Jɛnesis 48:4 - EBƆRƐ BE KAWƆL

⁴ nseŋ kaŋɛ ma le: ‘Meeŋ sa fo mbia damta nɛ b wora keshi ŋ ki efuli damtawuraana. Meeŋ ta kasawule ere n sa fo kanaŋ to ebi nɛ k baa la bumo peya mbaanaayɔ.’ ”

Jɛnesis 48:4 ပူးပေါင်းရင်းမြစ်များ

Jɛnesis 12:2

Meeŋ shin nɛ fo ki kanaŋgboŋwura nsaa kɔ efuligboŋ. Meeŋ nɛfa fo n shin nɛ fo ketre e dii, nɛ fo ki nɛfa n sa basa kikɛ.

Jɛnesis 17:13

Ekama nɛ b kurge ashi menyi pe nɛ emo nɛ men ta menyi be amansherbi n tɔ efɔ kikɛ kutɔ gba daga fanɛ b ku mo kututu. Saŋɛ na so ma kɔnɔkoŋwule be ŋkre na be tɔɔnɛ beeŋ baa wɔ menyi be eyur so mbaanaayɔ.

Jɛnesis 17:6

Meeŋ shin nɛ fo mbia e wora keshi nɛ efuli damtaana nɛ bewuraana e shi bumo to n lar.

Jɛnesis 17:8

Ade kikɛ be kaman, meeŋ ta Keenan be kasawule mo nɛ men la befɔ ashi kumo so naniere ere n sa fo nɛ k ki fo nɛ fo kaman to ebi be kapetɛ mbaanaayɔ nɛ ma alɛ e baa la bumo be Ebɔrɛ.”

Jɛnesis 22:17

meeŋ nɛfa fo kashenteŋto nseŋ shin nɛ fo kaman to ebi e baa shi fanɛ awɔlpa to be achɛkpabi nɛ teku ase be shishɛr na. Fo kaman to ebi beeŋ ba koso m pɔɔ bumo doŋana so n sɔ bumo be ndeana.

Jɛnesis 26:4

Meeŋ shin nɛ fo kaman to ebi e wora keshi a sa fanɛ awɔlpa to be achɛkpabi nɛ n ta nsawule ere kikɛ n sa bumo nseŋ bɔla bumo so n nɛfa efuli kama so ebi durnya to.

Jɛnesis 28:3

Ebɔrɛ Enyɛnpetale na e nɛfa fo nseŋ sa fo mbia be kanya nɛ fo ba ki basa damta bumo tuto.

Jɛnesis 32:12

Ama fo alɛ kaŋɛ fanɛ feeŋ shin nɛ ŋ ki asɔwura nseŋ shin nɛ ma kanaŋ e salga fanɛ teku ase be leele nɛ esa maaŋ tiŋ ŋ karga na.”

Jɛnesis 35:11

Kede be kaman nɛ Ebɔrɛ naŋ kaŋɛ mo: “Ma e la Enyɛnpetale Ebɔrɛ na. Meeŋ shin nɛ fo mbia e ba kaa shi ŋ ki efuli damtaana be amuwuraana nɛ bumo be beko e ki bewura.

Jɛnesis 46:3

Nɛ Ebɔrɛ kaŋɛ: “Ma, Enyɛnpe Ebɔrɛ, fo tuto be Ebɔrɛ na e naa malga na. Sa maŋ kaa lɔ keyɔ Ijipt be kufu, ŋkpal manɛ so, meeŋ ya ta fo nɛ fo kanaŋ to ebi ŋ ki efuli lempo ndoŋ.

Jɛnesis 47:27

Israɛlebi na daŋ chena Ijipt be kakpa nɛ baa tre Goshen na nna n dii dama nseŋ nya mbia damta n ti so.

Nshɛ 127:3

Enyɛnpe Ebɔrɛ na e naa sa basa mbia, nɛ mbia na e baa la nɛfa n sa bumo.

Ɛksodɔs 1:11

Ndoŋ nna nɛ Ijiptebi na lara basa fanɛ benyɛnpe nɛ baaŋ baa keni Israɛlebi na so fanɛ anya. Ndoŋ nna nɛ b ta kanyaŋ be kushuŋ a tɔrɔ Israɛlebi na nseŋ shin nɛ b pɔr nde nɛ baa tre Pitɔm nɛ Rameses na n sa ewura Fɛɛro nɛ e baa ta mbe asɔ a yili to ndoŋ.

Ɛksodɔs 1:7

Ama bumo be kaman to ebi, Israɛlebi na, daa kurge nna ga n wora keshi n sɔ kasawule na so kikɛ.

Ezikɛl 37:25

Kasawule nɛ n ta n sa ma kayɛrbi Jeekɔb na so nɛ baaŋ chena, kakpa nɛ bumo nanaana daŋ chena na. Bumo nɛ bumo be mbia nɛ kaman to ebi kikɛ beeŋ chena kumo so hale mbaanaayɔ, nɛ ewura nɛ e du fanɛ ma kayɛrbi Deevid na e baa ji bumo so kuwura.

Levitikɔs 26:9

Meeŋ nɛfa menyi nseŋ sa menyi mbia damta. Ma alɛ beeŋ bɛ kɔnɔkoŋwule be ŋkre nɛ ma nɛ menyi kre na so.

Ditɛronɔmi 32:8

Enyɛnpetale Ebɔrɛ na e naa sa efuli kama so ebi nsawule; mo e naa ŋini basa kakpa nɛ baaŋ chena.