Jɛnesis 48:21 - EBƆRƐ BE KAWƆL

²¹ Kumo be kaman nɛ Jeekɔb kaŋɛ Josɛf: “M maaŋ naŋ chɛr nseŋ wu, ama Ebɔrɛ beeŋ baa wɔ menyi kutɔ n naŋ yɛr menyi men nananyɛnana be kasawule so.

Jɛnesis 48:21 ပူးပေါင်းရင်းမြစ်များ

Jɛnesis 12:5

Eebram daŋ keta mbe eche Sɛɛrai nɛ mo sipo pibi Lɔt nna n ta bumo kikɛ be kanya nɛ basa nɛ b daŋ nya ashi Haran be kasawule so na kikɛ nyam m pɛ Keenan be ekpa a yɔ ndoŋ.

Jɛnesis 15:14

Ama meeŋ gberge loŋ be basa nɛ baaŋ ta bumo ŋ ki anya na kusoe. Kumo be kaman baaŋ lar ndoŋ nɛ kanya damta.

Jɛnesis 15:16

Fo kenanagbiramuli be jemanɛ to nɛ baaŋ naŋ bɛta m ba kasawule ere so. Loŋ be saŋɛ na nɛ Amɔriebi be alubi wora keshi ga nseŋ daga kasogberge.”

Jɛnesis 26:3

Baa wɔ nfe n wora nchɛnnyɔ nɛ m baa wɔ fo kutɔ a nɛfa fo. Meeŋ bɛ kɔnɔ nɛ n nase n sa fo tuto Eebraham na so nseŋ ta kasawule ere kikɛ n sa fo nɛ fo kaman to ebi.

Jɛnesis 28:15

Amoso kaplɛkama nɛ fo yɔ, meeŋ baa wɔ fo kutɔ a keni fo so nseŋ bɛta fo m ba kasawule ere so. M maaŋ yige fo kikɛ ama m baŋ wora kusɔ nɛ n nase kɔnɔ fanɛ meeŋ wora ere nna.”

Jɛnesis 37:1

Jeekɔb daŋ chena Keenan be kaboŋ nɛ mo tuto daa wɔ fanɛ efɔ na nna.

Jɛnesis 46:4

Ma nɛ fo e naaŋ yɔ Ijipt, ama kachako abaanaaworasheŋ meeŋ naŋ bar fo kanaŋ to ebi kasawule ere so. Fo luwu achɛ, Josɛf beeŋ keta fo nɛ fo wu.”

Jɛnesis 47:29

Mbe luwu be saŋɛ ka ba kaa taga to nɛ e tre Josɛf ŋ kaŋɛ mo: “Nɛ fo baa sha ma asheŋ bre, fo ŋini ma kelela nseŋ ji kashenteŋ n ta fo enɔ n wɔtɔ ma kebembi be kaseto n nase kɔnɔ kpakpaso fanɛ ŋ kaŋ wu, fo maaŋ puli ma Ijipt nfe.

Jɛnesis 50:24

Kachako nɛ e kaŋɛ mo daana na le: “To, k maaŋ naŋ chɛr ko nɛ n wu, ama abaanaaworasheŋ Ebɔrɛ maaŋ yige menyi n to, e beeŋ keni menyi so nseŋ juŋkpar menyi, n lara menyi kasawule ere so n ta menyi n yɔ kakpa nɛ e daŋ nase kɔnɔ n sa Eebraham nɛ Aizek nɛ Jeekɔb fanɛ e beeŋ sa na.”

Jɛnesis 50:6

Ndoŋ nna nɛ ewura Fɛɛro kaŋɛ mo: “Bɛ kɔnɔ nɛ fo nase na so n ya puli fo tuto.”

Nshɛ 18:46

Fo Enyɛnpe Ebɔrɛ na wɔ ŋkpa to nna. Meeŋ fur fo, Enyɛnpe Ebɔrɛ, ma kefaltagboŋ nɛ fee kuŋ ma. Meeŋ maŋkura fo, ma emɔlgapo.

Luuk 2:29

“Enyɛnpe, naniere bre fo shin nɛ fo kɔnɔ naseso na bɔla ekpa. Amoso, nɛ k par fo, fo shin nɛ fo kenya e lar basa to nɛ kagbenewushi,

Ashuŋ Shunso 13:36

Ŋkpal manɛ so, Deevid be jemanɛ na, e daŋ wora Ebɔrɛ be aparsheŋ nna nseŋ wu nɛ b ta mo m puli m mata mo nanaana nɛ e bɛ.

Ditɛronɔmi 30:3

kumo ere Enyɛnpe menyi be Ebɔrɛ na beeŋ wu menyi kuwɔr. Mo alɛ beeŋ naŋ bɛta menyi n shi efuliana nɛ e pesaŋ menyi to n yɔ na so m ba nseŋ shin nɛ men naŋ dii dama.

Ditɛronɔmi 31:8

Enyɛnpe Ebɔrɛ na gbagba beeŋ baa wɔ fo kutɔ a juŋkpar fo. Mo alɛ maaŋ lar fo kaman ŋko ŋ kplaŋ fo so kikɛ; amoso sa maa pɔ aba ŋko a lɔ kufu.”

2 Timoti 4:6

Ma ere, jemanɛ nɛ baaŋ ta ma n lara sarga na fo nɛ jemanɛ nɛ meeŋ lar durnya ere to na fo n loge.

Hibruwebi 7:3

Esa maŋ nyi mo nio nɛ mo tuto be asheŋ ŋko mbe kanaŋ to be asheŋ. Esa malɛ maŋ naa nyi mbe kakurgeachɛ be jemanɛ ŋko saŋɛ mo nɛ e wu. E du fanɛ Ebɔrɛ Pibinyɛn nna a la bɔrɛmatapo mo nɛ e wɔtɔ mbaanaayɔ.

Hibruwebi 7:8

Nɛ fo keni to feeŋ wu fanɛ bɔrɛmatapoana na bre be kaplɛa so, basa nɛ baa wu e naa sɔ kudukudusopo na, ama Mɛlkizedɛk bre, esa nɛ abɔrɛsibɛ bee kaŋɛ fanɛ e wɔ ŋkpa to na e daŋ sɔ kudukudusopo na.

Joshuwa 1:5

Esa kama malɛ maaŋ tiŋ m pɔɔ fo so fo kebaawɔtɔ to kikɛ. Kananɛ n daa wɔ Mosis be kaman na, loŋ nɛ meeŋ baa wɔ fo alɛ gba be kaman. M maaŋ yige fo ŋko ŋ kplaŋ fo so kikɛ.

Joshuwa 1:9

Nyiŋi fanɛ n teŋ kaŋɛ fo fanɛ fo baa leŋ fo kumu to nsaa kɔ kagbene. Sa maŋ shin nɛ kufu e pɛ fo nɛ fo pɔ aba, ŋkpal manɛ so, kaplɛkama nɛ fo wɔ, ma, Enyɛnpe fo Ebɔrɛ na wɔ fo kaman.”

Joshuwa 23:14

Naniere bre ma luwu fo. Menyi alɛ be ekama nyi mbe kagbene to fanɛ asɔ lela kama nɛ Enyɛnpe Ebɔrɛ nase kɔnɔ fanɛ e beeŋ sa na, men nya amo. Kusɔ kama nɛ e nase kɔnɔ fanɛ e beeŋ wora na kikɛ bɔlɔ so nyam.

Joshuwa 3:7

Nɛ Enyɛnpe Ebɔrɛ na kaŋɛ Joshuwa le: “Kabre meeŋ maŋ fo so ashi Israɛlebi kikɛ be anishito, n shin nɛ b pin fanɛ kananɛ ma nɛ Mosis daa la na, loŋ nɛ ma nɛ fo alɛ gba beeŋ baa la.

2 Pita 1:14

N nyi fanɛ k maaŋ naŋ chɛr nɛ ŋ gbaŋ ma eyur ere n lɛ, kumo alɛ be loŋ nɛ an Nyɛnpe Yesu Kristo bugi to ŋ ŋini ma na.