewurgboŋ Siza, ŋkpal manɛ so, esa kama nɛ e bee tre mbe kumu ewura bee kɔ Ewurgboŋ Siza be eleŋ nna na.”

Baru lela nɛ Jɔn kute na 19:15

Ndoŋ nna nɛ b ponte ŋ kaŋɛ: “Men mɔ mo, men mɔ mo. Men gbir mo m mata kedibi largato so!” Nɛ Pailat bishi bumo: “Ŋ gbir menyi be ewura m mata kedibi largato so a?” Nɛ bɔrɛmatapowuraana na kaŋɛ mo le: “Anyi maŋ kɔ ewura kama n naŋ ti Siza so.”

Baru lela nɛ Jɔn kute na 9:7

“Yɔ Sailowam be kepa to n ya fɔr amo n lɛ ndoŋ.” Sailowam be kifito e la Shuŋi. Ndoŋ nna nɛ kanyɛn na yɔ ndoŋ n ya fɔr nseŋ fara a wu a ba.

Romebi 15:12

Ade malɛ gba kikɛ be kaman le nɛ anebi Aizaaya yɛ: “Jɛsi be kenanabi beeŋ ba kachako m ba lar n ji nnyamase so kuwura nɛ b ta bumo be tama kikɛ n deŋi mo so.”

2 Kɔrintebi 5:10

Ŋkpal manɛ so, kachako an kikɛ beeŋ yili Kristo be anishito nɛ e ji anyi demu. Ekama beeŋ nya kusɔ nɛ k daga mo ŋkpal kusɔ nɛ amodoŋwura wora ashi mbe eyur ere to so, kelela ŋko kulubi.

Hibruwebi 7:14

Ŋkpal manɛ so, k baŋ fuli nna fanɛ Juda be kanaŋ to nɛ an Nyɛnpe na lar. Mosis malɛ maŋ malga shɛŋ ŋ kaŋɛ fanɛ kanaŋ na ti bɔrɛmatapoana na so.

Kelaraŋŋini 11:15

Ndoŋ nna nɛ malaika shunusopo na foŋ mbe kabel nɛ awɔr damtaana chɛ ashi ebɔrɛso a kaŋɛ le: “Eleŋ mo nɛ k bee ji kuwura durnya ere so na ki an Nyɛnpe nɛ mbe Kristo peya, mo alɛ beeŋ ji kuwura na mbaanaayɔ.”