Jɛnesis 48:7 - EBƆRƐ BE KAWƆL

⁷ Mɛsopoteemia nɛ n daŋ shi a ba nɛ fo nio Reechel wu Keenan be kasawule so n ta kagbenejija damta n lɛ ma so. Kumo be saŋɛ na so nɛ anyi nɛ Efrat nɛ baa tre Bɛtlɛhɛm na maŋ naa wɔ kufɔ. Amoso n daŋ puli mo nna m mata Efrat be ekpa to ndoŋ.”

Jɛnesis 48:7 ပူးပေါင်းရင်းမြစ်များ

Jɛnesis 25:20

Aizek malɛ daŋ ji nfɛ adena nna pɔɛŋ nseŋ ta Rebɛka nɛ mo tuto daa la Bɛtuwɛl, Mɛsopoteemia be esa na. Rebɛka mo siponyɛn malɛ e daa la Leeban.

Jɛnesis 33:18

Jeekɔb ka shi Mɛsopoteemia be efuli so m ba nɛ alenfia nɛ ya chena m mata kadegboŋ nɛ baa tre Shɛkɛm nɛ k wɔ Keenan be kasawule so na.

Jɛnesis 35:20

Jeekɔb daŋ yuu ndulgi be kejembu nna n yili mbe nchaŋ so. Hale kabre loŋ be ndulgi be kejembu na kraa yil Reechel be nchaŋ na so.

Jɛnesis 35:9

Jeekɔb ka bɛta n shi Mɛsopoteemia be efuli so a yɔ Keenan na nɛ Ebɔrɛ naŋ lara mbe kumu ŋ ŋini mo nseŋ nɛfa mo

Jɛnesis 48:6

Ama bibinyɛn kama nɛ fo naŋ kurge bumo be kaman beeŋ baa la feya. Ma kapetɛ kama nɛ loŋ be mbia na bre beeŋ nya beeŋ bɔla Efreim nɛ Manase so nna.

Maika 5:2

Ama Enyɛnpe Ebɔrɛ na yɛ: “Bɛtlɛhɛm Efrata, fo la Juda be efuli so be ndewurbiana na be kuko nna, ama fo to nɛ meeŋ lara esa nɛ e beeŋ ba ji Israɛl be efuli so be kuwura. Dra dra na kikɛ nɛ mbe kanaŋ jɔŋɛ.”

Matiu 2:18

“Awɔr shi Raama to n cha m ba, baa boŋ to nna a shu. Reechel e naa kpal mbe mbia kikɛ ka maŋ naa wɔtɔ so a shu, nɛ basa bee wushi mo kagbene a gben.”

Ruf be kawɔl 1:2

Kanyɛn na be ketre e daa la Elimelɛk nɛ mbe eche malɛ daa la Nawomi. Bumo be mbinyɛnbi anyɔ na malɛ be eko be ketre daa la Maalon nɛ enyɔsopo malɛ daa la Chilion. B daŋ shi Efrat be kanaŋ to nna ashi Bɛtlɛhɛm nɛ k wɔ Juda be efuli so na, n yɔ Mowab n ya kaa wɔtɔ.

1 Samuɛl 1:1

Kanyɛn ko e daa wɔ Raama ashi Efrayim be efuli so be kakpa nɛ abee wɔ na nɛ baa tre mo Ɛlkana. Ɛlkana mo tuto e daa la Jeroham nɛ mo nananyɛn malɛ daa la Elihu nɛ Elihu malɛ mo tuto daa la Tohu nɛ Tohu malɛ mo tuto daa la Zuuf.

1 Samuɛl 10:2

Fo baŋ lar ma kutɔ kabre a yɔ feeŋ ya tu benyɛn anyɔ ko a mata Reechel be nchaŋ nɛ k mata Zelza ashi Bɛnjamin be efuli so na. Baaŋ kaŋɛ fo fanɛ: B wu ekurma nɛ menyee fin na. Amoso naniere fo asheŋ e naa tir fo tuto nɛ e bee fɛ kananɛ e beeŋ wora n wu fo, mannɛ ekurma na bre.”

1 Samuɛl 16:4

Ndoŋ nna nɛ Samuɛl wora kusɔ nɛ Enyɛnpe Ebɔrɛ kaŋɛ fanɛ e wora na nseŋ yɔ Bɛtlɛhɛm, nɛ ndoŋ be benimuana na ba mo kutɔ m ba kaa chicha kufuso, nseŋ bishi le: “Kagbenewushi so nɛ fo ba ere a?”

1 Samuɛl 17:12

Deevid mo tuto e daa la Jɛsi nɛ e la Efrat be kanaŋ to be esa nsaa shi Bɛtlɛhɛm nɛ k wɔ Juda be efuliso na. Jɛsi daa kɔ mbia aburwa nna, ama saŋɛ nɛ Sɔɔl daa la ewura na nɛ e teŋ bel ga.