Jɛnesis 48:22 - EBƆRƐ BE KAWƆL

²² Ma alɛ bee sa fo kasawule nɛ k chɔ fo daana peya ŋkpal fo ka beeŋ ba ka chɔ bumo so so. Loŋ be kasawule na nɛ n daŋ ta ma tokobi nɛ keta ŋ kɔ n sɔ ashi Ammɔnebi kutɔ na.”

Jɛnesis 48:22 ပူးပေါင်းရင်းမြစ်များ

Jɛnesis 15:16

Fo kenanagbiramuli be jemanɛ to nɛ baaŋ naŋ bɛta m ba kasawule ere so. Loŋ be saŋɛ na nɛ Amɔriebi be alubi wora keshi ga nseŋ daga kasogberge.”

Jɛnesis 33:19

Gbiti be ndarbi kalfa nɛ Jeekɔb daŋ ta n tɔ kasawule nɛ e chena so na ashi Hamar be mbia kutɔ. Hamar ere e daa la Shɛkɛm mo tuto na.

Jɛnesis 34:28

B daŋ pɛ bumo be mbolpɔ nɛ ana nɛ ekurma nna, nseŋ ta bumo be asɔ kama nɛ b kɔ epe nɛ ndɔana to kikɛ.

1 Kronikɛls 1:14

Keenan malɛ be kenana e daa la Jebusiebi nɛ Amɔriebi nɛ Gɛgashebi,

1 Kronikɛls 5:2

Juda be yiri na e daa kɔ eleŋ ga, hale nɛ Israɛl be ejuŋkparpo gba bɔla kanaŋ na to m ba, ama amo nɛ amo kikɛ Josɛf be kanaŋ e nya kuwurkoŋ na be eyilikpa.

Ezikɛl 47:13

Ade kikɛ be kaman, nɛ Enyɛnpetale Ebɔrɛ na naŋ kaŋɛ Israɛl be basa na le: “Kananɛ kasawule nɛ menyeeŋ chige to n sa Israɛl be eyiri kudu anyɔ na be egbaŋ daga fanɛ a baa du nde. Josɛf be eyiri anyɔ nɛ baa tre Manase nɛ Efrayim na beeŋ nya mboŋ anyɔ.

Eemɔs 2:9

Ama ŋkpal bumo so, nɛ m mur Amɔriebi nɛ b daa wɔ nteŋ fanɛ ndibi tenteŋ nɛ baa tre Sida na, nsaa kɔ eleŋ malɛ fanɛ ndibi gboŋgboŋi lempo na. N daŋ mur bumo be ayabi nɛ achin kikɛ nna cheche.

Baru lela nɛ Jɔn kute na 4:5

E ta loŋ m ba fo kade ko nɛ baa tre Sikaa ashi Samɛria. Sikaa nɛ kasawule nɛ Jeekɔb daŋ ta n sa mo pibi Josɛf na daa maŋ wɔ kufɔ.

Ditɛronɔmi 21:17

A daga fanɛ e ta mbe kapetɛ na be ntuŋ anyɔso nna n sa mbe wurkoŋnyɛn na, hale e ka maŋ la mbe eche shaso pibinyɛn ere gba. Enyɛn daga e baa keni mbe wurkoŋnyɛn nna a bɔlɔ kenishi nsaa sa mo mbe kapetɛ be kachige nɛ k la wurkoŋnyɛn peya mbra be ekpa so.

Joshuwa 24:32

Kasawule nɛ Jeekɔb daŋ tɔ Shɛchem pibi Hamɔn be mbia kutɔ gbiti be ndarbi kalfa na so nɛ Israɛlebi na daŋ ta Josɛf be awibi ashi Ijipt m ba puli. Josɛf be kanaŋ to ebi e naa ji kasawule na be kapetɛ.

Demujipoana 11:23

Kananɛ Enyɛnpe, Israɛl be Ebɔrɛ na pɔɔ Amɔriebi so n sɔ kasawule na n sa bumo ere, nuso be ekpa nɛ fo alɛ kɔ nɛ fo tiŋ n sɔ kumo ashi bumo kutɔ?