Jɛnesis 48:9 - EBƆRƐ BE KAWƆL

⁹ Nɛ Josɛf kaŋɛ mo: “Ma mbia nɛ Ebɔrɛ sa ma Ijipt nfe nna na.” Nɛ Jeekɔb kaŋɛ mo: “Keta bumo m ba ma kutɔ nfe nɛ n nɛfa bumo.”

Jɛnesis 48:9 ပူးပေါင်းရင်းမြစ်များ

Jɛnesis 27:4

Fo kaŋ bar loŋ be eblaŋ na fo ta kumo n daŋɛ ajibi belbelso mo nɛ mee sha ga na m ba sa ma nɛ n ji n nɛfa fo pɔɛŋ nseŋ wu.”

Jɛnesis 30:2

Ndoŋ nna nɛ Jeekɔb nya agbo n wora Reechel nseŋ bishi mo: “N la Ebɔrɛ nna a? Mo nawule e naŋ teŋ shin nɛ fo kurge, mannɛ ma.”

Jɛnesis 33:5

Kumo be kaman nɛ Isɔɔ ki ŋ keni n wu beche na nɛ bumo be mbia na nseŋ bishi Jeekɔb le: “Fo nɛ basa mo malɛ nna?” Nɛ Jeekɔb kaŋɛ: “Mbia nɛ Ebɔrɛ wu ma kuwɔr n sa ma, fo kenya nna.”

Jɛnesis 49:28

To, bede kikɛ e la Israɛl be nnaŋ kuduanyɔ na be bejuŋkparpo nna. Asɔ nɛ bumo tuto malɛ daŋ nɛfa bumo nseŋ kaŋɛ ŋ kaŋɛ bumo kukoko to a yɔ ekama be da be kaplɛa so nna na.

1 Kronikɛls 25:5

Heman daa la ewura na be anebi ko nna nɛ Ebɔrɛ ta mbinyɛnsobi kuduana ere nɛ mbicheso asa n nɛfa mo.

Nshɛ 127:3

Enyɛnpe Ebɔrɛ na e naa sa basa mbia, nɛ mbia na e baa la nɛfa n sa bumo.

Aizaaya 8:18

Ma nɛ mbia nɛ Enyɛnpe Ebɔrɛ na sa ma na nde. Enyɛnpetale Ebɔrɛ nɛ mbe kuwurputi wɔ kebee nɛ baa tre Zayɔn na so na e shuŋi anyi fanɛ kasokpele be tɔɔnɛ n sa Israɛl be basa.

Ditɛronɔmi 33:1

Mosis daa la anebi nna, amoso pɔɛŋ nɛ e wu na le nɛ e daŋ nɛfa Israɛl be eyiriana na ŋ kaŋɛ:

Hibruwebi 11:21

Yirda so nɛ Jeekɔb daa shin nɛ e wu nseŋ daŋ nɛfa n nɛfa Josɛf be mbia na. E daa yirgi mbe kekpabi so nna nseŋ daa bunyaŋ Ebɔrɛ.

1 Samuɛl 1:20

Ndoŋ nna nɛ e di kedampo ŋ kurge ebinyɛn, nseŋ fɛ mbe kumu to le: “Ŋ kule Enyɛnpe Ebɔrɛ nna nɛ e sa ma mo.” Amoso e daŋ nase mbe ketre Samuɛl nna.

1 Samuɛl 1:27

Ŋ kule Enyɛnpe Ebɔrɛ kebia ere nna nɛ mo alɛ sa ma kusɔ nɛ ŋ kule na gbagba.