Jɛnesis 49:1 - EBƆRƐ BE KAWƆL

¹ Kachako nɛ Jeekɔb kaŋɛ mbe bibinyɛnana na le: “Men gbargbar abar m ba ma anishito nɛ ŋ kaŋɛ menyi kusɔ nɛ k beeŋ nya menyi echefoso be asheŋ.

Jɛnesis 49:1 ပူးပေါင်းရင်းမြစ်များ

Nshɛ 105:15

E yɛ: “Men sa maŋ kaa tɔrɔ bejuŋkparpo nɛ n lara na, ŋko ma anebiana!”

Nshɛ 25:14

Enyɛnpe Ebɔrɛ, fo nɛ basa nɛ baa ŋana fo bee ji keteri nna. Fo e naa shin nɛ baa pin kɔnɔ naseso be ŋkre nɛ fo nase dra na n sa fo basa na.

Aizaaya 2:2

Lalaloge be nchɛ na to kebee nɛ Enyɛnpe Ebɔrɛ na be bɔrɛlambu na yil so na beeŋ ba ki abee kikɛ to be kejeŋgreŋ, nɛ efuli damtaana be basa e shile m ba kumo ase

Aizaaya 22:14

Ndoŋ nna nɛ Enyɛnpetale Ebɔrɛ na gbagba bɔ ntaŋ ŋ kaŋɛ ma le: “B maaŋ nya kulubi nɛ b wora ere be ketampaŋ ashi bumo be ŋkpa kikɛ to. Ma, Enyɛnpetale Ewurbɔrɛ na e kaŋɛ na.”

Aizaaya 39:6

jemanɛ ko bee ba nɛ b ba sulɔ kusɔ kama nɛ k wɔ ewurkpa nfe nɛ asɔ kama nɛ fo nananyɛnana fin n yili hale m ba fo kabre na kikɛ n yɔ Babilɔn be efuli so. Shɛŋ shɛŋ maaŋ naŋ ka a wɔ nfe!

Aizaaya 48:14

Men kikɛ e gama abar so nseŋ nu nfe! Agbirana na be kekama maaŋ tiŋ n wu ŋ kaŋɛ fanɛ esa nɛ n lara na e naaŋ kɔ Babilɔn be efuli kena, ŋko n wu ŋ kaŋɛ fanɛ e beeŋ wora kusɔ nɛ ŋ kaŋɛ fanɛ e wora na.

Aizaaya 53:1

Ndoŋ nna nɛ basa na malɛ bishi le: “Wanɛ e naaŋ yirda kubɔya nɛ anyee nu ere? Wanɛ e daŋ wu Enyɛnpe Ebɔrɛ be eleŋgboŋ ka shuŋ le?

Jɛremaya 23:20

Kumo alɛ maaŋ yige n ya fo fanɛ e ka beeŋ wora kusɔ kama nɛ e kre kewora na nna. Kachako bee ba nɛ ma basa e pin ade kikɛ ere to nɛnɛ.”

Danɛl 10:1

Sairus ka ji kuwura ashi Pɛshiya be kasawule so be kafɛ sasopo to nɛ Ebɔrɛ lara kubɔya ere n sa Danɛl nɛ mbe ketre ko bee ji Bɛlteshaaza na. Kubɔya na daa la kashenteŋ nna nsaa malga kenagboŋ ko be asheŋ. Kumo alɛ be kepin to daa du kpakpa nna. Bɔrɛdare to nɛ b daŋ bugi kumo to ŋ kaŋɛ mo.

Danɛl 10:14

M ba nna nɛ m ba bugi asheŋ to n sa fo nɛ fo pin kusɔ nɛ k beeŋ wora fo basa kachako so, ŋkpal manɛ so bɔrɛdare na bee ŋini kachako so be asheŋ nɛ a beeŋ wora nna.”

Danɛl 2:47

Nseŋ kaŋɛ Danɛl le: “Fo Ebɔrɛ na e kɔ eleŋ a chɔ agbirana kikɛ. Mo e la bewuraana kikɛ be Enyɛnpe, Mo alɛ e naa tiŋ a lara alemaŋkarsheŋ be wulo efuli. M pin le be kesheŋ ere nna ŋkpal fo ka tiŋ m bugi alemaŋkarsheŋ be wulo ere be kifito so.”

Eemɔs 3:7

Kashenteŋto, Enyɛnpetale maa kre kusɔ ko be kewora nɛ e maŋ lara kumo ŋ ŋini mbe nyɛrbi nɛ b la anebiana na.

Maika 4:1

Lalaloge be nchɛ na to kebee nɛ Enyɛnpe Ebɔrɛ be bɔrɛlambu na yil so na e naŋ ba ki abee kikɛ to be kejeŋgreŋ ga. K beeŋ baa du jeŋgreŋ a chɔ abee kikɛ nyam, nɛ efuliana na kikɛ be basa e shile m ba kumo ase

Nɔmbɛs 24:14

Kumo be kaman nɛ Balaam kaŋɛ Ewura Balak le: “Naniere bre mee bɛta a yɔ epe nna na, ama kefiɛso nɛ ŋ kɔ a sa fo a laŋɛ kusɔ nɛ Israɛlebi beeŋ wora menyi kachako so nde.”

Luuk 2:26

Kiyoyu Cheeŋ na malɛ e daŋ ŋini mo fanɛ e maŋ wu Kristo nɛ Enyɛnpe nase kɔnɔ fanɛ e beeŋ sa na, e maaŋ wu.

Ashuŋ Shunso 2:17

‘Le nɛ meeŋ wora lalaloge be nchɛ na to: Meeŋ shin nɛ ma Kiyoyu e ba basa kikɛ to. Menyi be mbrantiɛbi beeŋ ku bɔrɛdareana nɛ menyi be benyɛnnimu e ku abɔrɛsheŋ be edareana nɛ menyi be mbinyɛnbi nɛ mbichebi e wu abɔrɛsheŋ ŋ kaŋɛ.

Ditɛronɔmi 31:12

Menyeeŋ tre benyɛn nɛ beche nɛ mbia nɛ befɔ nɛ b tu menyi n chena men be ndeana to na n shɛr; saŋɛ na so, bumo be ekama beeŋ nu mbra na nseŋ koya kebaabunyaŋ Enyɛnpe menyi be Ebɔrɛ na a wora mbe mbraana kasonu kashenteŋto.

1 Timoti 4:1

Kiyoyu Cheeŋ na baŋ kaŋɛ geeŋ fanɛ lalaloge be nchɛ ere to basa ko beeŋ lar kashenteŋ be keŋini ere to nsaa nu a sa efɛ be mbuibi lubi a wɔtɔ a koya amo be keŋini.

2 Timoti 3:1

Baa nyi fanɛ lalaloge be nchɛ na to, tɔrɔ damta beeŋ tɔr basa so.

Hibruwebi 1:2

Ama naniere, lalaloge be nchɛ ere bre to mo Pibinyɛn so nɛ e bɔla m malga n sa anyi. Mo Pibinyɛn na so nɛ e to esoso nɛ kasawule kikɛ. Ebi na malɛ nɛ e lara fanɛ mo e naaŋ ba kaa wɔ kusɔ kikɛ.

Hibruwebi 13:1

Men ba kraa wɔtɔ a sha abar fanɛ keniopibiana ashi Kristo to.

Kelaraŋŋini 4:1

Ade kikɛ be kaman nɛ ŋ keni nɛ kabuna bugi a yil ebɔrɛso. Nɛ ebɔl mo nɛ n daŋ juŋkpar n nu nɛ k bee malga ŋ kutɔ fanɛ kabel na kaŋɛ ma le: “Dii m ba nfe nɛ ŋ ŋini fo asɔ nɛ a beeŋ wora asheŋ ere kikɛ be kaman.”