Jɛnesis 48:5 - EBƆRƐ BE KAWƆL

⁵ E ka kaŋɛ kusɔ nɛ Ebɔrɛ daŋ kaŋɛ mo na nɛ e naŋ kaŋɛ Josɛf le: “Fo bibinyɛn Efreim nɛ Manase nɛ fo kurge Ijipt pɔɛŋ nɛ m ba nfe na gba ki ma mbia nna fanɛ kananɛ Ruben nɛ Simiɔn baa la ma mbia ere.

Jɛnesis 48:5 ပူးပေါင်းရင်းမြစ်များ

Jɛnesis 46:20

Bibinyɛn anyɔ nɛ baa tre Manase nɛ Efrayim na nɛ Or be kegbirwura Potifera pibiche Asenat daŋ kurge n sa Josɛf ashi Ijipt.

Jɛnesis 48:1

Kachako nɛ b kaŋɛ Josɛf fanɛ mo tuto bee lɔ. Ndoŋ nna nɛ e koso ŋ keta mbe bibinyɛn anyɔ na, Manase nɛ Efreim n ti mbe kumu so n yɔ nɛ e ya keni mo.

Jɛnesis 48:6

Ama bibinyɛn kama nɛ fo naŋ kurge bumo be kaman beeŋ baa la feya. Ma kapetɛ kama nɛ loŋ be mbia na bre beeŋ nya beeŋ bɔla Efreim nɛ Manase so nna.

Nshɛ 77:16

O Ebɔrɛ, kewora fanɛ teku be nchu na ka wu fo, kufu pɛ amo nna nɛ kumo be kechimbi to baga to m pulgi to kufuso.

Aizaaya 43:1

Israɛl be basa, Enyɛnpe Ebɔrɛ nɛ e to menyi na yɛ: “Men sa maa lɔ kufu, meeŋ mɔlga menyi. Ma e ti menyi be atre n tre menyi. Men la ma basa nna.

Ezikɛl 16:8

Ŋ ka naŋ ba wu fo nɛ m pin fanɛ naniere fo ki eche nna n loge na, nɛ n ta ŋ gbagba be kusɔbuuso m buu fo kayurkpaŋ so. Kumo be kaman nɛ n nase kɔnɔ n sa fo nseŋ bɔ ntaŋ fanɛ feeŋ baa la meya nɛ ma, Enyɛnpetale Ebɔrɛ na e baa keni fo so.

Ezikɛl 47:13

Ade kikɛ be kaman, nɛ Enyɛnpetale Ebɔrɛ na naŋ kaŋɛ Israɛl be basa na le: “Kananɛ kasawule nɛ menyeeŋ chige to n sa Israɛl be eyiri kudu anyɔ na be egbaŋ daga fanɛ a baa du nde. Josɛf be eyiri anyɔ nɛ baa tre Manase nɛ Efrayim na beeŋ nya mboŋ anyɔ.

Levitikɔs 20:26

Men baa du cheembi nsaa la n nawule be basa, ŋkpal manɛ so, ma, Enyɛnpe Ebɔrɛ na du cheembi nna. Ma alɛ e lara menyi n yili nɛ men baa kɔr efuli pɔtɛana be basa to, saŋɛ na so menyeeŋ baa la ma nawule peya.

Malakai 3:17

Enyɛnpetale na yɛ: “Baaŋ baa la ma basa. Kachɛ nɛ ŋ gbagba beeŋ ba ji asheŋ nɛ amo be ekpa so na meeŋ kuŋ bumo fanɛ kananɛ etuto bee kuŋ ebi nɛ e kɔ kasonu n sa mo na.

Nɔmbɛs 1:10

nɛ Amihuud pibinyɛn Eliashama shi Efreim be yiri to nɛ Pɛdazur pibinyɛn Gamaliɛl shi Manase be yiri to

2 Kɔrintebi 6:18

Ma, Enyɛnpetale e naa yɛ menyi na fanɛ meeŋ baa la men tuto nɛ menyi alɛ e baa la ma mbinyɛnsoana nɛ mbichesoana.”

Ɛfesesebi 1:5

Ŋkpal mbe kasha so, mo ere Ebɔrɛ na yili kumo nna dra dra na kikɛ fanɛ e beeŋ bɔla Yesu Kristo to m bar anyi mo gbagba kutɔ fanɛ mbe mbia. Kusɔ nɛ k baa par mo nseŋ naa la kusɔ nɛ e yili nna na.

Hibruwebi 11:21

Yirda so nɛ Jeekɔb daa shin nɛ e wu nseŋ daŋ nɛfa n nɛfa Josɛf be mbia na. E daa yirgi mbe kekpabi so nna nseŋ daa bunyaŋ Ebɔrɛ.

Joshuwa 13:7

Barga kumo to n sa Israɛl be eyiri akpanu nɛ a ka na nɛ Manase be yiri to be basa be bargato nɛ b ka na.”