Jɛnesis 48:16 - EBƆRƐ BE KAWƆL

¹⁶ Malaika mo nɛ e tu ma ŋ kɔ emaŋ na e nɛfa bumo. Ebɔrɛ e shin nɛ ma ketre nɛ n tuto Aizek be ketre nɛ n nananyɛn Eebraham be ketre e bɔla mbia ere so a wɔtɔ mbaanaayɔ. Ebɔrɛ e sa bumo mbia damta nɛ kanaŋ to ebi damta durnya to.”

Jɛnesis 48:16 ပူးပေါင်းရင်းမြစ်များ

Jɛnesis 22:11

Ndoŋ nna nɛ Enyɛnpe be malaika shi ebɔrɛso m ponte n tre: “Eebraham, Eebraham!” Nɛ Eebraham shuli so: “Ma nde.”

Jɛnesis 22:15

Kumo be kaman nɛ Enyɛnpe be malaika na naŋ yili ebɔrɛso n tre Eebraham kela nyɔsopo ŋ kaŋɛ fanɛ

Jɛnesis 32:28

Ndoŋ nna nɛ kanyɛn na kaŋɛ Jeekɔb le: “Yili kabre mbaanaayɔ fo ketre maaŋ naŋ ji Jeekɔb, k ki Israɛl, ŋkpal fo nɛ Ebɔrɛ nɛ edimɛdi ka kɔ nɛ fo pɔɔ so so.”

Jɛnesis 46:3

Nɛ Ebɔrɛ kaŋɛ: “Ma, Enyɛnpe Ebɔrɛ, fo tuto be Ebɔrɛ na e naa malga na. Sa maŋ kaa lɔ keyɔ Ijipt be kufu, ŋkpal manɛ so, meeŋ ya ta fo nɛ fo kanaŋ to ebi ŋ ki efuli lempo ndoŋ.

Jɛnesis 48:5

E ka kaŋɛ kusɔ nɛ Ebɔrɛ daŋ kaŋɛ mo na nɛ e naŋ kaŋɛ Josɛf le: “Fo bibinyɛn Efreim nɛ Manase nɛ fo kurge Ijipt pɔɛŋ nɛ m ba nfe na gba ki ma mbia nna fanɛ kananɛ Ruben nɛ Simiɔn baa la ma mbia ere.

Jɛnesis 49:22

Josɛf, fo du fanɛ kefeelebi nɛ k bee sɔr asɔrso lela nɛ baa tre greep, nɛ k yili m mata eboŋkar nɛ kumo be ayabi daŋ n ya kaa dii a buu egbal so na nna.

2 Samuɛl 4:9

Nɛ Deevid shuli so ŋ kaŋɛ bumo le: “Enyɛnpe Ebɔrɛ nɛ e la ma shɛdajipo na nawule e mɔlga ma ashi tɔrɔ kikɛ to!

1 Bewura 1:29

Nɛ e kaŋɛ mo le: “Ŋkpal Ebɔrɛ nɛ e wɔ ŋkpa to na ka lara ma ashi etɔrɔ kikɛ to so,

2 Kronikɛls 7:14

nɛ ma basa bar bumo be amu kaseto ŋ chɛrga bumo be nfɛra a laŋɛ alubi nɛ baa wora na be kaplɛa so nseŋ kule ma bre, meeŋ yili esoso n nu bumo be kekule nseŋ ta bumo be alubi m paŋ bumo nseŋ naŋ nɛfa bumo be kasawule n shin nɛ k baa wora adɔjibi nɛnɛ.

Nshɛ 121:7

Enyɛnpe Ebɔrɛ na e naŋ kuŋ fo ashi kusɔ kama nɛ k beeŋ tiŋ n doro fo, ŋko m mɔ fo. Saŋɛ na so, shɛŋ shɛŋ maaŋ wora fo.

Nshɛ 34:2

Meeŋ fur mo ŋkpal kusɔ nɛ e wora so, nɛ bekama nɛ baa ji awurfoŋ na e nu kumo be loŋ nɛ bumo be ŋgbene e fuli bumo.

Nshɛ 34:22

Enyɛnpe Ebɔrɛ na beeŋ mɔlga mbe basa. E beeŋ kuŋ bekama nɛ baa fin kekuŋ ashi mo kutɔ na.

Nshɛ 34:7

Enyɛnpe be emalaika bee kulti bekama nɛ baa bunyaŋ mo nna a wɔtɔ, nsaa mɔlga bumo ashi kenishipere to.

Nshɛ 34:8

Nɛ fo firgi n taga Enyɛnpe na to, feeŋ wu fanɛ e walɛ. Nɛfa la bekama nɛ baa nya kekuŋ ashi Enyɛnpe na to peya nna.

Ɛksodɔs 1:7

Ama bumo be kaman to ebi, Israɛlebi na, daa kurge nna ga n wora keshi n sɔ kasawule na so kikɛ.

Aizaaya 47:4

“Ma e la Enyɛnpetale, Israɛl be Ebɔrɛ cheembi na; Ma e la bumo be Emɔlgapo.”

Aizaaya 63:9

Enyɛnpe Ebɔrɛ na ka wu mbe basa ka wɔ etɔrɔ to nɛ k tɔrɔ mo ga nɛ e shuŋi mbe malaika nɛ e ba mɔlga bumo ashi awurfoŋ na to. Kashenteŋto Enyɛnpe Ebɔrɛ na bee wu kuwɔr pasaa, amoso nɛ e kɔ n suge mbe basa na. Mbe enɔ to nɛ e keta bumo nfɛ damta nɛ a choŋ ere kikɛ na.

Jɛremaya 14:9

Manɛ nna nɛ fee wora asheŋ fanɛ esa nɛ asheŋ purgi loŋ, ŋko fanɛ enapo nɛ e maŋ kɔ eleŋ nɛ e tiŋ n chɛ esa to? Fo Enyɛnpe Ebɔrɛ na wɔ anyi kutɔ kashenteŋto nna! An la fo basa nna nɛ fo bɔrɛlambu wɔ anyi kutɔ nfe, amoso, sa maŋ kini anyi n lɛ.’ ”

Jɛremaya 15:21

Ma alɛ beeŋ kɔ n suge fo ashi kumu kpakpasowuraana nɛ b maa wu kuwɔr ere be enɔ to. Ma, Enyɛnpe Ebɔrɛ e kaŋɛ na.”

Eemɔs 9:12

Saŋɛ na so menyi Israɛlebi na beeŋ kɔ n sɔ Edɔm be nsawule nɛ efuliana nɛ a daa la meya na kikɛ.” Ma Enyɛnpe Ebɔrɛ nɛ meeŋ shin nɛ loŋ e wora na e malga na.

Malakai 3:1

Enyɛnpetale na yɛ: “Meeŋ shuŋi ma kabɔ nɛ e ya lɔŋɛ ekpa n yili ma. Nɛ Enyɛnpe Ebɔrɛ nɛ menyee fin na e ba mbe lambu to epul to. Ma kabɔ nɛ menyee jo na beeŋ ba bɔ ma kɔnɔ nase nɛ ma nɛ menyi kre na be kubɔya na n sa menyi.”

Matiu 6:13

Sa maŋ shin nɛ an luri kechɔŋkeni to, ama pete anyi ashi alubipo na kutɔ. [Ŋkpal manɛ so, Kuwurgboŋ nɛ eleŋ nɛ kemaŋkura la feya nna hale mbaanaayɔ. Amɛn.]’

Baru lela nɛ Jɔn kute na 17:15

M maa kule fo nna fanɛ fo lara bumo ashi durnya ere to, kusɔ nɛ mee kule fo e la fanɛ fo baa kuŋ bumo ashi alubipo na kutɔ.

Ashuŋ Shunso 15:17

Nɛ basa pɔtɛ nɛ b ka na kikɛ nɛ nnyamase nɛ n lara ŋ ki meya na kikɛ e ba fin ma.

Romebi 8:23

Mannɛ asɔtoso na gba nawule, anyi nɛ an nya Kiyoyu nɛ e la Ebɔrɛ be kakɛ juŋkparso na gba bee shu to nna nsaa jo saŋɛ nɛ Ebɔrɛ na beeŋ ta anyi ŋ ki mbe mbia n shin nɛ an nya anyi be amu kikɛ nyam na.

1 Kɔrintebi 10:4

nseŋ daŋ nuu asɔnuuso koŋwule mo nɛ a daŋ shi Ebɔrɛ kutɔ na. Kefalta mo nɛ kumo nɛ bumo daa na na kutɔ nɛ b daŋ nuu amo. Kefalta na e la Kristo na.

1 Kɔrintebi 10:9

A maŋ daga fanɛ an wora Enyɛnpe na ŋ keni fanɛ kananɛ bumo be beko daŋ wora nɛ awɔ daŋ duŋ n duŋ bumo m mɔ na.

Ditɛronɔmi 28:10

Saŋɛ na so, durnya be basa kikɛ beeŋ wu fanɛ Enyɛnpe Ebɔrɛ na e lara menyi nɛ men baa la mbe basa. Bumo alɛ beeŋ baa ŋana menyi.

Ditɛronɔmi 33:17

Gbolu be eleŋ nɛ Josɛf daa kɔ, nseŋ daŋ kɔ gbolu fɛlso malɛ be alambɛ. Mbe alambɛ na e la Manase be benapo ŋgboŋ to ŋgboŋ to nɛ Efreim be benapo ŋgboŋ to kudu. Benapo lempo na nɛ e beeŋ ta m pɔɔ efuliana na so hale n ya fo durnya be ekar.”

2 Timoti 4:18

Enyɛnpe malɛ beeŋ lara ma ashi kulubi kikɛ to nseŋ yɛr ma mbe ebɔrɛso be kuwura to. Kemaŋkura e baa wɔ mo so hale mbaanaayɔ. Amɛn.

Taites 2:14

E ta mo gbagba be kumu n sa anyi nɛ e tiŋ m mɔlga anyi ashi alubisheŋ kikɛ to nseŋ ta anyi ŋ ki basa cheembi nɛ an baa la mo nawule peya m bugi kagbene a wɔtɔ a sha kebaawora alelasheŋ.

Hibruwebi 11:21

Yirda so nɛ Jeekɔb daa shin nɛ e wu nseŋ daŋ nɛfa n nɛfa Josɛf be mbia na. E daa yirgi mbe kekpabi so nna nseŋ daa bunyaŋ Ebɔrɛ.

Joshuwa 17:17

Nɛ Joshuwa kaŋɛ Efrayim nɛ Manase be yiri to ebi na le: “Ŋkpal men ka shibi nsaa kɔ eleŋ so, menyi be kasawule be kachige beeŋ ba shibi.